କନକ ବ୍ୟୁରୋ: ବେଳେ ବେଳେ ମନରେ ପ୍ରଶ୍ନ ଆସେ ଯେ ପୃଥିବୀ ବ୍ୟତୀତ ଦୁନିଆର ଆଉ କେଉଁଠି ଜୀବନ ଅଛି କି? ଏହି ପ୍ରଶ୍ନର ଉତ୍ତର ବୈଜ୍ଞାନିକଙ୍କ ପାଖରେ ନାହିଁ । ସେମାନଙ୍କ ପାଖରେ କେବଳ ଏ ସମ୍ବନ୍ଧିତ ଥିଓରୀ ଅଛି । କିନ୍ତୁ ଏବେ ପୃଥିବୀ ଭଳି ଏକ ଗ୍ରହର ସନ୍ଧାନ ହୋଇଥିବା ଦାବି କରିଛି ଆମେରିକା ମହାକାଶ ଏଜେନ୍ସି ବା ନାସା ।
Kanak News is now on WhatsApp
Join and get latest news updates delivered to you via WhatsApp
ବୈଜ୍ଞାନିକମାନେ ଏପରି ଏକ ଗ୍ରହର ସନ୍ଧାନ ପାଇଛନ୍ତି, ଯାହା ପୃଥିବୀ ଠାରୁ ଚାରିଗୁଣା ବଡ଼ବୋଲି ନାସା ଦାବି କରିଛି । ଏହାକୁ ସୁପର ଆର୍ଥ କୁହାଯାଉଛି । ସୁପର ଆର୍ଥର ବୈଜ୍ଞାନିକ ନାଁ ରସ୍ ୫୦୮ବି ରଖାଯାଇଛି । ଏହି ଗ୍ରହକୁ ପୂରା ଏକ ବର୍ଷ ପୂରଣ କରିବାକୁ ମାତ୍ର ୧୦ ଦଶମିକ ୮ ଦିନ ସମୟ ଲାଗେ । ଏହି ଏକ୍ସପୋପ୍ଲାନେଟକୁ ଏକ ନୂଆ ଇନଫ୍ରାରେଡ୍ ମନିଟରିଂ ଟେକନିକ୍ ବ୍ୟବହାର କରି ଆବିଷ୍କାର କରାଯାଇଛି । ଏହା ଆମଠାରୁ ୩୭ ଆଲୋକବର୍ଷ ଦୂରରେ ଅବସ୍ଥିତ । ଏହା ସୌରମଣ୍ଡଳ ବାହାରେ ତାରାକୁ ପରିକ୍ରମା କରୁଥିବା ଦାବି କରିଛି ନାସା ।