ମିଥୁନ ଚକ୍ରବର୍ତ୍ତୀଙ୍କ ପାଇଁ ଭାରି ପଡିଲା ନିର୍ବାଚନୀ ସଭାରେ ବିବାଦୀୟ ବୟାନ । ଥାନାକୁ ଡାକି ପଚରା ଉଚରା କଲା କୋଲକତା ପୋଲିସ ।
କନକ ବ୍ୟୁରୋ : ଅଭିନେତା ତଥା ବିଜେପି ନେତା ମିଥୁନ ଚକ୍ରବର୍ତ୍ତୀଙ୍କୁ କୋଲକତା ପୋଲିସ ଥାନାକୁ ଡାକି ପଚରା ଉଚରା କରିଛି । ସୂଚନା ମୁତାବକ ପଶ୍ଚିମବଙ୍ଗ ବିଧାନସଭା ନିର୍ବାଚନ ସମୟରେ ଏକ ସଭାରେ ଦେଇଥିବା ବିବାଦୀୟ ବୟାନକୁ ନେଇ ପୋଲିସ ତାଙ୍କୁ ନୋଟିସ୍ କରିଥିଲା । ତାଙ୍କ ଭାଷଣ ହିଂସା ଉଦ୍ରେକକାରୀ ବୋଲି ଅଭିଯୋଗ କରି ମାଣିକତାଲା ପୋଲିସ ଷ୍ଟେସନରେ ତାଙ୍କ ନାମରେ ଅଭିଯୋଗ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ମାଣିକତାଲା ଥାନାରେ ଦାଖଲ ହୋଇଥିବା ଅଭିଯୋଗରେ ଦାବି କରାଯାଇଥିଲା ଯେ ମାର୍ଚ୍ଚ ୭ ତାରିଖରେ ମିଥୁନ ବିଜେପିରେ ସାମିଲ ହେବା ପରେ ଆୟୋଜିତ ସଭାରେ କହିଥିଲେ କି ‘ମାରବୋ ଏଖାନା, ଲାସ ପୋରବେ ସେଖାନେ’ ଅର୍ଥାତ ଏଠାରେ ତୁମକୁ ମାରିଲେ ସେଠାରେ ତୁମର ଲାସ ପଡିବ । ଏହାସହ ସାପର ଗୋଟିଏ ଦଂଶନରେ ତୁମେ ଫଟୋ ହୋଇଯିବ ବୋଲି ସେ କହିଥିଲେ । ଏହାକୁ ନେଇ ନିର୍ବାଚନ ପରେ ରାଜ୍ୟରେ ହିଂସା ଦେଖିବାକୁ ମିଳିଥିଲା ।
Actor & BJP leader Mithun Chakraborty is being questioned virtually by Kolkata Police over his controversial speech during election campaigning for West Bengal polls. An FIR was registered in Maniktala for his speech.
(File photo) pic.twitter.com/SY9eQyXkTz
— ANI (@ANI) June 16, 2021
କହିରଖୁ କି ଯେଉଁ ସଭାରେ ମିଥୁନ ଏଭଳି ବିବାଦୀୟ ବୟାନ ଦେଇଥିଲେ ସେହି ସଭାରେ ଖୋଦ ପ୍ରଧାନମନ୍ତ୍ରୀ ଉପସ୍ଥିତ ଥିଲେ । ଏନେଇ ଅଭିଯୋଗ ହେବା ପରେ ଅଭିଯୋଗକୁ ଖାରଜ କରିବାକୁ ମିଥୁନ ହାଇକୋର୍ଟରେ ମାମଲା ଦାୟର କରିଥିଲେ । ସେ କହିଥିଲେ କି ସଭାରେ ସେ କେବଳ ତାଙ୍କ ସିନେମାର ସଂଳାପ କହିଥିଲେ । ଏହା କାହାକୁ ଆକ୍ଷେପ କରି ସେ କହି ନଥିଲେ ।
ଏହି ମାମଲାର ଶୁଣାଣି କରି କୋଲକତା ହାଇକୋର୍ଟ ନିର୍ଦ୍ଦେଶ ଦେଇଥିଲେ କି ମିଥୁନ ଚଳ୍ରବର୍ତ୍ତୀଙ୍କୁ ଥାନାରେ ହାଜର ହେବାକୁ ପଡିବ ।