କେନ୍ଦ୍ର ସରକାର ଜାରି କଲେ ନୂଆ ଟିକାକରଣ ପଲିସି । ଲୋକ ସଂଖ୍ୟା ଓ ସଂକ୍ରମିତଙ୍କ ସଂଖ୍ୟା ଆଧାରରେ ରାଜ୍ୟକୁ ଯୋଗାଇବେ ଟିକା ।
କନକ ବ୍ୟୁରୋ : ଦେଶରେ କରୋନା ସଂକ୍ରମଣର ଦ୍ୱିତୀୟ ଲହର କମୁଥିବା ବେଳେ କେନ୍ଦ୍ର ସରକାର ଟିକାକରଣର ନୂଆ ପଲିସି ନେଇ ନିର୍ଦ୍ଦେଶନାମା ଜାରି କରିଛନ୍ତି । ନୂଆ ଟିକାକରଣ ନୀତିକୁ ନେଇ କେନ୍ଦ୍ର ସରକାର କହିଛନ୍ତି ଯେ, ରାଜ୍ୟ ମାନଙ୍କର ଲୋକସଂଖ୍ୟା, ସଂକ୍ରମିତଙ୍କ ସଂଖ୍ୟା ଓ ଟିକାକରଣ ନୀତି ଆଧାରରେ କେନ୍ଦ୍ର ସରକାର ରାଜ୍ୟମାନଙ୍କୁ ଟିକା ଯୋଗାଇ ଦେବେ । ପ୍ରଧାନମନ୍ତ୍ରୀଙ୍କ ଘୋଷଣାର ଗୋଟିଏ ଦିନ ପରେ ଏଭଳି ନିଦ୍ଦେଶନାମା ଜାରି କରାଯାଇଛି । ସୋମବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଥିଲେ କି ଦେଶର ସମସ୍ତ ଲୋକଙ୍କୁ କେନ୍ଦ୍ର ସରକାର ମାଗଣାରେ ଟିକା ଯୋଗାଇ ଦେବେ ଓ ଏହି କାର୍ଯ୍ୟକ୍ରମ ଜୁନ ୨୧ ତାରିଖ ଠାରୁ ଆରମ୍ଭ ହେବ । ଟିକା ନଷ୍ଟ କରିବା ନେଇ କିଛି ରାଜ୍ୟ ସରକାର ଓ କେନ୍ଦ୍ର ମଧ୍ୟରେ କଥା କଟା କଟି ହୋଇଛି । ମେ ମାସରେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରଣାଳୟର ସୂଚନା ମୁତାବକ ଝାଡଖଣ୍ଡ ୩୭ ପ୍ରତିଶତ, ଛତିଶଗଡ ୩୦ ପ୍ରତିଶତ,ତାମିଲନାଡୁ ୧୫.୫ ପ୍ରତିଶତ, ଜମ୍ମୁ-କାଶ୍ମୀର ୧୦.୮ ପ୍ରତିଶତ, ମଧ୍ୟପ୍ରଦେଶ ୧୦.୭ ପ୍ରତିଶତ ଟିକା ନଷ୍ଟ କରିଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
Govt of India releases revised guidelines for national COVID vaccination program, to be implemented from June 21
“Vaccine doses to be allocated to States/UTs based on population, disease burden & vaccination’ progress. Wastage will affect allocation negatively,” guidelines say pic.twitter.com/rUsm0MZmwN
— ANI (@ANI) June 8, 2021
ଟିକାକରଣକୁ ନେଇ କେନ୍ଦ୍ର ସରକାର ଜାରି କରିଥିବା ନୂଆ ପଲିସି ମୁତବକ , ୧୮ ବର୍ଷରୁ ଅଧିକ ବୟସ୍କ ନାଗରିକଙ୍କ ଜନସଂଖ୍ୟା ସମୁହ ମଧ୍ୟରେ କିମ୍ବା ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ଆବଶ୍ୟକତା ଆଧାରରେ ସେମାନେ କେନ୍ଦ୍ରକୁ ଟିକା ମାଗି ପାରିବେ ।
ଘରୋଇ ହସ୍ପିଟାଲ ପାଇଁ ଟିକାର ପ୍ରତି ଖୋରାକର ମୂଲ୍ୟ ଟିକା ନିର୍ମାତା କମ୍ପାନୀମାନେ ସ୍ଥିର କରିବେ । ଏହାସହ ଘରୋଇ ହସ୍ପିଟାଲମାନେ ଯେତିକି ଦାମରେ ଟିକା କିଣିବେ ତା ଉପରେ ଅଧିକ ୧୫୦ ଟଙ୍କା ସେବା ଶ୍ଳୁକ ବାବଦରେ ନେଇ ପାରିବେ । ଏହା ଉପରେ କେନ୍ଦ୍ର ସରକାର ନଜର ରଖିବେ ।
ଅନ୍ୟପଟେ ଟିକା ନିର୍ମାତାଙ୍କ ଉତ୍ପାଦନ ଓ ନୂଆ ଟିକାକୁ ପ୍ରୋତ୍ସାହିତ କରିବା ପାଇଁ ଘରୋଇ ହସ୍ପିଟାଲ ମାନଙ୍କୁ ଟିକା କମ୍ପାନୀମାନେ ସିଧାସଳଖ ଟିକା ଉପଲବ୍ଧ କରାଇବାକୁ କେନ୍ଦ୍ର ସରକାର ବିକଳ୍ପ ଦେଇଛନ୍ତି ।