ଫଡର୍ନାଭିସଙ୍କ ଖୁଲାସା ପରେ ଜବାବ ରଖିଲେ ନୱାବ, ଆସନ୍ତାକାଲି ଖୋଲିବେ ଅଣ୍ଡରୱାର୍ଲ୍ଡ ସହ ଫଡର୍ନାଭିସଙ୍କ ସଂପର୍କ
କନକ ବ୍ୟୁରୋ : ମହାରାଷ୍ଟ୍ର ରାଜନୀତିରେ ମହାନାଟକ । ଅଣ୍ଡରୱାର୍ଲ୍ଡ ସହ ନୱାବ ମଲ୍ଲିକଙ୍କ ସଂପର୍କ ବାବଦରେ ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡର୍ନାଭସି ଖୁଲାସା କରିବା ପରେ ଏହାର ଜବାବ ରଖିଛନ୍ତି ମହାରାଷ୍ଟ୍ର ସରକାରରେ ମନ୍ତ୍ରୀଥିବା ନୱାବ ମଲ୍ଲିକ । ସେ କହିଛନ୍ତି କି ଫଡର୍ନାଭିସ ଗଣମାଧ୍ୟମ ଆଗରେ ଏକ ମିଥ୍ୟାର ପାହାଡ ନିର୍ମାଣ କରିଛନ୍ତି । ସେ ଆହୁରି କହିଛନ୍ତି କି ଫଡର୍ନାଭିସ କହିଥିଲେ ଦୀପାବଳି ପରେ ସେ ବୋମା ଫୁଟାଇବେ ହେଲେ ସେ ତାହା କରିପାରିଲେ ନାହିଁ, କିନ୍ତୁ ଆସନ୍ତାକାଲି ମୁଁ ଅଣ୍ଡରୱାର୍ଲ୍ଡର ହାଇଡ୍ରୋଜେନ ବୋମା ଫୁଟାଇବି । ଏହାସହ ଦେବେନ୍ଦ୍ର ଫଡର୍ନାଭିସ ମୁଖ୍ୟମନ୍ତ୍ରୀ ଥିବା ବେଳେ ପୁରା ମୁମ୍ବାଇ ସହରକୁ ନିଜ ଦଖଲରେ ରଖିଥିଲେ ଏହାସହ ଅଣ୍ଡରୱାଲ୍ଡର ମୁଖିଆ ବିଦେଶରେ ରହି ବିଜେପି ସରକାରକୁ ପରିଚାଳନା କରୁଥିବା କଥା ବି ନୱାବ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଫଡର୍ନାଭିସ ଅଭିଯୋଗ କରିଥିଲେ କି ମୁମ୍ବାଇ ବିସ୍ଫୋରଣରେ ସାମିଲଥିବା ଆତଙ୍କବାଦୀଙ୍କ ଠାରୁ ନୱାବ ମଲ୍ଲିକ ଜମି କିଣିଛନ୍ତି । ଏହାର ଉତ୍ତରରେ ମଲ୍ଲିକ କହିଛନ୍ତି କି ଯେଉଁ ଜମି ବାବଦରେ ଫଡର୍ନାଭିସ ଅଭିଯୋଗ ଆଣିଛନ୍ତି , ସେହି ଜମିରେ ପ୍ରଥମେ ନୱାବଙ୍କ ପରିବାର ଭଡାସୂତ୍ରରେ ରହୁଥିଲେ ଓ ପରେ ତାର ମାଲିକାନା ହକ୍ ମିଳିଥିଲା ।
ନୱାବ ମଲ୍ଲିକ ଆହୁରି କହିଛନ୍ତି କି, “ଫଡର୍ନାଭିସ ମନେ ରଖିବା ଦରକାର ୧୯୯୬ ରେ ବିଜେପି ଓ ଶିବସେନାର ସରକାର ଥିବା ବେଳେ ମୁଁ ଉପନିର୍ବାଚନ ଜିତିଥିଲି ଓ ଆଜି ଯେଉଁ ଜମି ନେଇ ଫଡର୍ନାଭିସ ଅଭିଯୋଗ କରୁଛନ୍ତି ସେହି ଜମିରେ ମୋର ଅଫିସ ଥିଲା, ସେଠାରେ ବିଜୟ ପରେ କର୍ମୀମାନେ ଖୁସି ମନାଇଥିଲେ ”
କହିରଖୁ କି ଶାହାରୁଖ ଖାନଙ୍କ ପୁଅ ଆରୟନ ଖାନ କ୍ରୁଜ ଡ୍ରଗ୍ସ ପାର୍ଟି ମାମଲାରେ ଗିରଫ ହେବା ପରେ ଏନସିବି ଜୋର୍ନାଲ ଡାଇରେକ୍ଟର ସମୀର ୱାଙ୍ଖଡେଙ୍କୁ ନେଇ ପ୍ରଶ୍ନ ଉଠାଇଥିଲେ ମହାରାଷ୍ଟ୍ର ସରକାରରେ ମନ୍ତ୍ରୀଥିବା ନୱାବ ମଲ୍ଳିକ । ସେବେଠାରୁ ବିଜେପି ଓ ନୱାବ ମଲ୍ଲିକଙ୍କ ଭିତରେ ଶୀତଳ ଯୁଦ୍ଧ ଲାଗି ରହିଛି ।