ଅନ୍ଧାରରେ ଉପକୂଳ ଓଡିଶା । ନବୀନ କହିଲେ, କେନ୍ଦ୍ରାପଡାରେ ୩ଦିନ ଓ ଜଗତସିଂହପୁରରେ ୭ ଦିନ ମଧ୍ୟରେ ବିଦ୍ୟୁତ ଯୋଗାଣ ସ୍ୱାଭାବିକ ହେବ ।
କନକ ବ୍ୟୁରୋ : ଭୟଙ୍କର ସାମୁଦ୍ରିକ ଝଡ ଫୋନିର ପ୍ରଭାବରେ ଉଜୁଡିଯାଇଛି ଉପକୂଳ ଓଡିଶା । ଲକ୍ଷ ଲକ୍ଷ ଘର ଭୁଷୁଡି ପଡିଥିବା ବେଳେ ଅନେକ ଗଛ ମାଟିକାମୁଡି ପଡିଛି । ପିଇବାକୁ ପାଣି ମିଳୁନଥିବା ବେଳେ ଅନ୍ଧାରରେ ରହିଛି ସମଗ୍ର ଉପକୂଳ ଓଡିଶା । କେନ୍ଦ୍ରାପଡ଼ା ଜିଲ୍ଲାରେ ଆଗାମୀ ୩ ଦିନ ମଧ୍ୟରେ ବିଦ୍ୟୁତ୍ ଯୋଗାଣ ବ୍ୟବସ୍ଥା ସ୍ୱାଭାବିକ ହେବ । ସେହିପରି ଜଗତସିଂହପୁର ଜିଲ୍ଲାରେ ବିଦ୍ୟୁତ୍ ଜନିତ ସମସ୍ୟାର ସମାଧାନ ହେବା ପାଇଁ ଗୋଟିଏ ସପ୍ତାହ ଲାଗିବ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୋମବାର ସୂଚନା ଦେଇଛନ୍ତି । ସାମୁଦ୍ରିକ ଝଡ଼ ଫନି ସ୍ଥିତି ସମୀକ୍ଷା କରିବା ପରେ ନବୀନ ଏହା କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିଦ୍ୟୁତ ଯୋଗାଣ ନେଇ ସେସୁ ବରିଷ୍ଠ ମହାପ୍ରବନ୍ଧକ କହିଛନ୍ତି, ଭୁବନେଶ୍ୱରସ୍ଥିତ କ୍ୟାପିଟାଲ ହସ୍ପିଟାଲ, ସଚିବାଳୟ, ବିମାନବନ୍ଦରକୁ ବିଦ୍ୟୁତ ସଂଯୋଗ କରାଯାଇଛି । ସେହିପରି ସମସ୍ତ ପାନୀୟ ଜଳ ଯୋଗାଣ ପମ୍ପ ହାଉସକୁ ମଧ୍ୟ ଯୋଗାଣ ହୋଇଛି । ଗଳିକନ୍ଦିର ରାସ୍ତାରେ ଗଛ ପଡ଼ିଥିବାରୁ କାମ ତୀବ୍ର କରାଯାଇ ପାରୁ ନାହିଁ ।