ଅଜିତ ପାୱାରଙ୍କୁ କ୍ଲିନଚିଟ । ମହାରାଷ୍ଟ୍ର ବହୁ ଚର୍ଚ୍ଚିତ ଜଳସେଚନ ବିଭାଗ ଦୁର୍ନୀତିରେ ଏନସିପି ନେତା ମୁକ୍ତ
ରାଜ୍ୟର ଦୁର୍ନୀତି ବିରୋଧୀ ବିଭାଗ ଅଜିତଙ୍କୁ କ୍ଲିନଚିଟ
କନକ ବ୍ୟୁରୋ: ଅଜିତ ପାୱାରଙ୍କୁ କ୍ଲିନଚିଟ । ମହାରାଷ୍ଟ୍ର ବହୁ ଚର୍ଚ୍ଚିତ ଜଳସେଚନ ବିଭାଗ ଦୁର୍ନୀତିରେ ଏନସିପି ନେତା ଅଜିତ ପାୱାରଙ୍କୁ କ୍ଲିନଚିଟ ମିଳିଛି । ରାଜ୍ୟର ଦୁର୍ନୀତି ବିରୋଧୀ ବିଭାଗ ଅଜିତଙ୍କୁ ଏହି କ୍ଲିନଚିଟ ଦେଇଛି । ସେ ଏବେ ଏହି ଅଭିଯୋଗରୁ ମୁକ୍ତ ହୋଇଯାଇଛନ୍ତି । ଗତ ନଭେମ୍ବର ୨୭ ତାରିଖରେ ଏସିବି ପକ୍ଷରୁ ବମ୍ବେ ହାଇକୋର୍ଟରେ ଏକ ସତ୍ୟପାଠ ଦାଖଲ କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଏଥିରେ ଦର୍ଶାଯାଇଛି, ବଦର୍ଭ ଜଳସେଚନ ବିକାଶ ନିଗମର ଅଧ୍ୟକ୍ଷ ଅଜିତ ପାୱାରଙ୍କୁ ଏହି ଦୁର୍ନୀତି ପାଇଁ ଦାୟୀ କରାଯାଇପାରିବ ନାହିଁ । କାରଣ ଅଜିତଙ୍କ ନିକଟରେ କୌଣସି ବୈଧାନିକ ଦାୟିତ୍ୱ ନାହିଁ । ସୂଚନାଯୋଗ୍ୟ, ମହାରାଷ୍ଟ୍ରରେ ଜଳସେଚନ ବିଭାଗରେ ୭୦ ହଜାର କୋଟି ଟଙ୍କାର ଦୁର୍ନିତି ହୋଇଥିଲା । ଜଳସେଚନ ବିଭାଗ ପକ୍ଷରୁ ବିଭିନ୍ନ ଯୋଜନାରେ ଏହି ଅର୍ଥ ଖଚ୍ଚ ହୋଇଥିବା ଦର୍ଶାଯାଇଥିଲେ ମଧ୍ୟ ବାସ୍ତବ କ୍ଷେତ୍ରରେ କୌଣସି କାର୍ଯ୍ୟ କରାଯାଇ ନଥିବା ଅଭିଯୋଗ ହୋଇଥିଲା ।