ବାହାମାସ ଲିଙ୍କରେ ଚର୍ଚ୍ଚାକୁ ଆସିଥିବା ମଂଜୁଳା ଶ୍ରଫଙ୍କୁ ନେଇ ନୂଆ ବିବାଦ । ଭଣ୍ଡ ବାବା ନିତ୍ୟାନନ୍ଦଙ୍କ ଜରିଆରେ ନେତା, ବ୍ୟବସାୟୀଙ୍କୁ କରୁଥିଲେ ବ୍ଲାକମେଲ । କୈଳାସର ରାଜମାତା ଭାବେ ହୋଇଥିଲେ ଅଭିହିତ, ଅଲୈାକିକ ଶକ୍ତିର କରୁଥିଲେ ପ୍ରଚାର
କନକ ବ୍ୟୁରୋ : ଓଡିଶାର ଜଣେ ବ୍ୟବସାୟୀଙ୍କ ବାହାମାସ ଲିଙ୍କରେ ଚର୍ଚ୍ଚାକୁ ଆସିଥିବା ମଂଜୁଳା ଶ୍ରଫ ପୁଣି ବିବାଦରେ ଫଶିଛନ୍ତି । ଅପହରଣ ଆଉ ନିର୍ଯାତନା ଭଳି ମାମଲାରେ ଦେଶରୁ ଫେରାର ହୋଇଯାଇଥିବା ଭଣ୍ଡ ବାବା ନିତ୍ୟାନନ୍ଦଙ୍କ ସହ ତାଙ୍କ ଘନିଷ୍ଠତା ଏବଂ ଅଲୈାକିକ ଶକ୍ତିର ପ୍ରଚାର କରୁଥିବା ଦୃଶ୍ୟ ଚର୍ଚ୍ଚାକୁ ଆଗକୁ ବଢାଇଛି । ନୂଆ ଏକ ଦେଶ କୈଳାସର ରାଜମାତା ଭାବେ ତାଙ୍କୁ ନିତ୍ୟାନନ୍ଦ ଅଭିହିତ କରିଥିବା ବେଳେ ଏହାର ସ୍ଥାପନା ଦିଗରେ କିଭଳି ବ୍ଲାକମେଲ ଭଳି ରାସ୍ତାକୁ ଆପଣା ଯାଇଥିଲା ସେନେଇ ରିପୋର୍ଟ ପ୍ରକାଶ ପାଇଛି । ନିଜର ତୃତୀୟ ନୟନର ଶକ୍ତି ମାଧ୍ୟମରେ ଦେଖାଉଥିବା ଚମକ୍ରାର ବାବଦରେ ଅତି ଉତ୍ସୁକତାର ସହ ଉଲ୍ଲେଖ କରୁଥିବା ଭିଡିଓ ପ୍ରମାଣିତ କରିଛି, କିଭଳି ନିବିଡ ରହିଛି ମଂଜୁଳା ଏବଂ ନିତ୍ୟାନନ୍ଦଙ୍କ ସଂପର୍କ ।
Kanak News is now on WhatsApp
Join and get latest news updates delivered to you via WhatsApp
ମଂଜୁଳା ଶ୍ରଫଙ୍କ ନାଁରେ ମନି ଲଣ୍ଡରିଂର ଅଭିଯୋଗ ରହିଛି, ସେ ଆତ୍ମଘୋଷିତ ଭଗବାନ ନିତ୍ୟାନନ୍ଦଙ୍କର ଜଣେ ଘନିଷ୍ଠ ସହଯୋଗୀ ଭାବେ ଜଣାଶୁଣା । ଜାତୀୟ ଗଣମାଧ୍ୟମର ରିପୋର୍ଟ ଅନୁସାରେ, ଗୁଜୁରାଟରେ ଅନେକ ନେତା, ଅଫିସର ଆଉ ବ୍ୟବସାୟୀଙ୍କୁ ମଂଜୁଳାଙ୍କ ଜରିଆରେ ବ୍ଲାକମେଲ କରୁଥିଲେ ନିତ୍ୟାନନ୍ଦ ।
