କନକ ବ୍ୟୁରୋ: ପରିଣତ ବୟସରେ ସାହାରା ସାଜିଛି ଘଣା ତେଲ । ବୟସ ୭୦ ଛୁଇଁଲାଣି ହେଲେ ସାହା ହେବାକୁ କେହି ନାହାନ୍ତି । ଆଜିକା ଯାନ୍ତ୍ରିକ ଯୁଗରେ ଘଣାରେ ତେଲ ପେଡି ପେଟ ପୋଷୁଛନ୍ତି କଟକ ଜିଲ୍ଲା ନରସିଂହପୁର ବ୍ଲକ କାନପୁର ଗାଁର ନେତ୍ରାନନ୍ଦ ସାହୁ । ରାଉରକେଲାରେ ଗ୍ୟାସ ଫାଟି ପୁଅ ଓ ନାତି ଆର ପାରିକୁ ଚାଲିଯାଇଛନ୍ତି । ଅଳ୍ପକେ ମୃତ୍ୟୁ ମୁଖରୁ ବର୍ତି ଯାଇ ଯାଇଥିବା ବୋହୂ ପର ଘର ପାଇଟି କରି ଭୁବନେଶ୍ୱରରେ ରହୁଛି । ପୈତୃକ ସଂପତିକୁ ବିକ୍ରି କରି ଦୁଇ ଝିଅକୁ ବିବାହ କରିଥିଲେ । ସ୍ତ୍ରୀ ୨୦୧୩ରେ ଦେହାନ୍ତ ପରଠୁ ଦୁନିଆରେ ଏକା ହୋଇଯାଇଛନ୍ତି ନେତ୍ରାନନ୍ଦ । ଏବେ ଶ୍ୱଶୂର ଘର ଜାଗାରେ ଘଣା ବସାଇ ତେଲ ପେଡି ଯାହା ରୋଜଗାର ସେଥିରେ ଚଳିଯାଆନ୍ତି । ଯାନ୍ତ୍ରିକ ଯୁଗରେ ମଧ୍ୟ ସେ ପାରମ୍ପରିକ କୌଶଳକୁ ଆପଣେଇ ପେଟ ପାଟଣା ଚଳାଇଛନ୍ତି । ସରକାରୀ ସହାୟତା ମିଳିଲେ ସେ ଉପକୃତ ହୋଇପାରନ୍ତେ ବୋଲି ଅଞ୍ଚଳବାସୀ କହିଛନ୍ତି ।
ପରିଣତ ବୟସରେ ସାହାରା ସାଜିଛି ଘଣା ତେଲ । ତେଲ ପେଡି ପେଟ ପୋଷୁଛନ୍ତି ନେତ୍ରାନନ୍ଦ
![ପରିଣତ ବୟସରେ ସାହାରା ସାଜିଛି ଘଣା ତେଲ । ତେଲ ପେଡି ପେଟ ପୋଷୁଛନ୍ତି ନେତ୍ରାନନ୍ଦ](https://img-cdn.thepublive.com/fit-in/1280x720/filters:format(webp)/kanak/media/post_attachments/wp-content/uploads/2024/03/Screen-Shot-2024-03-09-at-8.47.28-AM.png)