ନବଦିଗନ୍ତ ଚିଟଫଣ୍ଡ ଠକେଇ ମାମଲା ! ପୂର୍ବତନ ବିଜେପି ବିଧାୟକ ହିତେଶ ବଗର୍ତ୍ତିଙ୍କୁ ହାଇକୋର୍ଟଙ୍କ ସର୍ତ୍ତମୂଳଳ ଜାମିନ
କନକ ବ୍ୟୁରୋ : ଚିଟଫଣ୍ଡ ମାମଲାରେ ଜେଲରେ ଥିବା ପୂର୍ବତନ ବିଧାୟକ ହିତେଶ ବଗର୍ତ୍ତିଙ୍କୁ ହାଇକୋର୍ଟ ଆଜି ସର୍ତ୍ତମୂଳଳ ଜାମିନଦେଇଛନ୍ତି । ୨ ଲକ୍ଷ ଟଙ୍କା ବ୍ୟାଙ୍କ ଜମା ବଦଳରେ ହାଇକୋର୍ଟ ଏହି ଜାମିନ ଦେଇଛନ୍ତି । ୨୫ ତାରିଖରେ ହିତେଶଙ୍କ ଜାମିନ ଆବେଦନର ଶୁଣାଣି ହାଇକୋର୍ଟରେ ଶେଷ ହୋଇଥିଲା । ଜାମିନ ଆବେଦନକୁ ସିବିଆଇ ବିରୋଧ କରିଥିଲା । ନବଦିଗନ୍ତ ଚିଟଫଣ୍ଡ ମାମଲାରେ ୨୦୧୪ ନଭେମ୍ବରରେ ହିତେଶଙ୍କୁ ସିବିଆଇ ଗିରଫ କରିଥିଲା । ସେ ସମୟରେ ସାଂସଦ ରାମଚନ୍ଦ୍ର ହାଂସଦା ଓ ପୂର୍ବତନ ବିଧାୟକ ସୁବର୍ଣ୍ଣ ନାୟକ ବି ଗିରଫ ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଅଗଷ୍ଟ ୯ରେ ନବଦିଗନ୍ତ ଚିଟଫଣ୍ଡ ଦୁର୍ନୀତି ମାମଲାରେ ଛନ୍ଦି ହୋଇ ସିବିଆଇ ଦ୍ୱାରା ଗିରଫ ହୋଇ ଜେଲରେ ଥିବା ପୂର୍ବତନ ବିଧାୟକ ସୁବର୍ଣ୍ଣ ନାୟକଙ୍କୁ ହାଇକୋର୍ଟ ସର୍ତ୍ତମୂଳକ ଜାମିନ ପ୍ରଦାନ କରିଥିଲେ । ହାଇକୋର୍ଟ ବିଚାରପତି ଜଷ୍ଟିସ ଜେ.ପି ଦାସ ଶ୍ରୀ ନାୟକଙ୍କୁ ୨ ଲକ୍ଷ ଟଙ୍କାର ଜମାକରିବା ସହିତ ଦୁଇ ଜଣ ଜାମିନଦାରଙ୍କ ବଦଳରେ ସୁବର୍ଣ୍ଣ ନାୟକଙ୍କୁ ଜାମିନ ପ୍ରଦାନ କରିଥିଲେ । ଏତଦବ୍ୟତୀତ କୋର୍ଟଙ୍କ ବିନା ଅନୁମତିରେ ଶ୍ରୀ ନାୟକ ରାଜ୍ୟ ବାହାରକୁ ଯିବା ଉପରେ ମଧ୍ୟ ହାଇକୋର୍ଟ ରୋକ ଲଗାଇଥିଲେ । ସେହିପରି ତଦନ୍ତରେ ସହଯୋଗ କରିବା ସର୍ତ୍ତରେ ଶ୍ରୀ ନାୟକଙ୍କୁ ଏହି ଜାମିନ ପ୍ରଦାନ କରିଥିଲେ ହାଇକୋର୍ଟ । ବିଜେଡି ସାଂସଦ ରାମଚନ୍ଦ୍ର ହାଂସଦା ଏବେ ବି ଜେଲରେ ଅଛନ୍ତି ।