କ୍ରୁଜ ପାର୍ଟି ଡ୍ରଗ୍ସ ମାମଲାରେ ନୂଆ ଚେହେରା । ଅଭିନେତ୍ରୀ ଅନନ୍ୟା ପାଣ୍ଡେଙ୍କ ଘରେ ଏନସିବିର ଚଢାଉ, ହ୍ୱାଟସପ୍ ଚାଟକୁ ଆଧାର
କନକ ବ୍ୟୁରୋ : କ୍ରୁଜ ପାର୍ଟି ଡ୍ରଗ୍ସ ମାମଲାରେ ପୁଣି ଏକ ନୂଆ ନାମ ଯୋଡି ହୋଇଛି । ଅଭିନେତ୍ରୀ ଅନନ୍ୟା ପାଣ୍ଡେଙ୍କ ଘରେ ଏନସିବି ଚଢାଉ ଆରମ୍ଭ କରିଛି । ଶାହାରୁଖଙ୍କ ପୁଅ ଆରୟନ ଖାନଙ୍କ ହ୍ୱାଟସପ୍ ଚାଟ୍ ରୁ ଅନନ୍ୟାଙ୍କ ବାବଦରେ କିଛି ସୁରାଗ ପାଇବା ପରେ ଏନସିବିର ଗୋଟିଏ ଟିମ୍ ଅନନ୍ୟାଙ୍କ ଘରେ ପହଂଚି ଚଢାଉ କରିଛି । ଅନ୍ୟପଟେ ଅନନ୍ୟାଙ୍କୁ ଏନସିବି ନୋଟିସ ବି କରିଛି । ମଧ୍ୟାହ୍ନ ୨ ଟାରେ ଏନସିବି ଦପ୍ତରରେ ପହଂଚିବାକୁ ନୋଟିସରେ ସିବିଆଇ ନିର୍ଦ୍ଦେଶ ଦେଇଛି । ଅନ୍ୟପଟେ ଅନନ୍ୟାଙ୍କ ମୋବାଇଲକୁ ବି ଏନସିବି ଜବତ୍ କରିଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଆରୟନଙ୍କ ବାବଦରେ ଆଉକିଛି ତଥ୍ୟ ଯୋଗାଡ କରିବାକୁ ଏନସିବିର ଅନ୍ୟଏକ ଟିମ୍ ଆଜି ଶାହାରୁଖଙ୍କ ବଙ୍ଗଳା ମନ୍ମତ ଉପରେ ବି ଚଢାଉ କରିଛି । ଅନ୍ୟପଟେ ଏନସିବି ଆରୟନଙ୍କୁ ନ୍ୟାୟିକ ହେପାଜତ ଅବଧି ବୃଦ୍ଧି କରିବାକୁ ପ୍ରସ୍ତୁତ ହେଉଥିବା କୁହାଯାଉଛି । ସେସନ କୋର୍ଟରେ ଜାମିନ ଆବେଦନ ଖାରଜ ହେବା ପରେ ଆରୟନଙ୍କ ଓକିଲ ବମ୍ବେ ହାଇକୋର୍ଟରେ ଜାମିନ ଆବେଦନ କରିଛନ୍ତି । ସେପଟେ ଏହି ଆବେଦନ ବିରୋଧରେ ଏନସିବି ଜବାବ୍ ଦେବାକୁ ପ୍ରସ୍ତୁତ ଥିବା ସୂଚନା ମିଳିଛି ।