ନବୀନ ପଟ୍ଟନାୟକଙ୍କ ମନ୍ତ୍ରୀମଣ୍ଡଳର ୧୮ ମନ୍ତ୍ରୀଙ୍କ ମଧ୍ୟରୁ ୧୭ ଜଣ ଏଥର ଟିକେଟ୍ ନେଇଥିଲେ । ମନ୍ତ୍ରୀ ରମେଶ୍ ଚନ୍ଦ୍ର ମାଝୀ ନବରଙ୍ଗପୁର ଲୋକସଭା ଆସନରୁ ପ୍ରାର୍ଥୀ ହୋଇଥିଲା ବେଳେ ଅନ୍ୟ ୧୬ ଜଣ ବିଧାନସଭା ପ୍ରାର୍ଥୀ ହୋଇଥିଲେ । ମନ୍ତ୍ରୀ ଶଶିଭୂଷଣ ବେହେରାଙ୍କ ନିର୍ବାଚନମଣ୍ଡଳୀ ଶେଷ ମୁହୂର୍ତ୍ତରେ ବଦଳିଥିଲା । ତାଙ୍କ ପୁରୁଣା ନିର୍ବାଚନମଣ୍ଡଳୀ ଜୟଦେବ ପରିବର୍ତ୍ତେ ତାଙ୍କୁ କେନ୍ଦ୍ରାପଡାରୁ ପ୍ରାର୍ଥୀ କରାଯାଇଥିଲା । ଜଣେ ମାତ୍ର ମନ୍ତ୍ରୀ ମହେଶ୍ୱର ମହାନ୍ତି ପୁରୀରେ ହାରିଯାଇଛନ୍ତିି ।
Kanak News is now on WhatsApp
Join and get latest news updates delivered to you via WhatsApp
ଜିତିଥିବା ୧୬ ମନ୍ତ୍ରୀ ହେଲେ ବଦ୍ରିନାରାୟଣ ପାତ୍ର,ବିକ୍ରମ କେଶରୀ ଆରୁଖ,ନିରଞ୍ଜନ ପୂଜାରୀ,ପ୍ରଫୁଲ୍ଲ ସାମଲ,ପ୍ରଫୁଲ୍ଲ ମଲ୍ଲିକ,ପ୍ରତାପ ଜେନା,ରମେଶ୍ ଚନ୍ଦ୍ର ମାଝୀ,ଶଶିଭୂଷଣ ବେହେରା,ସୂର୍ଯ୍ୟ ନାରାୟଣ ପାତ୍ର,ଉଷାଦେବୀ,ଅନନ୍ତ ଦାସ,ଅଶୋକ ଚନ୍ଦ୍ର ପଣ୍ଡା,ଚନ୍ଦ୍ରସାରଥୀ ବେହେରା,ନୃସିଂହ ଚରଣ ସାହୁ,ସ୍ନେହାଙ୍ଗିନୀ ଛୁରିଆ ଓ ସୁଶାନ୍ତ ସିଂହ । ପୁଅ ବିଷ୍ଣୁବ୍ରତ ରାଉତରାୟଙ୍କୁ ନିଜ ଆସନ ଛାଡି ଦେଇଥିବା ମନ୍ତ୍ରୀ ବିଜୟଶ୍ରୀ ରାଉତରାୟ ପୁଅକୁ ବିଜୟୀ କରାଇପାରିଛନ୍ତିି । ସେହିପରି ସରକାରୀ ଦଳ ମୁଖ୍ୟ ସଚେତକ ଅମର ଶତପଥୀ ଓ ଉପମୁଖ୍ୟ ସଚେତକ ରୋହିତ ପୂଜାରୀ ଜିତିଯାଇଛନ୍ତି ।