ରୋଚକ ହେଉଛି ବିହାର ନିର୍ବାଚନ । କେତେବେଳେ ମହାଗଠବନ୍ଧନ ଆଗରେ ତୁ ପୁଣି କେତେବେଳେ ମ୍ୟାଜିକ ନମ୍ବର ହାସଲ କରୁଛି ଏନଡିଏ । କିଏ ଗଢିବ ବିହାରରେ ସରକାର, ଏବେ ବି ସସପେନ୍ସରେ ଭୋଟର ।
କନକ ବ୍ୟୁରୋ : ରୋଚକ ହେଉଛି ବିହାର ନିର୍ବାଚନ । କେତେବେଳେ ମହାଗଠବନ୍ଧନ ବଢୁଛି ତ ପୁଣି କେତେବେଳେ ମ୍ୟାଜିକ ନମ୍ବର ଠାରୁ ଦୂରେଇ ଯାଉଛି । ଟ୍ରେଣ୍ଡ ଅନୁଯାୟୀ, ଏବେ ମହାଗଠବନ୍ଧନକୁ ପଛରେ ପକାଇ ପୁଣିଥରେ କ୍ଷମତା ଦୌଡରେ ଆଗରେ ଅଛି ଜେଡିୟୁ ନେତୃତ୍ୱାଧୀନ ଏନଡିଏ । ଆଉ ଏହାସହ ପ୍ରତି ରାଉଣ୍ଡରେ ବଦଳୁଛି ବିହାର ରାଜନୀତିର ସମୀକରଣ । ପ୍ରାରମ୍ଭିକ ଟ୍ରେଣ୍ଡରେ ମହାଗଠବନ୍ଧନ ଆଗରେ ଥିବା ବେଳେ ଏବେ ମ୍ୟାଜିକ ନମ୍ବର ଠାରୁ ଅଧିକ ଆସନରେ ଆଗରେ ପହଞ୍ଚିଛି ଏନଡିଏ ।
Kanak News is now on WhatsApp
Join and get latest news updates delivered to you via WhatsApp
୨୪୩ ଆସନରୁ ୨୪୨ ଆସନର ଟ୍ରେଣ୍ଡ ଆସିଥିବା ବେଳେ ଜେଡିୟୁ ନେତୃତ୍ୱାଧୀନ ଏନଡିଏ ୧୨୭ ଆସନରେ ଆଗରେ ଥିବାବେଳେ ମହାଗଠବନ୍ଧନ ୯୮ ଆସନରେ ଆଗୁଆ ରହିଛି । ଏହାସହ ଏଗଜିଟ୍ ପୋଲରେ ଆସିଥିବା ପୂର୍ବାନୁମାନକୁ ଭୁଲ ପ୍ରମାଣିତ କରୁଛି ଏକଜାଟ୍ ପୋଲ । ସମୟ ଯେତିକି ବଢୁଛି, ମହାଗଠବନ୍ଧନ ସେତିକି ପଛକୁ ଖସୁଛି, ଅନ୍ୟପଟେ ଏନଡିଏ ଗୋଟିଏ ପରେ ଗୋଟିଏ ପାହାଚ ଅତିକ୍ରମ କରି ପୁଣିଥରେ ଶାସନ ଗାଦି ଆଡକୁ ଆଗକୁ ବଢୁଛି । ନୀତିଶଙ୍କୁ ନେଇ ଯେଉଁ ଆକଳନ କରାଯାଉଥିଲା ତାହା ଭୁଲ ପ୍ରମାଣିତ ହେଉଥିବା ବେଳେ ତେଜସ୍ୱୀଙ୍କ ସ୍ୱପ୍ନ ପୂରା ହେବା ଏବେ ସସପେନ୍ସରେ ରହିଛି । ତେଣୁ ଶେଷ ଫଳାଫଳ ନ ଆସିବା ପର୍ଯ୍ୟନ୍ତ ବିହାରରେ କିଏ ସରକାର ଗଢିବ ତାହାର ଅନ୍ଦାଜ ଲଗାଇବା ଏବେ ରାଜନୈତିକ ବିଶ୍ଲେଷକଙ୍କ ପାଇଁ ମୁସ୍କିଲ ହୋଇପଡିଛି ।