କନକ ବ୍ୟୁରୋ: ନବୀନଙ୍କ ନୂଆ ଟିମରେ ଶପଥ ନେଲେ ଟିଟିଲାଗଡ଼ ବିଧାୟିକା ଟୁକୁନି ସାହୁ । ଟୁକୁନିଙ୍କୁ ନବୀନ ପୁଣି ଥରେ ରିପିଟ୍ କରି କ୍ୟାବିନେଟ୍ ମନ୍ତ୍ରୀ ଭାବେ ନିଜ ନୂଆ ଟିମରେ ସାମିଲ କରିଛନ୍ତି । ପୂର୍ବରୁ ଶିଶୁ ମହିଳା ଓ ଶିଶୁ କଲ୍ୟାଣ ମନ୍ତ୍ରୀ ଭାବେ ଦାୟିତ୍ୱ ତୁଲାଇଥିଲେ ଟୁକୁନି ସାହୁ । ୨୦୧୪ରେ ବିଧାନସଭାକୁ ନିର୍ବାଚିତ ହୋଇଥିଲେ ଟୁକୁନି ସାହୁ । ଆଉ ସେବେଠାରୁ ନବୀନଙ୍କ ନଜରରେ ଜଣେ ଉତ୍ତମ ନେତ୍ରୀ ଭାବେ ଇମେଜ୍ ବଜାୟ ରଖି ଏବେ ନୂଆ ଟିମରେ ସାମିଲ ହୋଇଛନ୍ତି । ତେବେ ଲୋକସେବା ଭବନର କନଭେକ୍ସନ ହଲରେ ପଦ ଓ ଗୋପନୀୟତାର ଶପଥପାଠ କରାଇଲେ ମହାମହିମ ରାଜ୍ୟପାଳ ପ୍ରଫେସର ଗଣେଷୀ ଲାଲ୍ ।