ମହାରାଷ୍ଟ୍ର ମହାନାଟକ । ଏନସିପି ଶିବିରକୁ ଫେରିଲେ ୪ ନିଖୋଜ ବିଧାୟକ ।
କନକ ବ୍ୟୁରୋ : ମହାରାଷ୍ଟ୍ର ରାଜନୀତିରେ ଘଡିକେ ଘୋଡା ଛୁଟୁଛି । ତେବେ ଆଜି ସମସ୍ତଙ୍କ ନଜର ସୁପ୍ରିମକୋର୍ଟଙ୍କ ଉପରେ ରହିବ । ଆଜି ସୁପ୍ରିମକୋର୍ଟରେ ଦିନ୧୦ଟାରେ ଏହି ମାମଲାର ଶୁଣାଣି ଆରମ୍ଭ ହେବ । ଏହା ପୂର୍ବରୁ ୧୫୦ ଜଣ ବିଧାୟକଙ୍କ ସମର୍ଥନ ତାଲିକା ଏନସିପି-କଂଗ୍ରେସ ଓ ଶିବସେନା ପକ୍ଷରୁ ଦାଖଲ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ଆଉ ଏକ ଗୁରୁତ୍ୱପୂର୍ଣ୍ଣ ଘଟଣାକ୍ରମରେ ନିଜର ମୋଟ ୫୪ ବିଧାୟକଙ୍କ ମଧ୍ୟରୁ ୫୧ ଜଣ ବିଧାୟକଙ୍କ ସମର୍ଥନ ଥିବା ଏନସିପି ଦାବି କରିଛି । ନିଖୋଜ ଥିବା ଦଳର ୪ ଜଣ ବିଧାୟକଙ୍କୁ ହରିୟାଣାରେ ଠାବ କରି ଫେରାଇଅଣାଯିବା ପରେ ଏବେ ୫୩ ବିଧାୟକ ଏନସିପି ପାଖରେ ଅଛନ୍ତି । କେବଳ ଅଜିତ ପାଓ୍ଵାର ବିଜେପି ଶିବିରରେ ଅଛନ୍ତି । ତେବେ ବିଜେପି ପକ୍ଷରୁ ତାଙ୍କ ବିଧାୟକମାନଙ୍କୁ ପ୍ରଲୋଭିତ କରିବାକୁ ଉଦ୍ୟମ କରାଯାଉଛି ବୋଲି ଏନସିପି କହିଛି । ଗତକାଲି ଅଜିତ ପାଓ୍ଵାର ଦାବି କରିଥିଲେ ଯେ ସମସ୍ତ ଏନସିପି ବିଧାୟକ ବିଜେପିକୁ ସମର୍ଥନ କରିବେ, କିନ୍ତୁ ଏନସିପି ମୁଖ୍ୟ ଶରଦ ପାଓ୍ଵାର ଏହାକୁ ଅସ୍ୱୀକାର କରିଥିଲେ ।