ଆଜି ହିଞ୍ଜିଳି ଆସନ ପାଇଁ ନାମାଙ୍କନ ପତ୍ର ଦାଖଲ କରିବେ ନବୀନ । ପ୍ରାର୍ଥୀପତ୍ର ଦାଖଲ କରିବା ପୂର୍ବରୁ ତାରାତାରିଣୀ ମନ୍ଦିରରେ ପୂଜାର୍ଚ୍ଚନା କରିବେ ବିଜେଡି ସୁପ୍ରିମୋ
କନକ ବ୍ୟୁରୋ : ଆଜି ନବୀନ ଦାଖଲ କରିବେ ନାମାଙ୍କନପତ୍ର । ହିଞ୍ଜିଳି ଆସନ ପାଇଁ ନାମାଙ୍କନପତ୍ର ଦାଖଲ କରିବେ ବିଜେଡି ସୁପ୍ରିମୋ । ଛତ୍ରପୁର ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ନାମାଙ୍କନ ପତ୍ର ଦାଖଲ କରିବେ ନବୀନ ପଟ୍ଟନାୟକ । ଏହି ସମୟରେ ଜିଲ୍ଲାର ସମସ୍ତ ବିଧାୟକ ଓ ସାଂସଦ ଉପସ୍ଥିତ ରହିବେ । ଯାହାକୁ ନେଇ ସ୍ଥାନୀୟ ବିଜେଡି କର୍ମୀ ଓ ନେତାଙ୍କ ମଧ୍ୟରେ ଉତ୍ସାହ ଖେଳିଯାଇଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ, ସକାଳ ପ୍ରାୟ ୮ଟା ୫୦ ମିନିଟ ସମୟରେ ବିଜେଡି ସୁପ୍ରିମୋ ନବୀନ ନିବାସରୁ ହିଞ୍ଜିଳି ଅଭିମୁଖେ ବାହାରିବେ । ତେବେ ପ୍ରାର୍ଥୀପତ୍ର ଦାଖଲ କରିବା ପୂର୍ବରୁ ତାରା ତାରିଣୀ ମନ୍ଦିରରେ ମା’ଙ୍କ ଦର୍ଶନ ଓ ପୂଜାର୍ଚ୍ଚନା କରିବେ ନବୀନ । ସେଠାରୁ ଛତ୍ରପୁର ଉପଜିଲ୍ଲାପାଳଙ୍କ କାର୍ଯ୍ୟାଳୟ ଯାଇ ନାମାଙ୍କନ ପତ୍ର ଦାଖଲ କରିବେ ଦଳପତି ନବୀନ ।
ହିଞ୍ଜିଳି ଆସନରୁ ନବୀନ ଗତ ୪ଟି ନିର୍ବାଚନରେ ଲଢି ବିଜୟୀ ହେବା ସହ ମୁଖ୍ୟମନ୍ତ୍ରୀ ଆସନରେ ବସି ଆସିଛନ୍ତି । ଲଗାତାର ଭାବେ ଏହି ଆସନରେ ନବୀନଙ୍କ ଲୋକପ୍ରିୟତା ସହ ଭୋଟ ପ୍ରତିଶତ ମଧ୍ୟ ବଢିଚାଲିଛି । ତେଣୁ ନବୀନଙ୍କ ପାଇଁ ହିଞ୍ଜିଳି ଆସନ ବହୁତ ଶୁଭ ବୋଲି ଧାରଣା ରହିଛି । ତେଣୁ ଏହି ଆସନକୁ ହାତଛଡା କରୁନାହାନ୍ତି ନବୀନ । ଚଳିତ ଥର ଉଭୟ ହିଞ୍ଜିଳି ଓ ବିଜେପୁର ଆସନରେ ନିର୍ବାଚନ ଲଢିବାକୁ ଘୋଷଣା କରିଛନ୍ତି ବିଜେଡି ସୁପ୍ରିମୋ । ଦ୍ୱିତୀୟ ପର୍ଯ୍ୟାୟରେ ଏହି ଦୁଇଟି ଆସନରେ ଭୋଟ ଗ୍ରହଣ କରାଯିବ ।