ତାମିଲନାଡୁର ମୁଖ୍ୟମନ୍ତ୍ରୀ  ଏମ.କେ ଷ୍ଟାଲିନଙ୍କ ପୁଅ ଉଦୟନିଧି ସନାତନ ଧର୍ମ ଉପରେ ଦେଇଥିବା ବିବାଦୀୟ ମନ୍ତବ୍ୟ  ଉପରେ କଂଗ୍ରେସ ସମେତ ବିରୋଧୀ ଦଳକୁ ଟାର୍ଗେଟ କରିଛି ବିଜେପି । ବିଜେପି କହିଛି ଯେ ସନାତନ ଧର୍ମ ଉପରେ ଉଦୟନିଧି ଷ୍ଟାଲିନଙ୍କ ବିବୃତ୍ତିରେ ରାହୁଲ ଗାନ୍ଧୀ, ମଲ୍ଲିକାର୍ଜୁନ ଖର୍ଗେ, ନୀତୀଶ କୁମାର ଏବଂ ତେଜସ୍ୱୀ ଯାଦବଙ୍କ ପରି  ବିରୋଧୀ ଦଳର ନେତାଙ୍କ ନିରବତା ଆଶ୍ଚର୍ଯ୍ୟଜନକ । ଏହି ପ୍ରସଙ୍ଗରେ ରାହୁଲ ଗାନ୍ଧୀ ଚୁପ ରହିଛନ୍ତି କାହିଁକି ।

Advertisment

ତାମିଲନାଡୁର ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନଙ୍କ ପୁଅ ଉଦୟନିଧି ସନାତନ ଧର୍ମ ଉପରେ ବିବାଦୀୟ ମନ୍ତବ୍ୟ ଦେଇ ଏକ ଝଡ଼ ସୃଷ୍ଟି କରିଛନ୍ତି ଯାହା ଥମିବାର ନାଁ ନେଉନାହିଁ । ଉଦୟନିଧିଙ୍କ ବିବୃତ୍ତି ଉପରେ ନୀରବତା ରଖିଥିବାରୁ କଂଗ୍ରେସ ସମେତ ବିରୋଧୀ ଦଳ ଉପରେ ବିଜେପି ଆଜି କ୍ଷୋଭ ପ୍ରକାଶ କରିଛି ।

ଉଦୟନିଧିଙ୍କ ବିବୃତ୍ତିରେ ବିରୋଧୀ ଦଳର ନେତାଙ୍କ ନିରବତା ସମସ୍ତଙ୍କୁ  ଚକିତ କରିଛି । ବିଜେପି ନେତା ରବିଶଙ୍କର ପ୍ରସାଦ କହିଛନ୍ତି ଯେ ସନାତନ ଧର୍ମ ଉପରେ ଉଦୟନିଧି ଷ୍ଟାଲିନଙ୍କ ବିବୃତ୍ତି ଉପରେ ରାହୁଲ ଗାନ୍ଧୀ, କଂଗ୍ରେସ ସଭାପତି ମଲ୍ଲିକାର୍ଜୁନ ଖର୍ଗେ, ନୀତୀଶ କୁମାର ଏବଂ ତେଜସ୍ୱୀ ଯାଦବଙ୍କ ଭଳି ନେତାଙ୍କ ନିରବତା ଆଶ୍ଚର୍ଯ୍ୟଜନକ। ଆହୁରି ସେ ମଧ୍ୟ କହିଛନ୍ତି ଯେ ରାହୁଲ ଗାନ୍ଧୀ ଏହି ପ୍ରସଙ୍ଗରେ ନିଜର ମନ୍ତବ୍ୟ ଦେବା ଉଚିତ୍।

