‘ସିଦ୍ଧୁ ଭୟଙ୍କର ଜନ୍ତୁ, ତାଙ୍କଠାରୁ ଦୂରେଇ ରୁହ!’ ଏଭଳି କାହିଁକି କହିଲେ ନବଜୋତଙ୍କ ପତ୍ନୀ?

କନକ ବ୍ୟୁରୋ: ପଟିଆଲା ଜେଲରେ ବନ୍ଦୀ ଥିବା ନବଜୋତ୍ ସିଦ୍ଧୁଙ୍କୁ ପୁଣି ଝଟକା । ତାଙ୍କର ଭଲ ବ୍ୟବହାର ପାଇଁ ତାଙ୍କୁ ସାଧାରଣତନ୍ତ୍ର ଦିବସରେ ମୁକ୍ତ କରାଯିବାକୁ ଥିବାବେଳେ ଏହା ସମ୍ଭବ ହୋଇପାରିନାହିଁ । କାରଣ ଜେଲ କର୍ତ୍ତୃପକ୍ଷ ତାଙ୍କୁ ମୁକ୍ତ କରିବାକୁ ନିଷ୍ପତ୍ତି ନେଇଥିବାବେଳେ ରାଜ୍ୟର ମାନ୍ ସରକାର କିନ୍ତୁ ଏନେଇ କୌଣସି ନିଷ୍ପତ୍ତି ନନେବାରୁ ତାଙ୍କୁ ମୁକ୍ତ କରାଯାଇପାରିନାହିଁ ।

ଏହି ଘଟଣା ପରେ ପଞ୍ଜାବ ଆପ୍ ସରକାରଙ୍କ ବିରୋଧରେ କଂଗ୍ରେସ ନେତା ବିକ୍ଷୋଭ କରିଥିବାବେଳେ ସିଦ୍ଧୁଙ୍କ ପତ୍ନୀ ନବଜୋତ୍ କୌର ସିଦ୍ଧୁ ମାନ୍ ସରକାରଙ୍କ ଉପରେ ନିଜର କ୍ଷୋଭକୁ ପ୍ରକାଶ କରିଛନ୍ତି । ସେ କହିଛନ୍ତି ଯେ, ସିଦ୍ଧୁ ଜଣେ ଭୟଙ୍କର ଜନ୍ତୁ, ଏଥିପାଇଁ ସରକାର ତାଙ୍କୁ ଭୟରେ ମୁକୁଳାଇବାକୁ ଚାହୁଁନାହାଁନ୍ତି । ତେଣୁ ଆପଣ ସମସ୍ତଙ୍କୁ ଅପିଲ କରୁଛି ତାଙ୍କ ଠାରୁ ଦୂରେଇ ରୁହନ୍ତୁ’ ।

ସିଦ୍ଧୁ ୧୯୮୮ର ରୋଡ୍ ରେଜ୍ ମୃତ୍ୟୁ ମାମଲାରେ ବର୍ଷକ ପାଇଁ ଜେଲ ଦଣ୍ଡ ଭୋଗୁଛନ୍ତି । ସୂଚନା ମୁତାବକ, ଜେଲରେ ସିଦ୍ଧୁଙ୍କ ଭଲ ବ୍ୟବହାର ଯୋଗୁଁ ତାଙ୍କୁ ୫୦ ଜଣ କଏଦୀଙ୍କ ସହ ଗଣତନ୍ତ୍ର ଦିବସରେ ମୁକ୍ତ କରାଯିବାର ଥିଲା । ହେଲେ ସରକାରଙ୍କ ଅସଯୋଗ ଯୋଗୁଁ ତାହା ସ୍ଥଗିତ ରହିଲା । ତେବେ ସରକାରଙ୍କ ଏଭଳି ମନୋଭାବ ଯୋଗୁଁ ସିଦ୍ଧୁଙ୍କ ସହ କଏଦୀଙ୍କ ସହ ଅନ୍ୟାୟ ହୋଇଛି ବୋଲି ନବଜୋତ୍ କୌର କହିଛନ୍ତି ।