ନକ୍ସଲ ଖେଳିଲେ ରକ୍ତର ହୋଲି । ସୁକମାରେ ଲ୍ୟାଣ୍ଡମାଇନ ବିସ୍ଫୋରଣରେ ନକ୍ସଲ ଉଡାଇଲେ ଯବାନଙ୍କ ଗାଡି, ୯ ଯବାନ ସହିଦ, ୨୫ରୁ ଅଧିକ ଆହତ
ଛତିଶଗଡ ସୁକମା ଜିଲ୍ଲାରେ ଯବାନଙ୍କ ଉପରକୁ ମାଓବାଦୀଙ୍କ ବଡ ଆକ୍ରମଣ । ସୁକମାର କିସ୍ତିରାମ ଅଞ୍ଚଳରେ ନକ୍ସଲ ଏକ ଆଇଇଡି ବିସ୍ପୋରଣ କରିବାରୁ ସିଆରପିଏଫର ୯ ଜଣ ଯବାନ ସହିଦ ହୋଇଛନ୍ତି । ଲ୍ୟାଣ୍ଡମାଇନ ବିସ୍ଫୋରଣ କରି ଭୟଙ୍କର ଆକ୍ରମଣ କରିଥିଲେ ଲାଲବାହିନୀ । ମୃତ ଯବାନ ସିଆରପିଏଫ୍ ୨୧୨ ବାଟାଲିୟନର। ନକ୍ସଲଙ୍କ ଏହି ଆକ୍ରମଣରେ ୨୫ ଜଣ ଯବାନ ଆହତ ହୋଇଥିବା ବେଳେ ୪ ଜଣଙ୍କ ଅବସ୍ଥା ଏବେ ଗୁରୁତର ରହିଛି । ଆହତ ଯବାନଙ୍କୁ ଚିକିତ୍ସା ପାଇଁ ରାୟପୁର ପଠାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ, ସିଆରପିଏଫର ୨୧୨ ଇଟାଲିଅନ୍ ସୁକମା ଜିଲ୍ଳାର କିଷ୍ଟାରାମ୍ ଅଞ୍ଚଳକୁ କମ୍ବିଂ ଅପରେସନରେ ଯାଇଥିବା ଏକ ପାଟ୍ରୋଲିଂ ଦଳକୁ ମାଓବାଦୀମାନେ ଟାର୍ଗେଟ କରିଥିଲେ। ଏକ ଆଣ୍ଟି -ଲ୍ୟାଣ୍ଡମାଇନ୍ ଯାନରେ ଯବାନମାନେ କିଷ୍ଟାରାମରୁ ପାଲୋଡି ଯାଉଥିବା ବେଳେ ମାଓବାଦୀମାନେ ଲ୍ୟାଣ୍ଡମାଇନ୍ ବିସ୍ଫୋରଣ ଘଟାଇଥିଲେ। ଫଳରେ ଯବାନଙ୍କ ମାଇନ୍ ପ୍ରୋଟେଡ୍ ଗାଡ଼ି ଭାଙ୍ଗିରୁଜି ଚୁରମାର ହୋଇଯାଇଛି । ନକ୍ସଲମାନେ ଆମ୍ବୁସ୍ କରି ଯବାନଙ୍କୁ ଟାର୍ଗେଟ କରିଥିଲେ। ଆମ୍ବୁସରେ ଶହେରୁ ଅଧିକ ମାଓବାଦୀ ସାମିଲ ଥିଲେ।
ଘଟଣାସ୍ଥଳକୁ ଅଧିକ ସଂଖ୍ୟକ ଯବାନଙ୍କୁ ପଠାଯାଇଛି ଓ ମୃତାହତମାନଙ୍କୁ ଆଣିବା ଲାଗି ବ୍ୟବସ୍ଥା କରାଯାଉଛି ବୋଲି ଛତିଶଗଡର ସ୍ୱତନ୍ତ୍ର ଡିଜି ( ମାଓ-ବିରୋଧୀ ଅଭିଯାନ) ଡି.ଏମ୍.ଅବସ୍ତୀ ସୂଚନା ଦେଇଛନ୍ତି।ସୂଚନାଯୋଗ୍ୟ ଯେ, ଗତକିଛି ଦିନ ପୂର୍ବେ କୋବ୍ରା କମାଣ୍ଡୋଙ୍କ ଘାତକ ଆକ୍ରମଣରେ ତେଲେଙ୍ଗାନା ବର୍ଡର ଡିଭିଜନର ଟପ ମାଓନେତା ନିହତ ହୋଇଥିଲେ । ଏହାପରେ ନକ୍ସଲ ମାନେ ରକ୍ତମୁଖା ହୋଇଥିବା କୁହାଯାଉଛି ।