ଉଦୟନିଧି ଷ୍ଟାଲିନ ତାଙ୍କ ବିବୃତ୍ତିରେ ଆଜି ମଧ୍ୟ ଦୃଢ ଅଛନ୍ତି

ରବିଶଙ୍କର କହିଛନ୍ତି ଯେ ଡେଙ୍ଗୁ ଏବଂ ମ୍ୟାଲେରିଆ ପରି ସନାତନ ଧର୍ମକୁ ହଟାଇବା ପାଇଁ ଉଦୟନିଧି ଷ୍ଟାଲିନ ତାଙ୍କ ବିବାଦୀୟ ବିବୃତ୍ତିରେ ଆଜି ମଧ୍ୟ ଦୃଢ ଅଛନ୍ତି ଏଥିପାଇଁ ତାଙ୍କର ପଶ୍ଚାତାପ ନାହିଁ । ଏହା ସନାତନ ଧର୍ମ ପ୍ରତି ଘୋର ଅପମାନ। ସେ ପ୍ରଶ୍ନ କରିଛନ୍ତି ଯେ ରାହୁଲ ଗାନ୍ଧୀ, ନୀତୀଶ କୁମାର, ତେଜସ୍ୱୀ ଯାଦବ ଏବଂ ମମତା ବାନାର୍ଜୀ ସହଯୋଗୀ ଦଳର ବିବୃତ୍ତିରେ ଏ ବିବୃତ୍ତିରେ କାହିଁକି ଚୁପ୍ ଅଛନ୍ତି ?

'ସନାତନ ଧର୍ମ ଚିର ଶାଶ୍ଵତ ଅଟେ'

ବିଜେପି ନେତା କହିଛନ୍ତି ଯେ ସନାତନ ଧର୍ମ ଚିର ଶାଶ୍ଵତ । ସେ ପ୍ରଶ୍ନ କରିଛନ୍ତି ଯେ ସନାତନ ଧର୍ମକୁ ଡେଙ୍ଗୁ ଏବଂ ମ୍ୟାଲେରିଆ ସହିତ ତୁଳନା କରିବା କେତେଦୂର ଠିକ୍ ? ସେ ଅନ୍ୟ ଧର୍ମ ବିଷୟରେ ଏପରି କଥା କହିପାରିବେ କି ? ଜନସାଧାରଣ ସବୁକିଛି ଦେଖୁଛନ୍ତି ।  ଆସନ୍ତା ନିର୍ବାଚନରେ ​​ସେ ଏହାର ଉତ୍ତର ଦେବେ।

ରାହୁଲ ଗାନ୍ଧୀ କାହିଁକି ଚୁପ୍ ଅଛନ୍ତି ?

ରବି ଶଙ୍କର ପ୍ରସାଦ କହିଛନ୍ତି ଯେ ଉଦୟନିଧି ସନାତନ ଧର୍ମକୁ ଡେଙ୍ଗୁ ଏବଂ ମ୍ୟାଲେରିଆ ସହିତ ତୁଳନା କରିଛନ୍ତି ଏବଂ ଏହାକୁ ଶେଷ କରିବାକୁ ସେ ଲୋକଙ୍କୁ ଆହ୍ବାନ ଦେଇଛନ୍ତି ।  ପ୍ରଶ୍ନ ହେଉଛି ରାହୁଲ ଗାନ୍ଧୀ ଏବଂ ନୀତୀଶ କୁମାର ଏହି ପ୍ରସଙ୍ଗରେ ଦୁଇ ଦିନ ଧରି ନୀରବ କାହିଁକି?

ନିର୍ବାଚନ ସମୟରେ ରାହୁଲ ଗାନ୍ଧୀ କେବଳ ହିନ୍ଦୁ ହୁଅନ୍ତି ।

'ହିନ୍ଦୁ ବିରୋଧୀ ବିପକ୍ଷ'

ରବି ଶଙ୍କର ପ୍ରସାଦ କହିଛନ୍ତି ଯେ ବିପକ୍ଷ ହେଉଛି ହିନ୍ଦୁ ବିରୋଧୀ । ଭାରତର ସଂସ୍କୃତି ଏବଂ ଏକତା ଅନନ୍ତ ଅଟେ । ସେ ରାମସେତୁ  ସମ୍ପର୍କରେ କଂଗ୍ରେସକୁ ଟାର୍ଗେଟ କରି କହିଛନ୍ତି ଯେ ସୋନିଆ ଗାନ୍ଧୀ ରାମଙ୍କୁ କାଳ୍ପନିକ ବୋଲି ମଧ୍ୟ ବର୍ଣ୍ଣନା କରିଥିଲେ ।