ନବୀନ ନିବାସରେ ଆଜି ହେଲା କଣ? ନେତାଙ୍କୁ ଡାକି କଣ ପଚାରିଲେ ନବୀନ । ଚାରିକାନ୍ଥ ଭିତରର ବଡ କଥା ।
ନବୀନ ପଚାରି ବୁଝିଥିଲେ, ପାଟକୁରା ପାଇଁ ସର୍ବପ୍ରଥମେ କଣ କରିବାର ଆବଶ୍ୟକତା ରହିଛି । ନିର୍ବାଚନ ସମୟରେ ଲୋକ ତାଙ୍କ ଅଂଚଳର ସମସ୍ୟା ନେଇ କଣ ସବୁ ଆଭିମୁଖ୍ୟ ରଖୁଥିଲେ? କିଛି ଏଭଳି ପ୍ରଶ୍ନର ଉତ୍ତର ଆଜି ଲୋଡାଯାଇଥିଲା, ଦାୟିତ୍ୱରେ ଥିବା ନେତାଙ୍କ ଠାରୁ । କାରଣ ବିଜେଡି ସୁପ୍ରିମୋ ଯାହା ଚାହୁଁଥିଲେ, ପାଟକୁରାରେ ଠିକ ସେଭଳି ଫଳାଫଳ ମିଳିଥିବାରୁ ଲୋକ ସାମ୍ନା କରୁଥିବା ତମାମ ସମସ୍ୟାର ସମାଧାନ ପାଇଁ ରାସ୍ତା ଖୋଜାଯାଇପାରେ ବୋଲି ଅନୁମାନ କରାଯାଉଛି ।
କନକ ବ୍ୟୁରୋ: ବିଜୟ ଉତ୍ସବ ସରିନଥିଲା, ହେଲେ ସେତେବେଳକୁ କିନ୍ତୁ ନେତାଙ୍କ ଫୋନ୍ ବାଜିବା ଆରମ୍ଭ ହୋଇଗଲା । ପାଟକୁରା ଦଖଲର ଉତ୍ସାହ ଯେତିକି ଥିଲା, ତାଠାରୁ ଅଧିକ ବିଚଳିତ କରୁଥିଲା ଭୋଟ୍ ଟ୍ରେଣ୍ଡ । ଆରମ୍ଭରୁ ୪୦ ହଜାରରୁ ଅଧିକ ଭୋଟ ବ୍ୟବଧାନରେ ଜିତିବାକୁ ଆଶା ରଖିଥିବା ଦଳର ବ୍ୟବଧାନ କମିବା କିଛି ମାତ୍ରାରେ ସମସ୍ତଙ୍କୁ ବିସ୍ମିତ କରୁଥିଲା । ଦଳର ଥିଙ୍କଟ୍ୟାଙ୍କଙ୍କୁ ମଧ୍ୟ ଏହା ପ୍ରଭାବିତ କରୁଥିବା ସନ୍ଧ୍ୟା ସୁଦ୍ଧା ଜଣାପଡୁଥିଲା ।
Kanak News is now on WhatsApp
Join and get latest news updates delivered to you via WhatsApp
ଡେରାବିଶ, ଗରଦପୁର ଆଉ ମାର୍ଶାଘାଇ ଭିତରୁ ଦଳ ଡେରାବିଶରେ ଏକତରଫା ଭୋଟ ହାସଲ କରିବ ବୋଲି ଧାରଣା ସମସ୍ତଙ୍କୁ ଦିଆଯାଇଥିଲା । ହେଲେ ଏହି ବ୍ଲକରେ ସେଭଳି ମାର୍ଜିନ ନ’ମିଳିବାରୁ ବିଜେଡିର ବିଜୟ ବ୍ୟବଧାନ ଢେର କମିଯାଇଥିଲା । ହେଲେ କାହିଁକି ଡେରାବିଶରେ କମିଲା ବିଜେଡିର ବ୍ୟବଧାନ? ଖାଲି ଡେରାବିଶ ନୁହେଁ, ବରଂ ବିଜୟଙ୍କୁ ପରାସ୍ତ କରିବା ପାଇଁ ଯେଉଁ ବ୍ୟବଦାନର ଲକ୍ଷ୍ୟ ରଖାଯାଇଥିଲା, ତାହା କମିବା ପରେ ନବୀନ ନିବାସରେ ଆରମ୍ଭ ହୋଇଥିଲା ତର୍ଜମା ।
ଯଦିଓ ଆଲୋଚନାର ପୂରା ବିଷୟ ଏହା ଉପରେ ପର୍ଯ୍ୟବେଷିତ ନଥିଲା, ହେଲେ ଦାୟିତ୍ୱରେ ଥିବା ନେତା ସମସ୍ତେ ପହଁଚିବା ପରେ ବିଶ୍ଳେଷଣର ପର୍ବ ଆରମ୍ଭ ହୋଇଥିଲା । କେଉଁ ବ୍ଲକର ଦାୟିତ୍ୱରେ କିଏ ଥିଲା, ଆଉ କେଉଁଠି ରହିଲା ତ୍ରୁଟି ବିଚ୍ୟୁତି ତାକୁ ନେଇ କିଛି ମିନିଟର ସମୀକ୍ଷା ଭିତରେ ଆଉ କିଛି ଦିଗ ମଧ୍ୟ ସାମ୍ନାକୁ ଆସିଥିଲା । ନେତା କହିଥିଲେ, ତାଙ୍କ ମନର କଥା । ଆଉ ଏହା ପରେ ପାଟକୁରା ନେଇ କେଇ ମିନିଟ ଧରି ମଧ୍ୟ ଚାଲିଥିଲା କଥାବାର୍ତ୍ତା ।
