ନବୀନଙ୍କ ନୂଆ ମନ୍ତ୍ର: ଫାଇଭଟି ନୁହେଁ, ୬ଟିକୁ ଗୁରୁତ୍ୱ । ଅଞ୍ଚଳ ବୁଲିବାକୁ ନୂଆ ମନ୍ତ୍ରୀଙ୍କୁ ପରାମର୍ଶ।
କନକ ବ୍ୟୁରୋ: ନୂଆ ମନ୍ତ୍ରିମଣ୍ଡଳ ଦାୟିତ୍ୱ ନେବା ପରେ ଆଜି ମୁଖ୍ୟମନ୍ତ୍ରୀଙ୍କୁ ନବୀନ ନିବାସରେ ଭେଟିଛନ୍ତି ମନ୍ତ୍ରିମାନେ । ଏହି ଭେଟଘାଟ ସମୟରେ ନବୀନ ନୂଆ ମନ୍ତ୍ରୀଙ୍କୁ ୫ଟି ସ୍ଥାନରେ ୬ଟିକୁ ଗୁରୁତ୍ୱ ଦେଇଛନ୍ତି । ଏହି ଟି ହେଲା ଟୁର । ମୋ ସରକାର କାର୍ଯ୍ୟକ୍ରମରେ ମନ୍ତ୍ରୀମାନଙ୍କୁ ରାଜ୍ୟର ବିଭିନ୍ନ ଅଞ୍ଚଳ ଟୁର କରି ଲୋକଙ୍କ ସମସ୍ୟା ବୁଝିବା ଓ ସମସ୍ୟା ସମାଧାନ ପାଇଁ ପରାମର୍ଶ ଦେଇଛନ୍ତି । କାର୍ଯ୍ୟରେ ସ୍ୱଚ୍ଛତା ବଜାୟ ରଖିବାକୁ ସେ ନିର୍ଦ୍ଦେଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସରକାରଙ୍କ ବିକାଶମୂଳକ କାମ କିଭଳି ଭାବରେ ସାଧାରଣ ଜନତାଙ୍କ ନିକଟକୁ ବିନା କୌଣସି ଅସୁବିଧାରେ ପହଞ୍ଚି ପାରିବ, ସେ ନେଇ ମଧ୍ୟ ପରାମର୍ଶ ଦେଇଛନ୍ତି । ସେହିପରି ସରକାରଙ୍କ ଯୋଜନାରୁ ଯେପରି କୌଣସି ହିତାଧିକାରୀ ବାଦ୍ ନ ପଡ଼ନ୍ତି ସେଥିପାଇଁ ମଧ୍ୟ ସେ ପରାମର୍ଶ ଦେଇଥିବା ସୂଚନା ରହିଛି । ଆଗକୁ ୨୦୨୪ ସାଧାରଣ ନିର୍ବାଚନ ରହିଛି । ତେଣୁ ମନ୍ତ୍ରୀଙ୍କ କାମର ପ୍ରଭାବ ସାଧାରଣ ନିର୍ବାଚନ ପୂର୍ବରୁ ପ୍ରତିଫଳିତ ହେବା ଦରକାର ବୋଲି ନବୀନ ଏହି ଭେଟଘାଟ ବେଳେ ଗୁରୁତ୍ୱ ଦେଇଛନ୍ତି ।