ନେପାଳରେ ବନ୍ୟା ଏବଂ ଭୁସ୍ଖଳନର ପ୍ରଭାବ ! ୪୩ ମୃତ , ୨୪ ନିଖୋଜ , ଜାରି ରହିଛି ଉଦ୍ଧାରକାର୍ଯ୍ୟ ।

109

ନେପାଳରେ ଲଗାତାର ମୁସଳଧାରାରେ ବର୍ଷା ହେବା ପରେ ବନ୍ୟା ସହ ଭୁସ୍ଖଳନ ସମସ୍ୟା ଉପୁଜିଛି । ଏଠାରେ ବନ୍ୟା ଏବଂ ଭୁସ୍ଖଳନ ପ୍ରଭାବରେ ୪୩ ଜଣଙ୍କ ମୃତ୍ୟୁ ହୋଇଥିବା ବେଳେ ୨୪ ଜଣ ନିଖୋଜ ଅଛନ୍ତି । ଅନ୍ୟପକ୍ଷରେ ୨୦ ଜଣ ଏଥିରେ ଗୁରୁତର ଆହତ ହୋଇଥିବା ବେଳେ ୫୦ ରୁ ଅଧିକ ଲୋକଙ୍କୁ ନିରାପଦ ଭାବେ ଉଦ୍ଧାର କରାଯାଇଛି । ବନ୍ୟା କାରଣରୁ ନେପାଳର ଅଧିକ ସ୍ଥାନ ଜଳମଗ୍ନ ହୋଇରହିଛି । ଉଦ୍ଧାରକାରୀ ଦଳ ପ୍ରଭାବିତ ଅଞ୍ଚଳରେ ବନ୍ୟାରେ ଫସିଥିବା ଲୋକଙ୍କୁ ଉଦ୍ଧାର କରିବାରେ ଲାଗି ପଡିଛନ୍ତି ।

କିଛି ଦିନ ହେଲାଣି ନେପାଳରେ ଏଭଳି ଅବସ୍ଥା ଜାରି ରହିଛି ଯାହାଦ୍ୱାରା କିଛି ଅଞ୍ଚଳରେ ବନ୍ୟା ଏବଂ ଭୁସ୍ଖଳନ ଭଳି ପରିସ୍ଥିତି ମଧ୍ୟ ଉପୁଜିଛି । ବନ୍ୟା ପ୍ରପୀଡିତଙ୍କୁ ସୁରକ୍ଷିତ ସ୍ଥାନକୁ ପଠାଯାଉଛି । ଯାତାୟାତ ସମ୍ପୁର୍ଣ୍ଣ ଭାବେ ଠପ୍ ହୋଇପଡିଛି । ଅନୁମାନ କରାଯାଉଛି ଯେ ୬,୦୦୦ ରୁ ଅଧିକ ଲୋକ ପ୍ରକୃତିର ଏହି ତାଣ୍ଡବରେ ଖୁବ୍ ପ୍ରଭାବିତ ହୋଇଛନ୍ତି ।