ସଂକଟ ଭିତରେ ଆସିଲା ଆଶ୍ୱସ୍ତିର ଖବର : ଚମତ୍କାରୀ ଔଷଧ ଭାବେ କାମ କରିବ ‘ମୋଲନୁପିରାଭିର’; ଔଷଧ ଖାଇଲେ ୫ ଦିନରେ କରୋନା ମୁକ୍ତ ହୋଇପାରିବେ ଆକ୍ରାନ୍ତ
କନକ ବ୍ୟୁରୋ : କୋଭିଡ ବିରୋଧୀ ଚିକିତ୍ସା ବିଜ୍ଞାନ କ୍ଷେତ୍ରରେ ଏକ ବଡ଼ ଧରଣର ସଫଳତା ମିଳିବାକୁ ଯାଉଛି । କରୋନା ଆକ୍ରାନ୍ତଙ୍କୁ ଠିକ୍ କରିବା ପାଇଁ ଆସିବାକୁ ଯାଉଛି ଏକ ଚମତ୍କାରୀ ଔଷଧ । ଏହି ଔଷଧର ନାଁ ହେଉଛି ‘ମୋଲନୁପିରାଭିର’ । ନାଟକୋ ଫାର୍ମା କମ୍ପାନୀ ଏହି ଔଷଧର ତୃତୀୟ ପର୍ଯ୍ୟାୟ କ୍ଲିନିକାଲ ଟ୍ରାଏଲ ପାଇଁ ଅନୁମତି ପାଇଛି ।
Kanak News is now on WhatsApp
Join and get latest news updates delivered to you via WhatsApp
୨ଟି ପର୍ଯ୍ୟାୟ କ୍ଲିନିକାଲ ଟ୍ରାଏଲରେ ଏହି ଔଷଧ କରୋନା ଆକ୍ରାନ୍ତଙ୍କ ବିରୋଧରେ ବେଶ ପ୍ରଭାବୀ ହୋଇଛି । ବରିଷ୍ଠ ଡାକ୍ତର ନିରୋଜ ମିଶ୍ର କହିଛନ୍ତି ଆଗାମୀ ଅଗଷ୍ଟ କିମ୍ବା ସେପ୍ଟେମ୍ବର ସୁଧା ଏହି ଔଷଧ ଭାରତକୁ ଆସିଯିବ । ଏହି ଔଷଧ ସାମାନ୍ୟରୁ ମଧ୍ୟମ ଧରଣର ଲକ୍ଷଣ ଥିବା କରୋନା ଆକ୍ରାନ୍ତଙ୍କୁ ଦିଆଗଲେ ମାତ୍ର ୫ ଦିନ ଭିତରେ ସେ କରୋନା ମୁକ୍ତ ହୋଇପାରିବେ ବୋଲି ଦାବି କରିଛନ୍ତି ଡାକ୍ତର ।