ବିଜେପି ସରକାରରେ ସାମିଲ ହେବା ନେଇ ଶରଦ ପାୱାରଙ୍କ ବଡ ଖୁଲାସା । କହିଲେ, ୩ ଥର ହୋଇଛି ଆଲୋଚନା ହେଲେ …
କନକ ବ୍ୟୁରୋ : ଏନସିପି ମୁଖ୍ୟ ଶରଦ ପାୱାର ତାଙ୍କ ରାଜନୈତିକ ଜୀବନରେ ସବୁଠାରୁ ବଡ ଲଢେଇ ଏବେ ଲଢୁଛନ୍ତି । ଯେଉଁ ପାର୍ଟିକୁ ସେ ୨୪ ବର୍ଷ ହେବ ଗଠନ କରିଥିଲେ ସେହିପାର୍ଟି ଉପରେ ନିଜର ଦଖଲ ବଜାୟ ରଖିବାକୁ ଏବେ ତାଙ୍କୁ ସଂଘର୍ଷ କରିବାକୁ ପଡୁଛି । ଗୋଟିଏ ସମୟରେ ଶରଦ ପାୱାରଙ୍କ ସବୁଠାରୁ ନିକଟତର କୁହାଯାଉଥିବା ପୁତୁରା ଅଜିତ ପାୱାର ବିଦ୍ରୋହ କରିବା ପରେ ଏବେ ଏନସିପିର ଅନେକ ନେତା ଅଜିତଙ୍କ ସମର୍ଥନରେ ବାହାରିଯାଇଛନ୍ତି । ହେଲେ ଏସବୁ ଭିତରେ ଆଜି ଶରଦ ପାୱାର ଏକ ବଡ ଖୁଲାସା କରିଛନ୍ତି । ସେ କହିଛନ୍ତି କି ବିଜେପି ସରକାରରେ ସାମିଲ ହେବାକୁ ୩ ଥର ଆଲୋଚନା ହୋଇଛି । ହେଲେ ଏହି ଆଲୋଚନା ଆଗକୁ ବଢିପାରି ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଏକ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ ଏନସିପି ନେତା ଶରଦ ପାୱାର କହିଛନ୍ତି କି ନା ମୁଁ ଥକି ଯାଇଛି ନା ଏବେ ଅବସର ନେବାକୁ ଚାହୁଁଛି । ଯେ ପର୍ଯ୍ୟନ୍ତ ପାର୍ଟିର କାର୍ଯ୍ୟକର୍ତ୍ତା ଚାହିଁବେ ସେ ଦଳପାଇଁ କାମ କରିବେ ବୋଲି କହିଛନ୍ତି ।
ସେପଟେ ସାକ୍ଷାତକାର ବେଳେ ଶରଦ ପାୱାର କହିଥିଲେ କି ବିଜେପି ନେତୃତ୍ୱରେ ଚାଲିଥିବା କେନ୍ଦ୍ର ସରକାରରେ ସାମିଲ ହେବାକୁ ବିଜେପି ସହ ୩ ଥର ଆଲୋଚନା ହୋଇଛି । ୨୦୧୪,୨୦୧୭ ଓ ୨୦୧୯ ରେ ବିଜେପି ସହ ମେଣ୍ଟ ନେଇ ଏନସିପି ଆଲୋଚନା କରିଥିବା କଥା ସେ କହିଛନ୍ତି । ହେଲେ ଆଦର୍ଶଗତ ପାର୍ଥକ୍ୟ ଯୋଗୁଁ ଏହି ଆଲୋଚନା ସଫଳ ହୋଇପାରିଥିବା କଥା ଶରଦ ପାୱାର କହିଛନ୍ତି ।