ଦେଶରୁ ଫେରାର ହେବା ପରେ କୈଳାସ ନାଁରେ ନିଜର ନୂଆ ଏକ ଦେଶ ଗଠନ କରିବାକୁ ନିତ୍ୟାନନ୍ଦ ବ୍ଲାକମେଲ ଭଳି ରାସ୍ତାକୁ ବାଛିଥିଲେ । ଆଉ ଏଥିରେ ସହଯୋଗ କରିଥିବା ମଂଜୁଳା ଶ୍ରଫଙ୍କୁ ରାଜମାତା ଭାବେ ଏକ ଭିଡିଓରେ ଘୋଷଣା କରିଥିଲେ ଦୁଷ୍କର୍ମ, ଅପହରଣ ଭଳି ଘଟଣାରେ ଜଡିତ ଥିବା ଭଣ୍ଡ ବାବା ନିତ୍ୟାନନ୍ଦ ।
ପୂର୍ବରୁ ମଧ୍ୟ ଭଣ୍ଡ ନିତ୍ୟାନନ୍ଦଙ୍କ କାରସାଦିକୁ ଭଗବାନଙ୍କ ଅବତାର ଭାବେ ଉଲ୍ଲେଖ କରିଥିଲେ ମଂଜୁଳା । ଅହମ୍ମଦାବାଦର ଡିପିଏସ ସ୍କୁଲରେ ଚାଲିଥିବା ନିତ୍ୟାନନ୍ଦ ଆଶ୍ରମର ଅନୁସନ୍ଧାନ ସମୟରେ କିଛି ଚକିତ କଲା ଭଳି ଭିଡିଓ ସାମ୍ନାକୁ ଆସିଥିଲା । ଯେଉଁଠି ସାଧିକା ମଂଜୁଳା ଶ୍ରଫ ଭଣ୍ଡ ନିତ୍ୟାନନ୍ଦର ତୃତୀୟ ନୟନ ଦ୍ୱାରା କିଭଳି ଚୁଟି ଉପାଡିବା ସମ୍ଭବ ହୋଇଥିଲା, ତାକୁ ଉଲ୍ଲେଖ କରିଥିଲେ । ଏଥିସହ ଯଦି ଛାତ୍ର ଛାତ୍ରୀଙ୍କର ଦିବ୍ୟଶକ୍ତି ଆସିଯାନ୍ତା, ତେବେ ଜଗତକୁ ଅନେକ ଲାଭ ମିଳନ୍ତା ବୋଲି ଭିଡିଓରେ ମଂଜୁଳା ଦର୍ଶାଉଥିଲେ । ଫ୍ରାନସରେ ଥିବା ଏକ ବ୍ୟାଙ୍କକୁ ଭାରତରେ ରହି ଦେଖିପାରୁଥିଲେ ବୋଲି ସେ କହିଛନ୍ତି । ଏହା କୂଆଡେ ବାବା ନିତ୍ୟାନନ୍ଦଙ୍କ ଅଲୈାକିକ ମହିମା ବୋଲି ସେ ଭିଡିଓରେ କହିଥିଲେ ।
ନିତ୍ୟାନନ୍ଦଙ୍କ ସହ ସଂପର୍କକୁ ନେଇ ବିବାଦ ଘେରକୁ ଆସିଥିବା ମଂଜୁଳା ଓଡିଶାରେ ମନି ଲଣ୍ଡରିଂ କେସରେ ଫଶିଛନ୍ତି । ଯାହାଙ୍କର ଲିଙ୍କ ବିଜେପି ନେତା ବୈଜୟନ୍ତ ପଣ୍ଡାଙ୍କ ସହ ରହିଛି ବୋଲି ଅଭିଯୋଗ ହୋଇଛି ।
ଗତକାଲି ଦିଲ୍ଲୀରେ ସାମ୍ବାଦିକ ସମ୍ମିଳନୀରେ ବୈଜୟନ୍ତ ପଣ୍ଡାଙ୍କ ବାହାମାସ ଲିଙ୍କ ନେଇ ଯେଉଁ ଅଭିଯୋଗ ଆସିଥିଲା, ଏବଂ ମିଛ କଂପାନୀ ଜରିଆରେ ଟଙ୍କା ନିବେଶର ଯେଉଁ ତଥ୍ୟ ଉପସ୍ଥାପନ କରାଯାଇଥିଲା, ସେହି କଂପାନୀରେ ମଂଜୁଳା ନିର୍ଦ୍ଦେଶକ ରହିଛନ୍ତି ବୋଲି କୁହାଯାଇଥିଲା । ଯାହାର କେନ୍ଦ୍ର ସରକାରଙ୍କ ଦ୍ୱାରା ଗଠିତ ମଲଟି ଗ୍ରୁପ ଏଜେନସୀ ଦ୍ୱାରା ତ୍ୱରାନ୍ୱିତ ତଦନ୍ତ ପାଇଁ ଦାବି ହୋଇଆସୁଛି ।