କର୍ଣ୍ଣାଟକକୁ ମରୁଡି ପ୍ୟାକେଜ ଦେବା ପ୍ରସ୍ତୁତିରେ କେନ୍ଦ୍ର ସରକାର : ୨୩ ମେ’ ପର୍ଯ୍ୟନ୍ତ କରିବାକୁ ପଡିବ ଅପେକ୍ଷା
ମରୁଡିର ସାମନା କରୁଥିବା କର୍ଣ୍ଣାଟକକୁ ପ୍ୟାକେଜ ମଂଜୁରୀ ପାଇଁ କେନ୍ଦ୍ରରେ ନୂଆ ସରକାର ଆସିବାକୁ ଅପେକ୍ଷା କରିବାକୁ ପଡିବ । ସୂତ୍ରରୁ ଏହା ଜଣାପଡିଛି । କେନ୍ଦ୍ର ସରକାରଙ୍କ ଏକ ଦଳ ମରୁଡି କାରଣରୁ ରବି ଫସଲକୁ ହୋଇଥିବା କ୍ଷତିର ଆକଳନ କରିସାରିଛି ଏବଂ କେନ୍ଦ୍ର କୃଷି ମନ୍ତ୍ରାଳୟକୁ ଏହାର ବିସ୍ତୃତ ରିପୋର୍ଟ ଦିଆସରିଛି । ରାଜ୍ୟ ସରକାର କେନ୍ଦ୍ର ସରକାରଙ୍କୁ ଦେଇଥିବା ଏହି ରିପୋର୍ଟରେ ୨,୦୬୪ କୋଟି ଟଙ୍କାର ବିତ୍ତୀୟ ସହାୟତାର ଦାବି କରିଥିଲେ । ଯଦ୍ୱାରା ମରୁଡିର ସାମନା କରୁଥିବା କୃଷକଙ୍କ ସହାୟତା କରାଯାଇପାରିବ ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଏକ କେନ୍ଦ୍ରୀୟ ଦଳ ରିପୋର୍ଟ ଦେଇସାରିଛି ଏବଂ ଗୃହ ମନ୍ତ୍ରାଳୟର ଉଚ୍ଚ ସ୍ତରୀୟ କମିଟିକୁ ଏହା ଉପରେ ନିର୍ଣ୍ଣୟ କରିବାକୁ ପଡିବ । ଆଦର୍ଶ ଆଚରଣ ବିଧି କେନ୍ଦ୍ର ସରକାରଙ୍କୁ ଉଚ୍ଚ ସ୍ତରୀୟ ବୈଠକ ଆୟୋଜିତ କରିବାକୁ ରୋକେନି କିନ୍ତୁ ଜଣାପଡୁଛି ଯେ ବୈଠକ ନୂଆ ସରକାର ଗଠନ ପରେ ହିଁ ହେବ । କର୍ଣ୍ଣାଟକର ୩୦ଟି ଜିଳ୍ଲାର ୧୫୬ ଅଂଚଳକୁ ମରୁଡିଗ୍ରସ୍ତ ଅଂଚଳ ଘୋଷଣା କରିସାରିଛି ଓ ଏମଧ୍ୟରୁ ୧୦୭ ଅଂଚଳ ଗଭୀର ମରୁଡି ସଂକଟର ସାମନା କରୁଛି । ଯେବେକି ୪୯ ଅଂଚଳରେ ମଧ୍ୟମ ଧରଣର ମରୁଡି ହୋଇଛି । ରାଜ୍ୟ ୨୦୧୮-୧୯ବର୍ଷରେ ଖରିଫ ଅଧିବେଶନରେ ମରୁଡି ସଂକଟ ସହି ସାରିଛି ।