କନକ ବ୍ୟୁରୋ : ପଞ୍ଜାବରେ ଆସନ୍ତା ମାସ ବିଧାନସଭା ନିର୍ବାଚନ ଅନୁଷ୍ଠିତ ହେବାକୁ ଯାଉଛି । ପଞ୍ଜାବ କଂଗ୍ରେସର ମୁଖ୍ୟ ଭାବେ କିଛିମାସ ତଳେ ନବଜ୍ୟୋତ ସିଂ ସିଦ୍ଧୁଙ୍କୁ ଦଳର ହାଇକମାଣ୍ଡ ନିଯୁକ୍ତ କରିବା ପରେ ରାଜ୍ୟରେ ଚନ୍ନିଙ୍କ ପରେ ଏବେ ସେ ମୁଖ୍ୟମନ୍ତ୍ରୀ ଚେହେରା ଭାବେ ପ୍ରତୀତ ହେଉଛନ୍ତି । ହେଲେ ବିବାଦ ତାଙ୍କ ପିଛା ଛାଡୁନି, ଦଳୀୟ ବିବାଦ ପରେ ଏବେ ଘରୋଇ ବିବାଦରେ ଛନ୍ଦି ହୋଇପଡିଛନ୍ତି ସିଦ୍ଧୁ ।
Kanak News is now on WhatsApp
Join and get latest news updates delivered to you via WhatsApp
ସିଦ୍ଧୁଙ୍କ ବଡ ଭଉଣୀ ସିଦ୍ଧୁଙ୍କ ନାମରେ ଏଭଳି ଏକ ଅଭିଯୋଗ ଆଣିଛନ୍ତି କି ସିଦ୍ଧୁଙ୍କ ନିର୍ବାଚନୀ ରାଜନୀତି ଉପରେ ତାହାର ପ୍ରଭାବ ପଡିବ ବୋଲି ଅନୁମାନ କରାଯାଉଛି । ସିଦ୍ଧୁଙ୍କ ଭଉଣୀ ସୁମନଜୋତ ଏକ ସାମ୍ବାଦିକ ସମ୍ମିଳନୀ କରି କହିଛନ୍ତି କି ତାଙ୍କ ଭାଇ ସିଦ୍ଧୁ ପିତାଙ୍କ ସମ୍ପତ୍ତିକୁ ଦଖଲ କରିବାକୁ ନିଜ ମା’ଙ୍କୁ ଘରୁ ତଡି ଦେଇଛନ୍ତି । ଏହାସହ ସିଦ୍ଧୁ ପରିବାର ଲୋକଙ୍କୁ ବାରମ୍ବାର ମିଛକଥା କହୁଥିବା ବେଳେ ସିଦ୍ଧୁଙ୍କୁ ଟାର୍ଗେଟ କରି ତାଙ୍କ ଭଉଣୀ କହିଛନ୍ତି କି ମୁଁ ସିଦ୍ଧୁ ନୁହେଁ, ତେଣୁ ମୋତେ ମିଛ କହିଆସେ ନାହିଁ ।
ଗୋଟିଏ ପଟେ ରାଜ୍ୟରେ ମୁଖ୍ୟମନ୍ତ୍ରୀ ଚେହେରା ଭାବେ ଚନ୍ନିଙ୍କ ପରେ ସିଦ୍ଧଙ୍କ ନାମ ଆସୁଥିବା ବେଳେ ବିଧାନସଭା ନିର୍ବାଚନର ଠିକ୍ ପୂର୍ବରୁ ସିଦ୍ଧୁଙ୍କ ଭଉଣୀ ସିଦ୍ଧୁଙ୍କ ଉପରେ ଏଭଳି ଅଭିଯୋଗ ଆଣିବା ସିଦ୍ଧୁଙ୍କ ବିବାଦକୁ ବଢାଇଦେଇଛି । ଅଭିଯୋଗ ଆଣିଥିବା ସିଦ୍ଧୁଙ୍କ ଭଉଣୀ ଆମେରିକାରେ ରହୁଥିବା ବେଳେ ସେ କହିଛନ୍ତି କି ସିଦ୍ଧୁଙ୍କ ପିତା ଭଗୱନ୍ତ ସିଦ୍ଧୁଙ୍କ ମୃତ୍ୟୁ ପରେ ସିଦ୍ଧୁ ମା’ ନିର୍ମଳା ଓ ଭଉଣୀଙ୍କୁ ଘରୁ ତଡି ଦେଇଛନ୍ତି ।
#WATCH | Chandigarh: Punjab Congress chief Navjot Singh Sidhu’s sister from the US, Suman Toor alleges that he abandoned their old-aged mother after the death of their father in 1986 & she later died as a destitute woman at Delhi railway station in 1989.
(Source: Suman Toor) pic.twitter.com/SveEP9YrsD
— ANI (@ANI) January 28, 2022
ସେ ଆହୁରି କହିଛନ୍ତି କି ସିଦ୍ଧୁ ଲୋକଙ୍କ ପାଖରେ ମିଛ କହୁଛନ୍ତି କି, ସେ ୨ ବର୍ଷର ହୋଇଥିବା ବେଳେ ତାଙ୍କ ବାପା ଓ ମା ଅଲଗା ହୋଇଯାଇଥିଲେ । ହେଲେ ସିଦ୍ଧୁଙ୍କ ଭଉଣୀ କହିଛନ୍ତି କି ସିଦ୍ଧୁଙ୍କ ମା’ ଅସହାୟ ଅବସ୍ଥାରେ ଦିଲ୍ଲୀ ରେଳ ଷ୍ଟେସନରେ ମୃତ୍ୟୁବରଣ କରିଥିଲେ ।