ଡରାଉଛି ଭୁତାଣୁର ନୂଆ ରୂପ : ବ୍ରିଟେନରୁ ଫେରିଥିବା ୧୦ରୁ ଅଧିକ ଯାତ୍ରୀ କରୋନା ପଜିଟିଭ୍
କେନ୍ଦ୍ର ସରକାର କହିଲେ, ଏଯାଏଁ ଭାରତରେ ଚିହ୍ନଟ ହୋଇନାହିଁ ନୂଆ ଷ୍ଟ୍ରେନ୍; ସେପଟେ ବ୍ରିଟେନରୁ ଫେରିଥିଲେ ୧୪ ଦିନ ବାଧ୍ୟତାମୂଳକ ସଂଗରୋଧ ପାଇଁ ରାଜ୍ୟ ସରକାରଙ୍କ ଏସଓପି
କନକ ବ୍ୟୁରୋ : ବ୍ରିଟେନ୍ରେ ନୂଆ ପ୍ରଜାତିର କରୋନା ଭୂତାଣୁକୁ ନେଇ ବିଶ୍ବବ୍ୟାପୀ ଆତଙ୍କ ସୃଷ୍ଟି ହୋଇଥିବା ବେଳେ ଭାରତ ଏ ଦିଗରେ ସତର୍କତା ପଦକ୍ଷେପ ଗ୍ରହଣ କରିଛି। ଲଣ୍ଡନ୍ରୁ ଆସୁଥିବା ବିମାନ ଯାତ୍ରୀମାନଙ୍କ ବାଧ୍ୟତାମୂଳକ ଆର୍ଟିପିସିଆର ଟେଷ୍ଟ୍ କରାଯାଉଛି। ସେମାନଙ୍କ ମଧ୍ୟରୁ ୨୧ ଜଣଙ୍କ ଟେଷ୍ଟ୍ ରିପୋର୍ଟ ପଜିଟିଭ୍ ଆସିଛି। ଦିଲ୍ଲୀ ବିମାନବନ୍ଦରରେ ପହଞ୍ଚିଥିବା ୫ ଜଣ ଯାତ୍ରୀଙ୍କ ଟେଷ୍ଟ୍ ରିପୋର୍ଟ ପଜିଟିଭ୍ ଆସିଥିବା ବେଳେ, ଅମୃତସରରେ ୮ ଜଣ, ଅହମଦାବାଦରେ ୫ ଜଣ, କୋଲାକାତାରେ ୨ ଜଣ ଏବଂ ଚେନ୍ନାଇରେ ଜଣଙ୍କ ଟେଷ୍ଟ୍ ରିପୋର୍ଟ ପଜିଟିଭ୍ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ଗତରାତି ୧୦.୪୦ରେ ଦିଲ୍ଳୀ ବିମାନବନ୍ଦରରେ ଅବତରଣ କରିଥିବା ଏୟାର ଇଣ୍ଡିଆ ବିମାନରେ ୨୬୬ ଜଣ ଯାତ୍ରୀଥିଲେ। ସେମାନଙ୍କର କୋଭିଡ୍ ଟେଷ୍ଟ୍ କରାଯିବାପରେ ୫ ଜଣଙ୍କ ରିପୋର୍ଟ ପଜିଟିଭ୍ ଆସିଥିଲା। ସେହିପରି କୋଲକାତରେ ମଧ୍ୟ ୨ ଜଣ ବ୍ୟକ୍ତି ବ୍ରିଟେନ୍ରୁ ଫେରିବାପରେ କରୋନା ସଂକ୍ରମିତ ହୋଇଛନ୍ତି । ସେମାନେ ଗତ ରବିବାର ଦିନ କୋଲକାତାର ଏନ୍ଏସସିବିଆଇ ବିମାନବନ୍ଦରରେ ପହଞ୍ଚିଥିଲେ। ସେମାନଙ୍କୁ ୨ଟି ପୃଥକ୍ ହସ୍ପିଟାଲ୍ରେ ଭର୍ତ୍ତି କରାଯାଇଛି। ସେମାନଙ୍କ ଶରୀରରେ ଏହି ନୂଆ ପ୍ରଜାତିର ଭୂତାଣୁ ଅଛି କି ନା’ ତାହା ଜାଣିବାପାଇଁ ବିଶେଷଜ୍ଞମାନେ ଅନୁଧ୍ୟାନ ଜାରି ରଖିଛନ୍ତି ।
