ମହାରାଷ୍ଟ୍ରରେ ‘ପାୱାର’ ପଲିଟିକ୍ସ ! ଶରଦଙ୍କ ଘରେ ଅଜିତ୍ । ‘ପଦ୍ମ’କୁ ପର କରିବା ପରେ ଦାଦାଙ୍କୁ ଭେଟିଲେ ପୁତୁରା ।
କନକ ବ୍ୟୁରୋ: ‘ପଦ୍ମ’କୁ ପର କରିବାପରେ ପରିବାର ଲୋକଙ୍କୁ ଭେଟିଲେ ଅଜିତ୍ ପାୱାର । ମହାରାଷ୍ଟ୍ର ଘଟପରିବର୍ତ୍ତନର ସୂତ୍ରଧର ପାଲଟିଥିବା ଅଜିତ୍ ପାୱାର ଏନସିପି ଦଳ ମୁଖ୍ୟ ତଥା ତାଙ୍କ ଦାଦା ଶରଦ ପାୱାରଙ୍କ ବାସଭବନରେ ପହଁଚିଥିବା ଦେଖିବାକୁ ମିଳିଛି । ମୁମ୍ବାଇ ସ୍ଥିତି ସିଲଭର ଓକାକରେ ଶରଦଙ୍କୁ ଭେଟିବା ପାଇଁ ପହିଁଚିଛନ୍ତି ଅଜିତ୍ ।
Kanak News is now on WhatsApp
Join and get latest news updates delivered to you via WhatsApp
ମହାରାଷ୍ଟ୍ର ନିର୍ବାଚନୀ ଫଳାଫଳ ବାହାରିବା ପରେ ପରେ ପାୱାର ପାଇଁ ଯେଉଁ ‘ମହା’ଡ୍ରାମା ମହାରାଷ୍ଟ୍ରରେ ଚାଲିଥିଲା ତାହା ଶେଷ ଏକ ପ୍ରକାର ଶେଷ ହୋଇଛି । ଏନସିପି ଦଳର ଯେଉଁ ବାଗୀ ନେତା ବା ବିଧାୟକ ଦଳ ନେତା ଅଜିତ୍ ପାୱାର ପଦ୍ମ କ୍ୟାମ୍ପକୁ ଯାଇଥିଲେ ସେ ପୁଣି ପରିବାରକୁ ଫେରିଆସିଥିବା ଦେଖିବାକୁ ମିଳିଛି । କିନ୍ତୁ ପୁତୁରାଙ୍କ ଉପରେ ଶରଦ ଅଭିମାନ ପୂର୍ବଭଳି ରହିବ ନା ଆଭିମୂଖ୍ୟ ବଦଳିବ ଏବେ ତାହା ଉପରେ ନଜର ରଖିଛନ୍ତି ରାଜନୀତି ପଣ୍ଡିତ ।
ସବୁଠାରୁ ବଡ଼କଥା ହେଲା କି, ଏହାରି ଭିତରେ ଆସନ୍ତା ଡିସେମ୍ବର ୧ ତାରିଖରେ ମହାରାଷ୍ଟ୍ରରେ ମହାମେଣ୍ଟ ସରକାର । ମୁଖ୍ୟମନ୍ତ୍ରୀ ହେବେ ଶିବସେନା ମୁଖ୍ୟ ଉଦ୍ଧବ ଠାକରେ । ଏନେଇ ତିନି ଦଳର ମେଣ୍ଟ ସରକାର ନେତା ନିର୍ବାଚିତ ହୋଇଛନ୍ତି ଉଦ୍ଧବ ଠାକରେ । ଆଉ ଏହି ମହାମେଣ୍ଟ ସରକାର ନାଁ ମହାରାଷ୍ଟ୍ର ବିକାଶ ଅଘାଡ଼ି ବା (ଏମଭିଏ) ବୋଲି ରଖିବାକୁ ମେଣ୍ଟ ଦଳର ବୈଠକରେ ନିଷ୍ପତି ହୋଇଛି । ତେବେ ଡିସେମ୍ବର ବ ତାରିଖରେ ମୁମ୍ବାଇର ଶିବାଜୀ ପାର୍କରେ ଶପଥ ସମାରୋହ ଆୟୋଜନ କରାଯିବ ବୋଲି କହିଛନ୍ତି ଏନସିପି ମୁଖ୍ୟ ଶରଦ ପାୱାର ।