ମନରେଗାରେ ଅର୍ଥ ଆତ୍ମସାତ୍ : କାମ ନକରି ଚଳୁ ହୋଇଛି ୪ଲକ୍ଷ ଟଙ୍କା; ପ୍ରକଳ୍ପ ନିର୍ଦ୍ଦେଶକ କହିଲେ ତଦନ୍ତ ପରେ ହେବ ଦୃଢ କାର୍ଯ୍ୟାନୁଷ୍ଠାନ
କନକ ବ୍ୟୁରୋ : କାମ ନକରି ମନରେଗା ଅର୍ଥ ଆତ୍ମସାତ୍ । ଅଯୋଗ୍ୟ ଜବକାର୍ଡଧାରୀଙ୍କ ଆକାଉଂଟରେ ଟଙ୍କା । ଯାଜପୁର ଜିଲ୍ଲାରେ ମନରେଗା କାର୍ଯ୍ୟ ନକରି ଚଳୁ ହୋଇଛି ୪ ଲକ୍ଷ ଟଙ୍କା । ଦୁଇଟି ସ୍ଥାନରେ କାର୍ଯ୍ୟ ହୋଇଥିବା ଦର୍ଶାଇ ଜାଲି ଜବକାର୍ଡ ମାଧ୍ୟମରେ ଏହି ଅର୍ଥ ଉଠାଇ ଆତ୍ମସାତ କରିଥିବା ଅଭିଯୋଗ ହୋଇଛି । ସରପଂଚ ଓ ସରକାରୀ କର୍ମଚାରୀଙ୍କ ପରିବାରର ଅଯୋଗ୍ୟ ସଦସ୍ୟଙ୍କ ନାଁରେ ଜବକାର୍ଡ କରି ଲୁଟି ନେଇଛନ୍ତି ଏହି ମନରେଗା ଅର୍ଥ । ଯାଜପୁର ଜିଲ୍ଲା ଦଶରଥପୁର ବ୍ଲକ କଟିକଟା ପଂଚାୟତରେ ମନରେଗା ଯୋଜନାରେ ଲକ୍ଷାଧିକ ଟଙ୍କା ଆତ୍ମସାତ ହୋଇଥିବା ଅଭିଯୋଗ ରହିଛି ।
Kanak News is now on WhatsApp
Join and get latest news updates delivered to you via WhatsApp
କଟିକଟା ପଂଚାୟତର ସମବାୟ ସମିତି କାର୍ଯ୍ୟାଳୟ ପଡିଆ ଏବଂ ବିହିପୁର ପ୍ରାଥମିକ ବିଦ୍ୟାଳୟ ଖେଳ ପଡିଆ ଉନ୍ନତିକରଣ ନାଁରେ ସ୍ଥାନୀୟ ସରପଂଚଙ୍କ ସହ ସରକାରୀ କର୍ମଚାରୀ ମିଳିତ ଭାବେ ୪ ଲକ୍ଷ ଟଙ୍କାର ଦୁର୍ନୀତି ହୋଇଥିବା ଗାଁଲୋକେ କହିଛନ୍ତି । ଏପରିକି କୌଣସି ସ୍ଥାନରେ ମାଟି ମୁଠିଏ ପଡିନଥିବା ବେଳେ କେବଳ ଫଳକ ଲଗାଇ ଲୁଟିନେଇଛନ୍ତି ମନରେଗା ଟଙ୍କା । ଏପରିକି କାମ କରାଯାଇଛି ବୋଲି ଦର୍ଶାଯାଇଥିବା ସ୍ଥାନରେ ଜମିରହିଛି ପାଣି କାଦୁଅ । ସେପଟେ ଏନେଇ ପ୍ରକଳ୍ପ ନିର୍ଦ୍ଦେଶକଙ୍କୁ ପଚାରିବାରୁ ଖୁବଶୀଘ୍ର ତଦନ୍ତ କରାଯାଇ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ।