କନକ ବ୍ୟୁରୋ : ମହାରାଷ୍ଟ୍ରରେ ପୋଲିସର ମାଓଦମନ ନୀତିର ପ୍ରତିଶୋଧ ବିହାରରେ ନକ୍ସଲମାନେ ନେଇଛନ୍ତି । ବିହାରର ଗୟା ଜିଲ୍ଲାର ଆସିଥିବା ଖବର ପରେ ମାଓବାଦ ଏକ ଆଦର୍ଶ ବୋଲି ଭାବୁଥିବା ଲୋକମାନେ ଏହାକୁ ଭୁଲ ବୋଲି ମାନିବାକୁ ବାଧ୍ୟ ହେବେ । ନକ୍ସଲମାନେ ଗୟା ଜିଲ୍ଲାର ଗୋଟିଏ ପରିବାରର ୪ ଜଣଙ୍କୁ ଫାଶିରେ ଝୁଲାଇ ହତ୍ୟା କରିଛନ୍ତି । କେବଳ ହତ୍ୟା କରିନାହାଁନ୍ତି ମାଓବାଦୀମାନେ ସଂପୃକ୍ତ ଘରକୁ ବୋମା ସହାୟତାରେ ଉଡାଇ ଦେଇଛନ୍ତି । ଏଭଳି ଅଭିଯାନ ସଫଳ ହେବା ପରେ ନକ୍ସଲମାନେ ସେଠାରେ ଏକ ଚିଠି ବି ଛାଡି ଯାଇଛନ୍ତି । ଏନେଇ ସୂଚନା ପାଇବା ପରେ ପୋଲିସ ଘଟଣା ସ୍ଥଳରେ ପହଂଚି ତଦନ୍ତ ଆରମ୍ଭ କରିଛି ।
Kanak News is now on WhatsApp
Join and get latest news updates delivered to you via WhatsApp
ଗୟା ଜିଲ୍ଲାର ନକ୍ସଲ ପ୍ରଭାବିତ ଅଞ୍ଚଳ ଡୁମାରିଆ ଥାନା କ୍ଷେତ୍ର ମୋନବାର ଗାଁରେ ରହୁଥିବା ସରଜୁ ସିଂଙ୍କ ଘରେ ଶନିବାର ମଧ୍ୟରାତ୍ରରେ ନକ୍ସଲମାନେ ପଶିଥିଲେ । ସରଜୁ ସମେତ ତାଙ୍କର ଦୁଇପୁଅ ଓ ଗୋଟିଏ ଝିଅକୁ ଫାଶିରେ ଝୁଲାଇ ହତ୍ୟା କରିଥିଲେ ।
ଏହି ଘଟଣା ଘଟାଇବା ପରେ ନକ୍ସଲମାନେ ସେଠାରେ ଏକ ଚିଠି ଛାଡିଯାଇଛନ୍ତି । ଚିଠିରେ ଲେଖାଯାଇଛି କି କିଛିଦିନ ପୂର୍ବରୁ ୪ ଜଣ ନକ୍ସଲଙ୍କୁ ଷଡଯନ୍ତ୍ର କରି ହତ୍ୟା କରାଯାଇଥିଲା ଓ ଏହାକୁ ଏନକାଉଣ୍ଟରର ରୂପ ଦିଆଯାଇଥିଲା । ଏହି ଷଡଯନ୍ତ୍ରରେ ସରଜୁର ପରିବାର ସଂପୃକ୍ତ ଥିବାରୁ ସେମାନଙ୍କୁ ହତ୍ୟା କରାଯାଇଛି ।
କହିରଖୁ କି ଗତବର୍ଷ ପୂର୍ବ ଗୟା ଜିଲ୍ଲାର ଡୁମାରିଆ ଥାନା କ୍ଷେତ୍ରରେ ୪ ଜଣ ନକ୍ସଲଙ୍କୁ ପୋଲିସର କୋବ୍ରା ବାହିନୀ ଏନକାଉଣ୍ଟର କରି ହତ୍ୟା କରିଥିଲା ।ଏହାକୁ ନେଇ ନକ୍ସଲ ସଂଗଠନ କହିଥିଲା କି ଯେଉଁ ଘରେ ନକ୍ସଲମାନେ ଲୁଚିଥିଲେ ସେଠାରେ ତାଙ୍କୁ ଖାଦ୍ୟରେ ବିଷ ଦେଇ ହତ୍ୟା କରାଯାଇଥିଲା ଓ ଏହାକୁ ଏନକାଉଣ୍ଟରର ରୂପ ଦିଆଯାଇଥିଲା ।