ଦେଶର ଦ୍ରୁତତମ ଧାବିକା ଦୂତି ଚାନ୍ଦ ଭାଙ୍ଗିଲେ ନିଜ ରେକର୍ଡ । ୧୧ ଦଶମିକ ୨୨ ସେକେଣ୍ଡରେ ଅତିକ୍ରମ କଲେ ୧୦୦ ମିଟର, ଜାତୀୟ ଆଥ୍ଲେଟିକ୍ ଚାମ୍ପିୟନସିପ୍ରେ ଦୂତିଙ୍କୁ ସ୍ୱର୍ଣ୍ଣ
କନକ ବ୍ୟୁରୋ : ନିଜ ରେକର୍ଡକୁ ଭାଙ୍ଗି ନୂଆ ରେକର୍ଡ କରିଛନ୍ତି ଦୌଡରାଣୀ ଦୂତୀ ଚାନ୍ଦ । ୧୦୦ ମିଟର ଦୌଡ଼କୁ ମାତ୍ର ୧୧.୨୨ ସେକେଣ୍ଡରେ ଅତିକ୍ରମ କରି ଏହି ରେକର୍ଡ ହାସଲ କରିଛନ୍ତି ଓଡ଼ିଆ ଧାବିକା । ରାଂଚିରେ ଅନୁଷ୍ଠିତ ୫୯ ତମ ଜାତୀୟ ଆଥଲେଟିକ୍ ଚାମ୍ପିଅନସିପ୍ ପ୍ରତିଯୋଗୀତାରେ ଏହି ସଫଳତା ପାଇଛନ୍ତି ଦୂତୀ । ଦେଶର ଦ୍ରୁତତମ ଧାବିକା ଭାବେ ନୂଆ ରେକର୍ଡ ସ୍ଥାପନ କରିବା ସହ ଜାତୀୟ ଆଥଲେଟିକ୍ ଚାମ୍ପିଅନସିପରେ ସ୍ୱର୍ଣ୍ଣ ଜିତିଛନ୍ତି ଦୂତୀ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଓଡ଼ିଆ ଧାବକ ଅମିୟ ମଲ୍ଲିକଙ୍କୁ ମଧ୍ୟ ପୁରୁଷ ବିଭାଗ ୧୦୦ ମିଟର ଦୌଡ଼ରେ ବିରଳ ସଫଳତା ମିଳିଛି । ଜାତୀୟ ଆଥଲେଟିକ୍ ଚାମ୍ପିଅନସିପରେ ସ୍ୱର୍ଣ୍ଣ ଜିତିଛନ୍ତି ଅମିୟ । ୧୦୦ ମିଟର ଦୌଡ଼କୁ ୧୦.୪୬ ସେକେଣ୍ଡରେ ଅତିକ୍ରମ କରି ଏହି ସଫଳତା ପାଇଛନ୍ତି ଅମିୟ ମଲ୍ଲିକ । ଚଳିତ ସିଜିନରେ ସଂଘର୍ଷ କରୁଥିବା ଅମିୟ ମଲ୍ଲିକ ପୁଣି ଥରେ ନିଜ ଲୟକୁ ଫେରିଛନ୍ତି । ସେହିପରି ଓଡ଼ିଆ ଧାବିକା ଯଉନା ମୁର୍ମୁ ୪୦୦ ମିଟର ବାଧା ଦୌଡ଼ରେ ସ୍ୱର୍ଣ୍ଣ ପଦକ ହାସଲ କରିଛନ୍ତି ।