ବଢି ବଢି ଚାଲିଛି ନୱାବ ମଲ୍ଲିକଙ୍କ ସମସ୍ୟା । ମହାରାଷ୍ଟ୍ର ମନ୍ତ୍ରୀଙ୍କ ପୁଅଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟର ନୋଟିସ୍ ।
କନକ ବ୍ୟୁରୋ : ମହାରାଷ୍ଟ୍ର ମନ୍ତ୍ରୀ ନୱାବ ମଲ୍ଲିକ ଗିରଫ ହେବା ମାମଲାରେ ଖୋଳତାଡ ଜାରି ରଖିଛି ପ୍ରବର୍ତ୍ତନ ନିର୍ଦ୍ଦେଶାଳୟ । ଅଣ୍ଡରୱାଲର୍ଡ ସହ ସମ୍ପର୍କ, ମନି ଲଣ୍ଡ୍ରିଂ ଓ ବେଆଇନ ସମ୍ପତି ମାମଲାରେ ଏନସିପି ନେତା ନୱାବ ମଲ୍ଲିକଙ୍କୁ ଇଡି ଗିରଫ କରିଛି । ବର୍ତମାନ ଘଟଣାର ନୂଆ ନୂଆ ଫର୍ଦ୍ଦ ସାମ୍ନାକୁ ଆସୁଛି । ମୁମ୍ବାଇ କୁର୍ଲା ଅଞ୍ଚଳରେ ଥିବା ୨୦୦ କୋଟି ଟଙ୍କାର ଏକ ଜମି ଠାବ କରିଛି ଇଡି, ଯାହା ନୱାବଙ୍କ ପରିବାର ସହିତ ଜଡିତ ଥିବା ଜଣାପଡିଛି । ଏହି ଜମି ଏକ ରିଏଲ ଇଷ୍ଟେଟ୍ କମ୍ପାନୀ ନାମରେ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଯେଉଁଥିରେ ନୱାବଙ୍କ ପୁଅ ଫରାଜ ୨୫ ପ୍ରତିଶତ ଜମିର ମାଲିକ ଥିବା ଇଡିର ଯାଞ୍ଚ ସମୟରେ ସାମ୍ନାକୁ ଆସିଛି । ଯାହାକୁ ନେଇ ଫରାଜ ମଲ୍ଲିକଙ୍କୁ ସୋମବାର ପ୍ରବର୍ତନ ନିର୍ଦ୍ଦେଶାଳୟ ଅଫିସରେ ହାଜର ହେବାକୁ ନୋଟିସ ଦେଇଥିଲା ଇଡି । କିନ୍ତୁ ଫରାଜ ମଲ୍ଲିକ ଈଡି କାର୍ଯ୍ୟାଳୟରେ ହାଜର ହୋଇନଥିବା ଜଣାପଡିଛି । ଅନ୍ୟପଟେ ଅଣ୍ଡରୱାଲର୍ଡ ସହ ସମ୍ପର୍କ ଓ ମନି ଲଣ୍ଡ୍ରିଂ ମାମଲାରେ ଗିରଫ ହୋଇଥିବା ମନ୍ତ୍ରୀ ନୱାବ ମଲ୍ଲିକ ରିମାଣ୍ଡ ଆସନ୍ତା ମାର୍ଚ୍ଚ ୩ ତାରିଖରେ ଶେଷ ହେଉଛି । ଅନ୍ୟପଟେ ଘଟଣାକୁ ନେଇ ମହାରାଷ୍ଟ୍ର ରାଜନୀତି ଜୋର ଧରିଛି ।