କରୋନା କଟକଣା ଭିତର ଉଚ୍ଚଶିକ୍ଷା ବିଭାଗର ପାଠପଢା ପାଇଁ ନୂଆ ଗାଇଡ୍ ଲାଇନ୍ । ଅନଲାଇନରେ ସପ୍ତାହକୁ ତିନି ଦିନ ପାଠ ପଢାଇବେ ଅଧ୍ୟାପକ : ପ୍ରତି କ୍ଲାସ ୨ରୁ ୩ ଘଂଟା ହେବା ପାଇଁ ନିଷ୍ପତି
କନକ ବ୍ୟୁରୋ : କୋଭିଡ କଟକଣା ଯୋଗୁଁ ଅଗଷ୍ଟ ୩୧ ଯାଏଁ ବନ୍ଦ ରହିବ ସମସ୍ତ ଶିକ୍ଷାନୁଷ୍ଠାନ । ଫଳରେ ରାଜ୍ୟର ସମସ୍ତ ଡିଗ୍ରୀ କଲେଜର ଛାତ୍ରଛାତ୍ରୀ ନିୟମିତ କ୍ଲାସରୁମ୍ ପାଠପଢା ହେବନି । ଏପରିକି ହଷ୍ଟେଲ ବି ଖୋଲିବ ନାହିଁ । ସରକାରଙ୍କର ଏହି ନିଷ୍ପତି ମଧ୍ୟରେ ଉଚ୍ଚ ଶିକ୍ଷା ବିଭାଗ ଏକ ବିକଳ୍ପ ବାଟ ବାହାର କରିଛି । ରାଜ୍ୟର ସମସ୍ତ ଡିଗ୍ରୀ କଲେଜରେ ଆସନ୍ତା ୧୩ ତାରିଖଠାରୁ ଅନ୍ଲାଇନ୍ ପାଠପଢା ଆରମ୍ଭ ହେବ । ଏନେଇ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇବା ସହ ରୂପରେଖ ଘୋଷଣା କରାଯାଇଛି । ଗାଇଡ୍ ଲାଇନ୍ ଅନୁସାରେ, ଅତିବେଶୀରେ ୩୨ ଜଣ ଲେଖାଏଁ ପିଲାଙ୍କୁ ନେଇ ହ୍ୱାଟସଆପ୍ ଓ ଇ-ମେଲରେ ଗ୍ରୁପ ଗଠନ ହେବ । ଅଧ୍ୟାପକମାନେ ନୋଟ୍ର ସଫ୍ଟ କପି, ରେଫରେନ୍ସ ବହି, ପିପି ପ୍ରେଜେଂଟେସନ ଆଦି ଏହି ଆପ୍ ବା ଇ-ମେଲ୍ ଜରିଆରେ ପିଲାଙ୍କ ପାଖକୁ ପଠାଇବେ ।
Kanak News is now on WhatsApp
Join and get latest news updates delivered to you via WhatsApp
ଏହା ସହ ଓଡିଶା ରାଜ୍ୟ ମୁକ୍ତ ବିଶ୍ୱ ବିଦ୍ୟାଳୟ ୱେବ୍ସାଇଟ୍ରେ ଥିବା ଡିଜିଟାଲ ପାଠ୍ୟକ୍ରମକୁ ଛାତ୍ରଛାତ୍ରୀଙ୍କୁ ପଠାଇ ପାରିବେ । ଅଧ୍ୟାପକମାନେ ସପ୍ତାହକୁ ୩ ଦିନ ଅନ୍ଲାଇନ୍ କ୍ଲାସ କରିବେ । ପ୍ରତିକ୍ଲାସ ୨ରୁ ୩ ଘଂଟା ମଧ୍ୟରେ ହେବ । ଗୁଗୁଲ ମିଟ୍, ଜୁମ୍ , ସ୍କାଏପି ଓ ଅନ୍ୟ ଜିଡିଟାଲ ପ୍ଲାଟଫର୍ମକୁ ବ୍ୟବାହ କରି ଅନ୍ଲାଇନ୍ କ୍ଲାସ କରାଯାଇ ପାରିବ । କଲେଜ କ୍ୟାମ୍ପସରୁ ଏହି ଡିଜିଟାଲ କ୍ଲାସ ନିଆଯିବ । ଏହି ସମୟରେ ଛାତ୍ରଛାତ୍ରୀଙ୍କ ଉପସ୍ଥାନ ମଧ୍ୟ ନିଆଯିବ । ଅନଲାଇନକ୍ଲାସ ପାଇଁ ପ୍ରତି ବିଭାଗ ନିଜ ଟାଇମ୍ ଟେବୁଲ ପ୍ରସ୍ତୁତ କରି ଅଧ୍ୟକ୍ଷଙ୍କୁ ପ୍ରଦାନ କରିବେ । ଏହାର ଆଧାରରେ କଲେଜର ଏକ ମାଷ୍ଟର ଟାଇମ୍ ଟେବୁଲ ପ୍ରସ୍ତୁତ ହେବ । ଅଧ୍ୟକ୍ଷଙ୍କ ନେତୃତ୍ୱରେ ୨ରୁ ୩ ଜଣିଆ ବରିଷ୍ଠ ଅଧ୍ୟାପକଙ୍କ ଏକ ଟିମ୍ ଅନ୍ଲାଇନ୍ କ୍ଲାସର ତଦାରଖ କରିବେ । ଉଚ୍ଚଶିକ୍ଷା ବିଭାଗ ପକ୍ଷରୁ କଲେଜରେ ଅତର୍କିତ ଗସ୍ତ କରି ଅନ୍ଲାଇନ୍ କ୍ଲାସର ଯାଂଚ କରାଯିବ ।