ନୟାଗଡ ବିଜେଡି ପଦଯାତ୍ରାରେ କେନ୍ଦ୍ର ସରକାରଙ୍କ ଉପରେ ବର୍ଷିଲେ ଅରୁଣ ସାହୁ : କହିଲେ ପ୍ରତିଶ୍ରୁତି ପୂରଣରେ ବିଫଳ ଏନଡିଏ ସରକାର
କନକ ବ୍ୟୁରୋ : ଗାନ୍ଧୀ ଜୟନ୍ତୀ ଠାରୁ ବିଜେଡି ଆରମ୍ଭ କରିଛି ପଦଯାତ୍ରା । ରାଜ୍ୟ ସରକାରଙ୍କ ସଫଳତା ଓ କେନ୍ଦ୍ର ସରକାରଙ୍କ ଅବହେଳାକୁ ନେଇ ଲୋକଙ୍କ ପାଖକୁ ଯାଉଛି ଦଳ । ଏହି କ୍ରମରେ ଆଜି ନୟାଗଡରେ ଏକ ବଡ ଧରଣର ପଦଯାତ୍ରା କରିଛି ବିଜେଡି । ସ୍ଥାନୀୟ ବିଜୁ ପଟ୍ଟନାୟକ କଲ୍ୟାଣ ମଣ୍ଡପ ଠାରୁ ପଦଯାତ୍ରା ବାହାରି ଜଗନ୍ନାଥ ମନ୍ଦିର ନିକଟରେ ଶେଷ ହୋଇଛି । ବିଧାୟକ ଅରୁଣ ସାହୁ ଓ ରଣପୁରର ପୂର୍ବତନ ବିଧାୟକ ସତ୍ୟନାରାୟଣ ପ୍ରଧାନ ଏଥିରେ ସାମିଲ ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ପଦଯାତ୍ରାର ଶେଷ ଭାଗରେ କେନ୍ଦ୍ର ସରକାର ଉପରେ ବର୍ଷିଛନ୍ତି ପୂର୍ବତନ ମନ୍ତ୍ରୀ ତଥା ବିଜେଡିରୁ ଯୁବ ରାଜନେତା ଅରୁଣ ସାହୁ । ସେ କହିଛନ୍ତି, ଗତ ନିର୍ବାଚନରେ ବିଜେପି ଦେଇଥିବା କୌଣସି ପ୍ରତିଶ୍ରୁତି ପୂରଣ କରିନଥିବା ବେଳେ ଓଲଟି ରାଜ୍ୟ ସରକାର ପ୍ରତି ଅଣଦେଖା କରୁଛନ୍ତି । ରାଜ୍ୟକୁ ସ୍ୱତନ୍ତ୍ର ପାହ୍ୟା ମାନ୍ୟତା ହେଉ କିମ୍ବା ବର୍ଷକୁ ୨ କୋଟି ଯୁବକଙ୍କୁ କର୍ମନିଯୁକ୍ତି ହେଉ ସବୁଥିରେ ବିଫଳ ହୋଇଛି ଏନଡିଏ ସରକାର । ବିଦେଶରୁ କଳାଧନ ଆଣି ପ୍ରତି ନାଗରିକଙ୍କ ଖାତାରେ ୧୫ ଲକ୍ଷ ଟଙ୍କା ଜମା ହେଉ କିମ୍ବା ଧାନର ସହାୟକ ମୁଲ୍ୟ ବୃଦ୍ଧି ହେଉ ସବୁକିଛି କେବଳ ବିଜେପିର ପ୍ରତିଶ୍ରୁତିରେ ହିଁ ରହିଯାଇଛି ।
ସେପଟେ ୧୨୦ ଆସନ କବଜା କରିବା ପାଇଁ ବିଜେପିର ରାଷ୍ଟ୍ରିୟ ଅଧ୍ୟକ୍ଷ ଅମିତ ଶାହଙ୍କ ଦୃଢୋକ୍ତିର କଡା ଜବାବ ଦେଇଛନ୍ତି ଅରୁଣ ଶାହ । ପ୍ରଥମେ ଅମିତ ଶାହ କେନ୍ଦ୍ର ରାଜ୍ୟକୁ ଦେଉଛନ୍ତି ଓ କେତେ ନେଉଛନ୍ତି ତାର ହିସାବ ରଖନ୍ତୁ । ଅମିତ ଅସୁରର ଭାଷା କହୁଛନ୍ତି । ତେଣୁ ରାଜନୀତିର ଭାଷା ଶିଖିବାକୁ ବିଜେପି ନେତା ମୁଖ୍ୟମନ୍ତ୍ରୀ ନବୀନଙ୍କ ପାଖରେ ମାସେ ଟ୍ୟୁସନ ହେବାକୁ ପରାମର୍ଶ ଦେଇଛନ୍ତି ଅରୁଣ ।