୧୮ ବର୍ଷ ଶାସନରେ କଣ କରିଛି ବିଜେଡି ପ୍ରଶ୍ନ କଲା ବିଜେପି ଓ କଂଗ୍ରେସ !ମନ୍ତ୍ରୀ ପରିଷଦ ବୈଠକ ପରେ ନବୀନ ବଖାଣିଲେ ୧୦ ସଫଳତା
କନକ ବ୍ୟୁରୋ : ନବୀନଙ୍କ ମୁହଁରେ ଦଶ ସଫଳତା । ନବୀନ ସରକାରଙ୍କ ଚତୁର୍ଥ ପାଳିର ୪ବର୍ଷ ଅବସରରେ ସଚିବାଳୟରେ ବସିଥିବା ମନ୍ତ୍ରୀ ପରିଷଦ ବୈଠକ ପରେ ମୁଖ୍ୟମନ୍ତ୍ରୀଙ୍କ ୧୦ଟି ସଫଳତା ବଖାଣିଛନ୍ତି । ୧୦ଟି ପଏଣ୍ଟ ଉପରେ ଫୋକସ କରିଛନ୍ତି ମୁଖ୍ୟମନ୍ତ୍ରୀ । । ଓଡିଆ ଭାଷାର ଉନ୍ନତ ପାଇଁ ସରକାର ପ୍ରତିଶ୍ରୁତି ବଦ୍ଧ ।୨୪ ଲକ୍ଷ କଚା ଘରକୁ ପକ୍କା କରାଯାଇଛି । ୪ବର୍ଷରେ ୧୭ ଲକ୍ଷ ପକ୍କା ଘର ନିର୍ମାଣ କରାଯାଇଛି । ବସ୍ତି ବାସିନ୍ଦାଙ୍କୁ ପଟ୍ଟା ବଂଟନ ପାଇଁ ଐତିହାସିକ ପଦକ୍ଷେପ ନିଆଯାଇଛି । ଦକ୍ଷତା ବିକାଶ କ୍ଷେତ୍ରରେ ଓଡିଶା ଆଗରେ ରହିଛି । ୯ ଲକ୍ଷ ଯୁବକଯୁବତୀଙ୍କୁ ସାବଲମ୍ବୀ କରାଯାଇଛି । ଆଉ ୧୧ ଲକ୍ଷ ଯୁବକଙ୍କୁ ତାଲିମ ଦିଆଯିବ । ସେହିପରି କ୍ରୀଡା କ୍ଷେତ୍ରରେ ଦେଶରେ ଓଡିଶା ପ୍ରତିଧ୍ୱନିତ କରୁଛି । ଏହା ସହ ଥ୍ରୀଡି ଉପରେ ଗୁରୁତ୍ୱରୋପ କରିଛନ୍ତି ମୁଖ୍ୟମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ନବୀନ ସରକାରଙ୍କ ଚତୁର୍ଥ ପାଳିର ୪ବର୍ଷ ପୂରଣ ନେଇ ରାଜ୍ୟ ସରକାରଙ୍କୁ ପ୍ରଶ୍ନ କରିଛନ୍ତି ପିସିସି ସଭାପତି ନିରଂଜନ ପଟ୍ଟନାୟକ । ବିଜେଡିର ୧୮ ବର୍ଷର ଶାସନକୁ ନେଇ ସେ ପ୍ରଶ୍ନ ଉଠାଇଛନ୍ତି । ଓଡିଶାରେ ବେକାରୀ ବଢିଛି ,ଚାଷୀ ମାନଙ୍କ ଦୁର୍ଦ୍ଦଶା ବଢିଛି । ଆଦିବାସୀ ଦଳିତଙ୍କ ଅବସ୍ଥାରେ କୌଣସି ପରିବର୍ତନ ହୋଇନଥିବା ବେଳେ ରାଜ୍ୟରେ ନାରୀ ମାନେ ମଧ୍ୟ ସୁରକ୍ଷିତ ନୁହଁନ୍ତି ବୋଲି ନିରଂଜନ କହିଛନ୍ତି । ଏହା ସହ ଚାଷୀଙ୍କ ସମସ୍ୟାକୁ ନେଇ କଣ ସ୍ୱତନ୍ତ୍ର ଯୋଜନା କରିଛନ୍ତି ବୋଲି ସେ ପ୍ରଶ୍ନ କରିଛନ୍ତି । ମହାନଦୀ କ୍ଷେତ୍ରରେ ମଧ୍ୟରେ ରାଜ୍ୟ ସରକାରଙ୍କ ଭୁମିକାକୁ ସେ ସମାଲୋଚନା କରିଛନ୍ତି ।
ଅନ୍ୟପଟେ ୧୮ ବର୍ଷ ଶାସନରେ ବିଜେଡି ୩୬ଟି ମହାଦୁର୍ନୀତି କରିଥିବା ରାଜ୍ୟ ବିଜେପି ସଭାପତି ବସନ୍ତ ପଣ୍ଡା କହିଛନ୍ତି । ମହାଦୁର୍ନୀତି ନେଇ ବିଜେପି ଲୋକଙ୍କ ପାଖରେ ପହଚିଂବ । ୧୮ ବର୍ଷରେ ସରକାର ଦୁର୍ନୀତିର ଗନ୍ତାଘର ପାଲଟିଯାଇଛନ୍ତି ।