କନକ ବ୍ୟୁରୋ : କରୋନା ମୁକାବିଲା କରୁଛି ଓଡ଼ିଶା । ରାଜ୍ୟ ସରକାରଙ୍କ ସମୟ ଉପଯୋଗୀ ନିଷ୍ପତି ଓ ରାଜ୍ୟବାସୀଙ୍କ ତ୍ୟାଗ ବଳରେ କରୋନା ବିରୋଧରେ ଲଢେଇ ଜାରି ରଖିଛି ଓଡ଼ିଶା । ଆଉ ଏଭଳି ସମୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କରୋନା ମୁକାବିଲା ପାଇଁ ରାଜ୍ୟବାସୀଙ୍କ ନିକଟରେ ବଡ ବାର୍ତ୍ତା ରଖିଛନ୍ତି ଓ ଏହାସହ ଏହି ଲମ୍ବା ଲଢେଇ ପାଇଁ ଅଧିକ ସାବଧାନ ହେବାକୁ ପଡିବ ବୋଲି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତ ୧୦ ଦିନ ମଧ୍ୟରେ ପୂରା ବିଶ୍ୱରେ କରୋନା କିଭଳି କାୟା ବିସ୍ତାର କରିଛି ସେ ବାବଦରେ ରାଜ୍ୟବାସୀଙ୍କୁ ଜଣାଇଛନ୍ତି ନବୀନ । ନିଜ ବାର୍ତ୍ତାରେ ନବୀନ କହିଛନ୍ତି, ଗତ ୧୦ ଦିନରେ ବିଶ୍ୱରେ କରୋନା ଆକ୍ରାନ୍ତଙ୍କ ସଂଖ୍ୟା ୧୫ ଲକ୍ଷରୁ ବଢି ୨୩ ଲକ୍ଷରେ ପହଞ୍ଚିଲାଣି । ଏହି ସମୟ ମଧ୍ୟରେ ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା ୩ ଗୁଣ ବଢି ୧୫ ହଜାରରେ ପହଞ୍ଚିଲାଣି । ମୃତ୍ୟୁସଂଖ୍ୟା ୨ ଗୁଣରୁ ଅଧିକ ହୋଇ ୨୦୦ରୁ ୫୦୦ରେ ପହଞ୍ଚିଲାଣି ।
ସେହିଭଳି ଗତ ୯ ତାରିଖରେ ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ୪୨ ଥିଲା । ଏବେ ଏହା ୬୧ରେ ପହଞ୍ଚିଛି । ଏବେ ରାଜ୍ୟରେ ନମୁନା ପରୀକ୍ଷଣ ୩ ଗୁଣା ବଢାଯାଇଛି । ଏହି ସମୟରେ ଆକ୍ଟିଭ କେସ୍ ମଧ୍ୟ କମିଛି । ପ୍ରତିଟି ଲୋକଙ୍କର ତ୍ୟାଗ ପାଇଁ ଏହା ସମ୍ଭବ ହୋଇପାରିଛି । ଏହି ଲଢେଇ ଲମ୍ବା ଲଢେଇ । ତେଣୁ ଏଥିପାଇଁ ଅଧିକ ସାବଧାନ ହେବାକୁ ପଡିବ ।