ବ୍ରିଟେନ୍କୁ ବିମାନ ବାତିଲ ଘୋଷଣା ହେବାପରେ ଭାରତରେ ଅନ୍ୟ ୨ଟି ବିମାନ ଆସି ଗତକାଲି ବିଳମ୍ବିତ ରାତିରେ ପହଞ୍ଚିଥିଲା। ଗୋଟିଏ ମୁମ୍ବାଇରେ ଅବତରଣ କରିଥିବାବେଳେ ଅନ୍ୟଟି ପଂଜାବର ଅମୃତସରରେ ଅବତରଣ କରିଥିଲା। ଅମୃତସରରେ ପହଞ୍ଚିଥିବା ୨୪୦ ଯାତ୍ରୀଙ୍କ ମଧ୍ୟରୁ ୮ ଜଣଙ୍କ ରିପୋର୍ଟ ପଜିଟିଭ୍ ଆସିଛି। ବ୍ରିଟେନ୍ ଫେରନ୍ତା କରୋନା ଆକ୍ରାନ୍ତଙ୍କଠାରେ ନୂଆ ପ୍ରଜାତିର ଭାଇରସ୍ ଅଛି କି ନାହିଁ ତାହା ସ୍ପଷ୍ଟ ହୋଇନଥିବା ବେଳେ ଏ ନେଇ ବିଶେଷଜ୍ଞ ଦଳ ଅନୁଧ୍ୟାନ ଜାରି ରଖିଛନ୍ତି।
ବ୍ରିଟେନରେ ଦେଖା ଦେଇଥିବା ମହାମାରୀ କୋଭିଡର ନୂଆ ଷ୍ଟ୍ରେନ । ବ୍ରିଟେନରୁ ଫେରିଥିବା ୧୦ରୁ ଅଧିକ ଯାତ୍ରୀ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏହାକୁ ନେଇ ଗାଇଡଲାଇନ୍ ଜାରି କରିଛି ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ । ଗାଇଡଲାଇନରେ କୁହାଯାଇଛି ବ୍ରିଟେନରୁ ଓଡିଶାକୁ ଫେରିଥିଲେ ୧୪ ଦିନ ସଂଗରୋଧରେ ବାଧ୍ୟତାମୂଳକ ଭାବେ ରହିବାକୁ ପଡିବ । ସେହିପରି ୧୪ ଦିନ ମଧ୍ୟରେ ବ୍ରିଟେନରୁ ଫେରିଥିଲେ ଦେବାକୁ ପଡିବ ତଥ୍ୟ ।
ନୂଆ ଷ୍ଟ୍ରେନର କରୋନା ଭାଇରସକୁ ନେଇ ସତର୍କତା ମୂଳକ ପଦକ୍ଷେପ ଭାବେ କେନ୍ଦ୍ର ସରକାରଙ୍କ ଗାଇଡଲାଇନ ଅନୁସାରେ ଏହି ଏସଓପି ଜାରି କରିଛନ୍ତି ରାଜ୍ୟ ସରକାର । ବ୍ରିଟେନରୁ ଫେରୁଥିବା ଯାତ୍ରୀଙ୍କ ଉପରେ ନଜର ରଖିବାକୁ ବିଏମସି କର୍ତୁପକ୍ଷ, କ୍ୟାପିଟାଲ ହସ୍ପିଟାଲ କର୍ତୁପକ୍ଷ, ଝାରସୁଗୁଡା ଜିଲ୍ଲାପାଳଙ୍କୁ ସତର୍କ କରାଯାଇଛି । ବ୍ରିଟେନରୁ ଦିଲ୍ଲୀକୁ ଫେରିଥିବା ୫ଜଣ ଯାତ୍ରୀ ଓ କୋଲକାତାକୁ ଫେରିଥିବା ୨ଜଣ ଯାତ୍ରୀ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏହା ପରେ ଓଡିଶା ସରକାର ସତର୍କତାମୂଳକ ଭାବେ ଏସଓପି ଜାରି କରି ଆଗୁଆ ପଦକ୍ଷେପ ଗ୍ରହଣ କରିଛନ୍ତି ।