ମିଶନ ମୁନରେ ଇତିହାସ ରଚିଲା ନାସା। ପ୍ରେରଣ କଲା ଆର୍ମେଟିସ ୱାନ ମହାକାଶଯାନ।

କନକ ବ୍ୟୁରୋ: ଆମେରିକା ସ୍ପେସ ଏଜେନ୍ସି ନାସାର ଚନ୍ଦ୍ର ମିଶନ ‘ଆର୍ଟିମିସ-ୱାନ’ ସଫଳତାର ସହ ଲଞ୍ଚ ହୋଇଛି । ରକେଟଟି ଫ୍ଲୋରିଡ଼ାର କେନେଡି ସ୍ପେସ ସେଣ୍ଟରରୁ ଭାରତୀୟ ସମୟ ଅନୁସାରେ ୧୨.୧୭ ମିନିଟରେ ଲଂଚ ହୋଇଛି । ଦୁନିଆର ସୁବୁଠୁ ବଡ଼ ରକେଟ୍ ଲଂଚ କରିବାରେ ଏହା ନାସାର ତୃତୀୟ ପ୍ରୟାସ । ଆମେରିକା ଅନ୍ତରୀକ୍ଷ ଏଜେନ୍ସି ୫୦ ବର୍ଷ ପରେ ଏହି ମିଶନ କରିଛି । ନାସାର ମଙ୍ଗଳ ମିଶନ ପରେ ଏହି ଆର୍ଟିମିସ-ୱାନ ସବୁଠାରୁ ଗୁରୁତ୍ୱପୂର୍ଣ୍ଣ ମିଶନ । ତେବେ ଏହାର ମୁଖ୍ୟ ଉଦ୍ଦେଶ୍ୟ ହେଉଛି ଭବିଷ୍ୟତରେ ମନୁଷ୍ୟକୁ ଚନ୍ଦ୍ର ଓ ଚନ୍ଦ୍ର କକ୍ଷକୁ ପଠାଇବା । ନାସା ଏହି ରକେଟ ମାଧ୍ୟମରେ ଚନ୍ଦ୍ରକୁ ଓରିଓନ ସ୍ପେସସିପ ପଠାଇଛି । ଏହି ସ୍ପେସସିପ ଚନ୍ଦ୍ରରେ ୪୨ ଦିନ ଯାତ୍ରା ପରେ ଫେରିବାର ସୂଚନା ରହିଛି । ଏହି ଆର୍ଟିମିସ ରକେଟର ଗତି ୨୧ ଲକ୍ଷ କିଲୋମିଟର ରହିଛି ।

ନାସାର ସୂଚନା ଅନୁସାରେ, ଆସନ୍ତା ସୋମବାର ଓରିଓନ୍ ସ୍ପେସସିପ୍ ଚନ୍ଦ୍ରର ପାଖରେ ୯୬.୫ କିଲୋମିଟର ଦେଇ ଏହା ଗତି କରିବ । କିଛି ସପ୍ତାହ ମହାକାଶରେ ନିରୀକ୍ଷଣ କରିବା ସହ ଏହା ୧୧ ଡିସେମ୍ବରରେ ପ୍ରଶାନ୍ତ ମହାସାଗରରେ ପଡ଼ିବ । ଏବଂ ଫେରିବା ସମୟରେ ଏହାର ଗତି ଘଂଟା ପ୍ରତି ୪୦ ହଜାର କିଲୋମିଟର ରହିବ । ଯଦି ଏହି ମିଶନ ପରୀକ୍ଷଣ ସଫଳ ହୁଏ ତେବେ ୨୦୨୫ ସୁଦ୍ଧା ଅନ୍ତରୀକ୍ଷ ଯାତ୍ରୀଙ୍କୁ ଚନ୍ଦ୍ରକୁ ପଠାଯିବ । ଆର୍ଟିମିସ-ୱାନ ମିଶନ ପରେ ନାସା ବୈଜ୍ଞାନିକ ଚନ୍ଦ୍ରରେ ପହଞ୍ଚିବାକୁ ଅନ୍ୟ ଆବଶ୍ୟକ ଦିଗ ପ୍ରତି ଧ୍ୟାନ ଦେବେ ଯାହା ଫଳରେ ଯିଏ କେହିବି ଚନ୍ଦ୍ରକୁ ଯାଇ ମଙ୍ଗଳରେ ଯାତ୍ରା କରିପାରିବେ । ଏହି ଲଞ୍ଚ ପୂର୍ବରୁ ୨୯ ଅଗଷ୍ଟ ଓ ସେପ୍ଟେମ୍ବର ୩ ତାରିଖରେ ଏହାକୁ ଲଞ୍ଚକରିବାକୁ ନାସା ଚେଷ୍ଟା କରିଥିଲା । ହେଲେ କୈାଣସି ତ୍ରୁଟି ଓ ପାଗ ପରିବର୍ତନ ଯୋଗୁଁ ଲଂଚର ସମୟ ପରିବର୍ତନ କରାଯାଇଥିଲ।।