କନକ ବ୍ୟୁରୋ: ପ୍ରକାଶ ପାଇଛି ଦେଶର ପୋଲିସ୍ ସେବାକୁ ନେଇସର୍ଭେ ରିପୋର୍ଟ । ଏଥିରେ ବିହାର ଓ ଉତ୍ତରପ୍ରଦେଶ ଭଳି ରାଜ୍ୟର ସ୍ଥିତି ଅତି ନୈରରାଶ୍ୟ ଜନକ ବୋଲି ରିପୋର୍ଟରେ ଦର୍ଶାଯାଇଛି । ଅନ୍ୟପଟେ ଏହି କ୍ଷେତ୍ରରେ ଦକ୍ଷିଣ ରାଜ୍ୟ ଗୁଡିକରେ ପୋଲସର ପ୍ରଦର୍ଶନ ଭଲ ରହିଛି ବୋଲି ଇଣ୍ଡିଆନ୍ ପୋଲିସ ଫାଉଣ୍ଡେସନ୍ ପକ୍ଷରୁ ହୋଇଥିବା ସର୍ଭେ ରିପୋର୍ଟରେ ପ୍ରକାଶ ପାଇଛି ।
Kanak News is now on WhatsApp
Join and get latest news updates delivered to you via WhatsApp
ପୋଲିସ ସେବା ଯୋଗାଇ ଦେବା ଲକ୍ଷ୍ୟରେ ବିଭିନ୍ନ ବ୍ୟବସ୍ଥା ଗ୍ରହଣ କରୁଥିବାବେଳେ ଏସବୁକୁ ନେଇ ‘ଆଇପିଏଫ ସ୍ମାର୍ଟ ପୋଲିସ ଇଣ୍ଡେକ୍ସ-୨୦୨୧’ସୂଚକାଙ୍କ ପ୍ରସ୍ତୁତ କରାଯାଇଥିଲା । ତେବେ ଏହି ସୂଚକାଙ୍କରେ ଦେଶର ଦକ୍ଷିଣ ରାଜ୍ୟ ସମୂହକୁ ଏବଂ ଉତ୍ତରପୂର୍ବ ରାଜ୍ୟ ମାନଙ୍କ ମଧ୍ୟରୁ ଅଧିକାଂଶ ରାଜ୍ୟରେ ପୋଲିସର ସେବାର ସ୍ଥିତି ଦେଶର ଅନ୍ୟ ଭାଗ ତୁଳନାରେ ଭଲ ରହିଛି ବୋଲି ଏହି ରିପୋର୍ଟରେ କୁହାଯାଇଛି ।ଆନ୍ଧ୍ରପ୍ରଦେଶ ,ତେଲେଙ୍ଗାନା, କେରଳ , ସିକିମ, ଓ ଆମାସ ଆଦି ରରାଜ୍ୟ ଏହି ସର୍ଭେ ରିପୋର୍ଟ ବା ସୂଚକାଙ୍କରେ ସବୁଠୁ ଆଗରେ ଥିବାବେଳେ ବିହାର , ଉତ୍ତରପ୍ରଦେଶ , ଛତିଶଗଡ, ଝାରଖଣ୍ଡ ଓ ପଂଜାବଆଦି ରାଜ୍ୟର ସ୍ଥାନ ଏହି ରିପୋର୍ଟରେ ସବୁଠୁ ନିମ୍ନରେ ରହିଛି ।
ତେବେ ପୋଲିସ ସେବାକୁ ନେଇ ଜାତୀୟ ସ୍ତରରେ ହାରାହାରୀ ସନ୍ତୁଷ୍ଟି ୬୯ ପ୍ରତିଶତ ରହିଥିବା ରିପୋର୍ଟରେ ଦର୍ଶାଯାଇଛି । ଏଥିରେ ଓଡିଶାର ସ୍ଥାନ ୫ମ ସ୍ଥାନରେ ରହିଛି । ପୋଲିସ ସେବାର ପ୍ରମୁଖ ୧୦ଟି ମାନଦଣ୍ଡକୁ ନେଇ ପ୍ରସ୍ତୁତ ହୋଇଛି ଏହି ରିପୋର୍ଟ ।