ଶୀତକାଳୀନ ଅଧିବେଶନ ପୂର୍ବରୁ ରାଜ୍ୟସଭା ସାଂସଦଙ୍କ ପାଇଁ ନିୟମାବାଳି ଜାରି । ଗୃହରେ ଉଠାଇବାକୁ ଥିବା ପ୍ରସଙ୍ଗ ଆଗୁଆ କରିପାରିବେନି ସାର୍ବଜନୀନ
କନକ ବ୍ୟୁରୋ : ଆସନ୍ତା ସପ୍ତାହରୁ ସଂସଦର ଶୀତକାଳୀନ ଅଧିବେଶନ । ରାଜ୍ୟସଭାରେ ଉଠାଯାଇଥିବା ପ୍ରସଙ୍ଗ ଉପରେ କୌଣସି ପ୍ରଚାର ହେବା ଉଚିତ ନୁହେଁ ବୋଲି ରାଜ୍ୟସଭା ସାଂସଦମାନଙ୍କୁ ନିର୍ଦ୍ଦେଶ ରହିଛି । ଗୃହର ଅଧ୍ୟକ୍ଷ ନୋଟିସ୍ ଅନୁମୋଦନ ନକରିବା ପର୍ଯ୍ୟନ୍ତ ଏବଂ ଅନ୍ୟ ସାଂସଦମାନଙ୍କୁ ଏହା ଜଣାଇବା ପର୍ଯ୍ୟନ୍ତ ବିଜ୍ଞପ୍ତିଗୁଡିକ ସାର୍ବଜନୀନ କରାଯିବା ଉଚିତ୍ ନୁହେଁ ବୋଲି କୁହାଯାଇଛି । ସଂସଦର ଶୀତକାଳୀନ ଅଧିବେଶନ ପୂର୍ବରୁ ସାଂସଦମାନଙ୍କୁ ଦିଆଯାଇଥିବା ନିର୍ଦ୍ଦେଶରେ ସଂସଦର ପରମ୍ପରା ଏବଂ ପ୍ରକ୍ରିୟା ଉଲ୍ଲେଖ କରାଯାଇଛି । ନିର୍ଦ୍ଦେଶରେ, ଏପ୍ରିଲ୍ ୨୦୨୨ ରେ ପ୍ରକାଶିତ ରାଜ୍ୟସଭା ସଦସ୍ୟଙ୍କ ପାଇଁ ହ୍ୟାଣ୍ଡବୁକ୍ ରେ ଉଲ୍ଲେଖ କରାଯାଇଥିବା ସଂସଦର ପରମ୍ପରା ଏବଂ ପ୍ରକ୍ରିୟାଗୁଡ଼ିକୁ ଉଲ୍ଲେଖ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସାଂସଦମାନେ କୌଣସି ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉଠାଇବେ ବୋଲି ଜନସାଧାରଣଙ୍କୁ କହିପାରିବେ ନାହିଁ ।ଧନ୍ୟବାଦ, ଜୟ ହିନ୍ଦ, ବନ୍ଦେ ମାତରମ ଭଳି ନାରାବାଜି ଗୃହରେ ହେବ ନାହିଁ । ଅଧ୍ୟକ୍ଷଙ୍କ ନିଷ୍ପତ୍ତିକୁ ନେଇ ଗୃହ ଭିତରେ କିମ୍ବା ବାହାରେ ଆଲୋଚନା କରିପାରିବେ ନାହିଁ । ଗୃହରେ ପ୍ଲାକାର୍ଡ ଆଣିବା ଉପରେ ନିଷେଧାଦେଶ ରହିଛି । ଅଧ୍ୟକ୍ଷ କହୁଥିବା ସମୟରେ କୌଣସି ସଦସ୍ୟ ଗୃହ ବାହାରକୁ ଯିବା ଅନୁଚିତ । ଦୁଇଜଣ ସଦସ୍ୟ ଏକାଠି ଛିଡା ହୋଇପାରିବେ ନାହିଁ । ସଦସ୍ୟମାନେ ସିଧାସଳଖ ଚେୟାରମ୍ୟାନଙ୍କ ନିକଟକୁ ଆସିବା ଉଚିତ୍ ନୁହେଁ । ଗୃହରେ ସଦସ୍ୟଙ୍କ ଉପସ୍ଥିତି ପଞ୍ଜିକରଣ କରିବା ଆବଶ୍ୟକ । ବିନା ଅନୁମତିରେ ଷାଠିଏ ଦିନ ଅନୁପସ୍ଥିତ ରହିଲେ ସାଂସଦଙ୍କ ଆସନ ଖାଲି ଘୋଷଣା ହେବ! ଗୃହ ପ୍ରକ୍ରିୟାର ଭିଡିଓଗ୍ରାଫି ନିଷେଧ । ଜଣେ ନୂଆ ସଦସ୍ୟଙ୍କ ପ୍ରଥମ ଭାଷଣ ୧୫ ମିନିଟରୁ ଅଧିକ ହେବନି