ନିଜକୁ ଆଇପିଏସ୍ ଅଫିସରର ପରିଚୟ ଦେଇ ଯୁବତୀଙ୍କୁ ଠକି ଆସୁଥିଲେ ଯୁବକ ! ଗିରଫ କଲା ପୋଲିସ୍
ଆଇପିଏସ୍ ଅଫିସର ବୋଲି କହି ମହିଳାଙ୍କୁ ଠକିଥିବାରୁ ରବିବାର ଦିଲ୍ଲୀ ପୁଲିସ ଜଣେ ଯୁବକଙ୍କୁ ଗିରଫ କରିଛି । ଯୁବକଙ୍କ ନାଁ ରାଜ୍ ମଲହୋତ୍ରା ବୋଲି ଜଣା ପଡ଼ିଥିବା ବେଳେ ସେ ମହିଳାଙ୍କୁ ଚାକିରି ଦେବେ ବୋଲି କହି ତାଙ୍କୁ ଠକିଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଅଭିଯୁକ୍ତ ରାଜ୍ ପୀଡ଼ିତାଙ୍କୁ ଜିମରେ ଦେଖା ହେବା ପରେ ନିଜେ ଜଣେ ଆଇପିଏସ୍ ଅଫିସର ବୋଲି କହି ପରିଚୟ ଦେଇଥିଲେ । ଉତ୍ତର ଦିଲ୍ଲୀରେ ମୁତୟନ ଥିବା କହି ପୀଡ଼ିତାଙ୍କୁ ଚାକିରି ଦେବେ ବୋଲି ପ୍ରତିଶ୍ରୁତି ଦେଇଥିଲେ । ଏହା ସହ ପୀଡ଼ିତାଙ୍କୁ ବିଶ୍ୱାସ ଦେବା ପାଇଁ ସେ ନକଲି ଫେସବୁକ୍ ଆକାଉଣ୍ଟ ତିଆରି କରିବା ସହ ଆଇପିଏସ୍ ପୋଷାକ ପିନ୍ଧିଥିବା ଫଟୋ ରଖିଥିଲେ । ଯାହା ପାଇଁ ପୀଡ଼ିତା ରାଜଙ୍କ ଜାଲରେ ଫସି ଯାଇଥିଲେ । କିନ୍ତୁ ସବୁ ସତ ସାମ୍ନାକୁ ଆସିବା ପରେ ପୀଡ଼ିତା ପୁଲିସରେ ଅଭିଯୋଗ କରିଥିଲେ, ଯାହା ପରେ ତାଙ୍କୁ ଗିରଫ କରାଯାଇଛି । ଏହା ପ୍ରଥମ ନୁହେଁ, ଏହା ପୂର୍ବରୁ ୨୦୧୩ରେ ନିଜକୁ ସବ୍-ଇନସ୍ପେକ୍ଟର ବୋଲି କହି ରାଜ୍ ଗିରଫ ହୋଇ ତିହାର ଜେଲରେ ରହିଥିବା ସାମ୍ନାକୁ ଆସିଛି ।