ନକ୍ସା ବିବାଦ ପରେ ନେପାଳର ଉର୍ଚ୍ଚଅଧିକାରୀଙ୍କ ପ୍ରଥମ ଭାରତ ଗସ୍ତ । ବିଦେଶମନ୍ତ୍ରୀ ପ୍ରଦୀପ ଜବାଲି ଆଜି ଦିଲ୍ଲୀରେ ପହଂଚିବା ନେଇ ସୂଚନା । ଭ୍ୟାକସିନ୍ ଓ ସୀମା ବିବାଦକୁ ନେଇ ହୋଇପାରେ ଆଲୋଚନା ।
କନକ ବ୍ୟୁରୋ : ନେପାଳ ବିଦେଶ ମନ୍ତ୍ରୀ ପ୍ରଦୀପ ଜବାଲୀ ଆଜି ଭାରତ ଗସ୍ତରେ ଆସି ନୂଆଦିଲ୍ଲୀରେ ପହଂଚିବା କଥା ସୂଚନା ମିଳିଛି । ନେପାଳ ପ୍ରଧାନମନ୍ତ୍ରୀ କେ.ପି ଶର୍ମାଓଲିଙ୍କ ବିଶେଷ ବାର୍ତ୍ତାବାହକ କୁହାଯାଉଥିବା ପ୍ରଦୀପ ଜବାଲୀ ଆଜି ଦିଲ୍ଲୀରେ ପହଂଚି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସାକ୍ଷାତ କରିବେ ।
Kanak News is now on WhatsApp
Join and get latest news updates delivered to you via WhatsApp
ଏହାପରେ ଭାରତର ବିଦେଶ ମନ୍ତ୍ରୀ ଏସ୍ ଜୟଶଂକରଙ୍କ ସହିତ ଦିଲ୍ଲୀରେ ଅନୁଷ୍ଠିତ ହେବାକୁ ଥିବା ମିଳିତ କମିଶନ ବୈଠକରେ ଜବାଲୀ ଯୋଗ ଦେବାର କାର୍ଯ୍ୟକ୍ରମ ରହିଛି । ଏହି ଦ୍ୱିପାକ୍ଷୀକ ବୈଠକରେ ଭାରତ ତରଫରୁ ନେପାଳର ସାର୍ବଜନିକ ବିକାଶ ପାଇଁ ନିଆଯାଇଥିବା ଯୋଜନା ସହ ଅନ୍ୟ କିଛି କାମ ଉପରେ ସମୀକ୍ଷା କରାଯିବ । ଏହାସହ ଜବାଲୀ ଭାରତ ଆସିବାର ମୁଖ୍ୟ ଉର୍ଦ୍ଦେଶ୍ୟ କରୋନା ଟିକା ନେବା ଉପରେ ବି ଆଲୋଚନା ହୋଇପାରେ । ବିଦେଶମନ୍ତ୍ରୀ ପ୍ରଦୀପ ଜମାଲୀଙ୍କ ସହ ଭାରତ ଭ୍ରମଣରେ ଆସୁଛନ୍ତି ନେପାଳର ସ୍ୱାସ୍ଥ୍ୟ ସଚିବ । ଯିଏ କି କରୋନା ଟିକା ଉପରେ ହେବାକୁ ଥିବା ଚୁକ୍ତି ଉପରେ ସ୍ୱାକ୍ଷର କରି ପାରିନ୍ତି ବୋଲି ଅନୁମାନ କରାଯାଇଛି ।
ନେପାଳ ଭାରତରୁ ୧ କୋଟି ୨୦ ଲକ୍ଷ ଟିକା ନେବାକୁ ଅନୁରୋଧ କରିଛି । କହିରଖୁ କି କିଛିଦିନ ପୂର୍ବରୁ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନେପାଳ ପ୍ରଧାନମନ୍ତ୍ରୀ କେ.ପି ଶର୍ମା ଓଲିଙ୍କୁ ଆଶ୍ୱାସନା ଦେଇଥିଲେ କି କରୋନା ଟିକା ପ୍ରସ୍ତୁତ ହେବା ପରେ ନେପାଳ ନାଗରିକଙ୍କୁ ପ୍ରାଥମିକତା ଭିତ୍ତିରେ ଟିକା ଉପଲବ୍ଧ କରାଇବେ ।
ଭାରତ ଆସିବା ପୂର୍ବରୁ ପ୍ରଦୀପ ଜବାଲୀ ସଂକେତ ଦେଇଥିଲେ କି ଦ୍ୱିପାକ୍ଷୀକ ଆଲୋଚନାରେ ନେପାଳ ଦ୍ୱାରା ଜାରି କରାଯାଇଥିବା ରାଜନୈତିକ ନକ୍ସା ଉପରେ ସେ ଆଲୋଚନା କରିବେ । କଳାପାଣି, ଲିପୁଲେକ୍ ଓ ଲିମ୍ବିୟାଧୁରା ଉପରେ ସେ ଦାବି କରିବେ । ମାତ୍ର ତାଙ୍କର ଏଭଳି ଦାବିକୁ ଭାରତ ପକ୍ଷରୁ ଖଣ୍ଡନ କରାଯାଇଛି । ଭାରତ ତରଫରୁ କୁହାଯାଇଛି କି ଭାରତୀୟ ସୀମାକୁ ନେଇ ନେପାଳ ଯେଭଳି ନକ୍ସା ପ୍ରସ୍ତୁତ କରିଛି ତାହାକୁ ଭାରତ ଗ୍ରହଣ କରିବା ସମ୍ଭବ ନୁହେଁ ।