ନିଖୋଜ ଥିବା ନେପାଳ ମେୟରଙ୍କ ଝିଅର ସନ୍ଧାନ ମିଳିଲା । ଓଶୋ ଆଶ୍ରମରେ ଧ୍ୟାନ କରିବାକୁ ଆସିଥିଲେ । ଗୋଆରେ ହେଇଥିଲେ ନିଖୋଜ ।

ଏହି ଝିଅ ଜଣକ ନେପାଳର ଧାନଗରୀର ମେୟର ଗୋପାଳ ହାମଲଙ୍କ ଝିଅ ଆରତୀ ହାମଲ ବୋଲି ଜଣାପଡିଛି । ସେ ଗତ କିଛି ମାସ ଧରି ଓଶୋ ଆଶ୍ରମରେ ରହୁଥିଲେ । ତାଙ୍କୁ ଶେଷଥର ପାଇଁ ସୋମବାର ରାତିରେ ଅଶ୍ୱିମ୍ ବ୍ରିଜ୍ ନିକଟରେ ଦେଖିବାକୁ ମିଳିଥିଲା।

ନେପାଳରୁ ଗୋଆ ପରିଦର୍ଶନ କରିବାକୁ ଆସିଥିବା ଜଣେ ଝିଅ ନିଖୋଜ ହୋଇ ଯାଇଥିବାର ଜଣାଯାଇଛି । ଏହି ଝିଅ ଜଣକ ନେପାଳର ଧାନଗରୀର ମେୟର ଗୋପାଳ ହାମଲଙ୍କ ଝିଅ ଆରତୀ ହାମଲ ବୋଲି ଜଣାପଡିଛି । ସେ ଗତ କିଛି ମାସ ଧରି ଓଶୋ ଆଶ୍ରମରେ ରହୁଥିଲେ। ପୋଲିସ ଏ ବାବଦରେ ଏକ ଅଭିଯୋଗ ପଞ୍ଜୀକୃତ କରି ସର୍ଚ୍ଚ ଅପରେସନ ଆରମ୍ଭ କରି ଦୁଇ ଦିନ କଠିନ ପରିଶ୍ରମ ପରେ ତାଙ୍କୁ ଖୋଜି ପାଇଛି । ତେବେ ଖବର ଲେଖିବା ପର୍ଯ୍ୟନ୍ତ ପୋଲିସ ଏ ସମ୍ପର୍କରେ କୌଣସି ବିସ୍ତୃତ ସୂଚନା ଦେଇନାହିଁ ।

ଆପଣଙ୍କ ଅବଗତି ନିମନ୍ତେ ଜଣାଉଛୁ କି ଆରତୀ ଗତ କିଛି ମାସ ଧରି ଗୋଆ ଆସିଥିଲେ । ତାଙ୍କୁ ଶେଷ ଥର ପାଇଁ ମାର୍ଚ୍ଚ ୨୫ ରେ ଗୋଆର ଅଶ୍ୱିମ୍ ଅଞ୍ଚଳରେ ଦେଖିବାକୁ ମିଳିଥିଲା । ସେବେଠାରୁ ତାଙ୍କ ବିଷୟରେ କୌଣସି ସୂଚନା ମିଳିନାହିଁ । ନେପାଳୀ ଖବରକାଗଜ ହିମାଳୟ ଟାଇମ୍ସର ରିପୋର୍ଟ ଅନୁଯାୟୀ, ସେ ଗତ କିଛି ମାସ ଧରି ଓଶୋ ଧ୍ୟାନ କେନ୍ଦ୍ର ସହିତ ଜଡିତ ଥିଲେ ।

ଧାନଗରୀର  ମେୟର ଗୋପାଳ ହାମଲ ସୋସିଆଲ ମିଡିଆ ପ୍ଲାଟଫର୍ମ ‘X’ ରେ ପୋଷ୍ଟ କରି ତାଙ୍କ ବଡ଼ ଝିଅକୁ ଖୋଜିବାରେ ସାହାଯ୍ୟ ପାଇଁ ଲୋକଙ୍କୁ ନିବେଦନ କରିଛନ୍ତି । ଗୋପାଳ କହିଛନ୍ତି ଯେ ଆରତୀଙ୍କ ବନ୍ଧୁ ତାଙ୍କ ନିଖୋଜ ସମ୍ପର୍କରେ ପରିବାର ଲୋକଙ୍କୁ ସୂଚନା ଦେଇଛନ୍ତି ।

ଗୋପାଳ ହାମଲ ‘X’ ରେ ଏକ ପୋଷ୍ଟରେ ଲେଖିଛନ୍ତି, 'ମୋର ବଡ଼ ଝିଅ ଆରତୀ ଜଣେ ଓଶୋ ଧ୍ୟାନକାରୀ, ଯିଏକି ଗୋଆରେ କିଛି ମାସ ରହିଆସୁଥିଲେ।  ମୁଁ ତାଙ୍କ ବନ୍ଧୁଙ୍କଠାରୁ ଏକ ବାର୍ତ୍ତା ପାଇଛି ଯେ ସେ କହିଛନ୍ତି କି କଥା ହେଉଥିବା ସମୟରେ ଜୋରବାଙ୍କ ଆଶେମ ବ୍ରିଜ ନିକଟରେ ଆରତୀଙ୍କ ସହ ତାଙ୍କର ସମ୍ପର୍କ କଟି ଯାଇଥିଲା ।  ମୁଁ ନମ୍ରତାର ସହିତ ଅନୁରୋଧ କରୁଛି ଯେ ଗୋଆରେ ରହୁଥିବା ଲୋକମାନେ ମୋ ଝିଅ  ଆରତୀକୁ ଖୋଜିବାରେ ସାହାଯ୍ୟ କରନ୍ତୁ ।

ସେ ସୋସିଆଲ ମିଡିଆରେ ତିନୋଟି ଫୋନ୍ ନମ୍ବର ମଧ୍ୟ ସେୟାର କରିଛନ୍ତି । ତାଙ୍କ ଝିଅ ସମ୍ପର୍କରେ ସୂଚନା ଦେବା ପାଇଁ ଏହି ନମ୍ବର ଉଦ୍ଧିଷ୍ଟ ବୋଲି ସେ କହିଛନ୍ତି ।  ସେ X ରେ ଲେଖିଛନ୍ତି, 'ମୁଁ ମୋ ନମ୍ରତାର ସହିତ ଅନୁରୋଧ କରୁଛି ଯେ ମୋ ଝିଅକୁ ଖୋଜିବାରେ ଆବଶ୍ୟକ ସହାୟତା ଯୋଗାଇବା ପାଇଁ 9794096014/8273538132/9389607953 ସହିତ ଯୋଗାଯୋଗ କରନ୍ତୁ ।'

ନିଖୋଜ ହେବାର ଦୁଇ ଦିନ ପରେ ପୋଲିସ ତାଙ୍କୁ ଖୋଜି ପାଇଛି ବୋଲି ସୂଚନା ଦେଇଛି । ପୋଲିସ ଏ ସମ୍ପର୍କରେ କିଛି ବିସ୍ତୃତ ସୂଚନା ଦେଇନାହିଁ ।