ନେପାଳକୁ ପତଞ୍ଜଳୀ ଦେଇଥଲା କରୋନିଲ ଉପହାର । କରୋନିଲ ବିତରଣରେ ରୋକ ଲଗାଇଲା ନେପାଳ
କନକ ବ୍ୟୁରୋ: ଭୁଟାନ ପରେ ନେପାଳରେ ବି କରୋନିଲ କିଟ ଉପରେ ରୋକ ଲଗାଇ ଦିଆଯାଇଛି । ବାବା ରାମଦେବଙ୍କ କମ୍ପାନୀ ପତଞ୍ଜଳୀ ନେପାଳକୁ ଉପହାର ସ୍ୱରୂପ କରୋନିଲ କିଟ ଦେଇଥିଲା । ହେଲେ ନେପାଳ ସରକାର ଏହା ଉପରେ ରୋକ ଲଗାଇ ଦେଇଛନ୍ତି । ଆଉ କହିଛନ୍ତି କରୋନାକୁ ମାତ ଦେବାକୁ କରୋନିଲ ପ୍ରଭାବୀ ନୁହେଁ ।
Kanak News is now on WhatsApp
Join and get latest news updates delivered to you via WhatsApp
ନେପାଳ ସରକାର ଏକ ଆଦେଶ ଜାରି କରି କହିଛନ୍ତି କି, କରୋନିଲ କିଟରେ ସାମିଲ ଟାବଲେଟ ଓ ନାକରେ ପକାଯାଉଥିବା ଡ୍ରପ କରୋନା ବିରୋଧରେ ଲଢୁଥିବା ଔଷଧର ସମକକ୍ଷ ନୁହେଁ । ତେଣୁ ଏହାକୁ ଦେଶରେ ବିତରଣ କରାଯିବ ନାହିଁ ।
ସେହିପରି ନେପାଳ ପତଞ୍ଜଳି ଶାଖା କହିଛି କି, କରୋନିଲ କିଟ ଏବେ ଯାଏଁ ନେପାଳରେ ରେଜିଷ୍ଟର ହୋଇନାହିଁ । ତେଣୁ ଏହା ଦେଶରେ ବିକ୍ରି ମଧ୍ୟ ହୋଇନାହିଁ । ଏହା ପତଞ୍ଜଳୀ ତରଫରୁ ନେପାଳ ସରକାରଙ୍କୁ ଉପହାର ଦିଆଯାଇଥିଲା । ତେଣୁ ଏବେ ଏହାକୁ ବ୍ୟବସାୟ ସହ ଯୋଡିବା ଠିକ ହେବ ନାହିଁ ।