ପଂଜାବ ମନ୍ତ୍ରୀମଣ୍ଡଳରେ ସିଦ୍ଧୁଙ୍କୁ ତୀବ୍ର ବିରୋଧ; ବିପଦରେ ମନ୍ତ୍ରୀ ପଦ । ସିଦ୍ଧୁଙ୍କ ଇସ୍ତଫା ଦାବି କଲେ ୪ ମନ୍ତ୍ରୀ
କନକ ବ୍ୟୁରୋ : ପଂଜାବର ମନ୍ତ୍ରୀ ନବଜୋତ୍ ସିଂହ ସିଦ୍ଧୁଙ୍କ ଇସ୍ତଫା ଦାବି ଜୋର ଧରିଲାଣି । ତାଙ୍କ କ୍ୟାବିନେଟ୍ ମନ୍ତ୍ରୀମାନେ ଦାବି କରିଛନ୍ତି କି, ମୁଖ୍ୟମନ୍ତ୍ରୀ ଅମରିନ୍ଦର ସିଂହଙ୍କ ନେତୃତ୍ୱ ଉପରେ ପ୍ରଶ୍ନ ଉଠାଇଥିବା ସିଦ୍ଧୁଙ୍କୁ ଇସ୍ତଫା ଦେବା ଉଚିତ୍ । ଏମିତିରେ ସାଧାରଣ ନିର୍ବାଚନର ୨୩ ମଇରେ ଆସିବାକୁ ଥିବା ଫଳାଫଳ ପୂର୍ବରୁ ପଂଜାବ କଂଗ୍ରେସ ଓ ସରକାରଙ୍କ ମଧ୍ୟରେ ଅପୋଷ ବିବାଦ ଚରମ ସୀମାରେ ପହଂଚି ସାରିଲାଣି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଗତ ସପ୍ତାହରେ କଂଗ୍ରେସ ଷ୍ଟାର ପ୍ରଚାରକ ସିଦ୍ଧୁ ଅମରିନ୍ଦରଙ୍କୁ ଟାର୍ଗେଟ କରି କହିଥିଲେ କି, ଧାର୍ମିକ ପୁସ୍ତକ ବିବାଦ ମାମଲାରେ ମୁଖ୍ୟମନ୍ତ୍ରୀ ଓ ବିରୋଧୀ ଅକାଳୀ ଦଳ ମଧ୍ୟରେ ମଧୁଚନ୍ଦ୍ରିକା ଅଛି । ସିଦ୍ଧୁଙ୍କ ପତ୍ନୀ ଅଭିଯୋଗ ଆଣିଥିଲେ କି, ଅମରିନ୍ଦରଙ୍କ କାରଣରୁ ତାଙ୍କ ଟିକେଟ୍ କଟିଲା । ଯାହା ଉପରେ ସିଦ୍ଧୁ କହିଥିଲେ କି, ତାଙ୍କ ପତ୍ନୀ କେବେ ମିଛ କହନ୍ତିନି ।
ମୁଖ୍ୟମନ୍ତ୍ରୀଙ୍କ ପତ୍ନୀ ତଥା ପଟିଆଲା ଲୋକସଭା ପ୍ରାର୍ଥୀ ପରନୀତ କୌର ଓ ଦଳର ରାଜ୍ୟ କ୍ୟାମ୍ପେନ୍ କମିଟି ପ୍ରମୁଖ ଲାଲ ସିଂହ ସିଦ୍ଧୁଙ୍କ ବିରୁଦ୍ଧରେ ମୋର୍ଚ୍ଚା ବାହାର କଲେଣି । ପଂଜାବ ସରକାରର ମନ୍ତ୍ରୀ ତ୍ରିପତ ରାଜେନ୍ଦ୍ର ସିଂହ ବାଜୱା, ଭାରତ ଭୂଷଣ, ଶ୍ୟାମ ସୁନ୍ଦର ଅରୋଡା ଓ ରାଣା ଗୁରମିତ୍ ସିଂହ ସୋଢ଼ି ସିଦ୍ଧୁଙ୍କୁ ଟାର୍ଗେଟରେ ରଖିଛନ୍ତି । ବାଜୱା କହିଛନ୍ତି, “ଯଦି ସିଦ୍ଧୁଙ୍କୁ କ୍ୟାପଟେନ୍ ଅମରିନ୍ଦର ସିଂହଙ୍କ ନେତୃତ୍ୱ ଉପରେ ଭରସା ନାହିଁ, ତେବେ ତାଙ୍କୁ ପଦ ଛାଡିଦେବା ଉଚିତ୍ । ଯଦି ସେ ନୈତିକ ଭାବେ ଏତେ ଶକ୍ତ ତେବେ ନିଜ ପଦ କାହିଁକି ଛାଡୁ ନାହାଁନ୍ତି ଓ ଏମିତି ବ୍ୟକ୍ତିଙ୍କ ସହ କାମ କରୁଛନ୍ତି, ଯାହା ଉପରେ ବିଶ୍ୱାସ ନାହିଁ ।”