କନକ ବ୍ୟୁରୋ: ଏଣିକି ଅପହଞ୍ଚ ଅଞ୍ଚଳର ପିଲାଙ୍କ ପାଇଁ ହେବନି ସ୍କୁଲ ସମସ୍ୟା । କାରଣ ଅପହଞ୍ଚ ଅଞ୍ଚଳର ପିଲାଙ୍କ ଶିକ୍ଷା ପାଇଁ ସରକାର କରୁଛନ୍ତି ଯୋଜନା । ସ୍କୁଲ ଦୂରରେ ଥିବାରୁ ପାଠ ଛାଡୁଥିବା ବା ସମସ୍ୟାର ସମ୍ମୁଖୀନ ହେଉଥିବା ଛାତଛାତ୍ରୀଙ୍କ ସ୍କୁଲ ଯିବା ଆସିବା ଖର୍ଚ୍ଚ ବହନ କରିବେ ରାଜ୍ୟ ସରକାର । ଏହି ଯୋଜନାରୁ ଉପକୃତ ହେବେ ୩୦ ଜିଲ୍ଲାର ୩୫ ହଜାର ୬୭ ଜଣ ଛାତ୍ରଛାତ୍ରୀ । ବିଶେଷ କରି ପ୍ରାଥମିକ ଓ ଉଚ୍ଚ ପ୍ରାଥମିକ ସ୍କୁଲର ପିଲାମାନେ ଏହି ଯୋଜନର ଲାଭ ପାଇପାରିବେ ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟର ବିଭିନ୍ନ ଜିଲ୍ଲାରେ ସରକାରୀ ବିଦ୍ୟାଳୟଗୁଡିକ ଜନବସତିଠାରୁ ଦୂରରେ ଥିବାରୁ ପିଲାମାନେ ଅଧାରୁ ପାଠ ଛାଡୁଥିବା ସମସ୍ୟା ଦେଖିବାକୁ ମିଳୁଛି । ଏହି ସମସ୍ୟାକୁ ଅନୁଭବ କରି ପିଲାଙ୍କ ପାଇଁ ସୁବିଧା କରିବାକୁ ଯୋଜନା କରିଛନ୍ତି ସରକାର । ତେବେ ଯେଉଁ ଛାତ୍ରଛାତ୍ରୀମାନଙ୍କର ବିଦ୍ୟାଳୟରେ ୭୫ ପ୍ରତିିଶତ ଉପସ୍ଥ୍ାନ ହୋଇଥିବ ସେମାନଙ୍କୁ ଏହି ଯୋଜନାରେ ଆର୍ଥିକ ସହାୟତା ମିଳିବ ବୋଲି ଓସେପା ପକ୍ଷରୁ କୁହାଯାଇଛି ।