ନବୀନ ପଚାରି ବୁଝିଥିଲେ, ପାଟକୁରା ପାଇଁ ସର୍ବପ୍ରଥମେ କଣ କରିବାର ଆବଶ୍ୟକତା ରହିଛି । ନିର୍ବାଚନ ସମୟରେ ଲୋକ ତାଙ୍କ ଅଂଚଳର ସମସ୍ୟା ନେଇ କଣ ସବୁ ଆଭିମୁଖ୍ୟ ରଖୁଥିଲେ? କିଛି ଏଭଳି ପ୍ରଶ୍ନର ଉତ୍ତର ଆଜି ଲୋଡାଯାଇଥିଲା, ଦାୟିତ୍ୱରେ ଥିବା ନେତାଙ୍କ ଠାରୁ । କାରଣ ବିଜେଡି ସୁପ୍ରିମୋ ଯାହା ଚାହୁଁଥିଲେ, ପାଟକୁରାରେ ଠିକ ସେଭଳି ଫଳାଫଳ ମିଳିଥିବାରୁ ଲୋକ ସାମ୍ନା କରୁଥିବା ତମାମ ସମସ୍ୟାର ସମାଧାନ ପାଇଁ ରାସ୍ତା ଖୋଜାଯାଇପାରେ ବୋଲି ଅନୁମାନ କରାଯାଉଛି ।
ବିଜେପୁର ଉପ-ନିର୍ବାଚନ ବେଳେ ନବୀନ ନିଜେ ଏହି ନିର୍ବାଚନ ମଣ୍ଡଳୀର ଦାୟିତ୍ୱ ନେବେ ବୋଲି କହିଥିଲେ । ଆଉ ନିର୍ବାଚନ ପରେ ଅନେକ କିଛି ପ୍ୟାକେଜ ଘୋଷଣା କରିଥିଲେ । ଆଉ ସମାନ ଢଙ୍ଗରେ ପାଟକୁରାରେ ମଧ୍ୟ ନବୀନ କହିଥିଲେ, ଏହି ନିର୍ବାଚନ ମଣ୍ଡଳୀର ବିକାଶ ଦାୟିତ୍ୱ ସେ ନିଜେ ଦେଖିବେ । ତେଣୁ ନିର୍ବାଚନ ମଣ୍ଡଳୀ ଦାୟିତ୍ୱରେ ଥିବା ନେତାଙ୍କ ଠାରୁ ରିପୋର୍ଟ ମିଳିବା ପରେ, ଏଦିଗରେ ପଦକ୍ଷେପ ନିଆଯାଇପାରେ ବୋଲି ଅନୁମାନ କରାଯାଉଛି ।
ଏହି ନିର୍ବାଚନରେ ବିଜୁ ଜନତା ଦଳ ତାର ସମସ୍ତ ଶକ୍ତି ଲଗାଇ ମୈଦାନକୁ ଓହ୍ଲାଇଥିଲା । ମନ୍ତ୍ରୀ, ବିଧାୟକ, ବରିଷ୍ଠ ନେତା ସବୁ ପଂଚାୟତ ଦାୟିତ୍ୱରେ ରହିଥିଲେ । ଉପର ସ୍ତରରେ ନେତା ଏସବୁକୁ ମନିଟର କରୁଥିଲେ । ଆଉ ପ୍ରତିଦିନ ରିପୋର୍ଟ ଆସୁଥିଲା ନବୀନ ନିବାସକୁ । ସମ୍ମାନର ଏହି ଲଢେଇରେ ବିଜୟ ମହାପାତ୍ରଙ୍କ ସ୍ଥିତିକୁ ଆହୁରି ଗୈାଣ କରିବାକୁ ଯେଉଁ ମିଶନ ହାତକୁ ନିଆଯାଇଥିଲା, ସେଥିରେ ଯଦିଓ ସଫଳତା ମିଳିଛି ହେଲେ ବ୍ୟବଧାନ କମିବା କିଛି ମାତ୍ରାରେ ଏହି ବିଜୟକୁ ଫିକା କରିଥିବା ଚର୍ଚ୍ଚା ହେଉଛି ।
ବିଜୟର ଠିକ ପରଦିନ ସମସ୍ତ ନେତାଙ୍କୁ ଧରି ସମୀକ୍ଷା କରିବା ସହ ଆଗାମୀ ଦିନରେ ନିର୍ବାଚନମଣ୍ଡଳୀ ପାଇଁ ରଣନୀତି ତିଆରି କରିବା କିନ୍ତୁ ଦର୍ଶାଉଛି, ଏହି ଲଢେଇର ମହତ୍ତ୍ୱ ଆଉ ଗୁରୁତ୍ୱ ରାଜ୍ୟ ରାଜନୀତି ପାଇଁ କେତେ ଥିଲା?