ବିଜେପିର ଜାତୀୟ କାର୍ଯ୍ୟକାରିଣୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନୂଆନାରା ! ‘ଅଜେୟ ଭାରତ ଅଟଳ ବିଜେପି’ ।
କନକ ବ୍ୟୁରୋ : ଦିଲ୍ଲୀରେ ଅନୁଷ୍ଠିତ ବିଜେପିର ରାଷ୍ଟ୍ରୀୟ କାର୍ଯ୍ୟକାରିଣୀରେ ବିଜେପି କର୍ମକର୍ତାଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ‘ଅଜୟ ଭାରତ ଅଟଳ ବିଜେପି’ର ସ୍ଲୋଗାନ ଦେଇଛନ୍ତି । ସବକା ସାଥ ସବକା ବିକାଶର ସଫଳତା କଥା ଦୋହରାଇଛନ୍ତି ମୋଦି । କେନ୍ଦ୍ର ସରକାରଙ୍କ ବିଭିନ୍ନ ପଲିସି ଏବଂ କାର୍ଯ୍ୟଦକ୍ଷତା ଉପରେ ଆଲୋଚନା ପାଇଁ ଆମେ ପ୍ରସ୍ତୁତ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବେଶ ଦୃଢତାର ସହ କହିଛନ୍ତି । କଂଗ୍ରେସକୁ ଟାର୍ଗେଟ୍ କରି ମୋଦି କହିଛନ୍ତି, ଛୋଟ ଛୋଟ ଦଳ ମାନେ ମଧ୍ୟ କଂଗ୍ରେସର ନେତୃତ୍ୱକୁ ଗ୍ରହଣ କରୁନାହାଁନ୍ତି ।
Kanak News is now on WhatsApp
Join and get latest news updates delivered to you via WhatsApp
ବରିଷ୍ଠ ବିଜେପି ନେତା ରବିଶଙ୍କର ପ୍ରସାଦ ସାମ୍ବାଦିକ ସମ୍ମିଳନୀରେ କହିଛନ୍ତି ଗଲା ୪୮ବର୍ଷରେ କଂଗ୍ରେସ ସରକାର ଯାହା ହାସଲ କରିନଥିଲା ଗତ ୪୮ ସପ୍ତାହ ମଧ୍ୟରେ ବିଜେପି ସରକାର ତାହା ହାସଲ କରି ଦେଖାଇଛି । ୨୦୧୯ ନିର୍ବାଚନରେ ବିଜେପି ଜିତିବ ଏବଂ ଆଗାମୀ ୫୦ବର୍ଷ ପାଇଁ ଦଳ କୌଣସି ଚ୍ୟାଲେଂଜର ସାମ୍ନା କରିବ ନାହିଁ ବୋଲି ମୋଦିଙ୍କ ନାଁ ନେଇ ରବିଶଙ୍କର ଏହା କହିଛନ୍ତି । ସେ ଆହୁରି ମଧ୍ୟ କହିଛନ୍ତି ୨୦୧୪ ପରଠାରୁ ଦଳ ବିଶ୍ରାମ ନେଇନାହିଁ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୩୦୦ଲୋକସଭା ନିର୍ବାଚନ ମଣ୍ଡଳୀ ପରିଦର୍ଶନ କରିଛନ୍ତି । ଦେଶର ୨୨କୋଟି ପରିବାର ପାଖରେ ମୋଦି ସରକାର ପହଂଚିବେ ବୋଲି କହିଛନ୍ତି ରବିଶଙ୍କର ।