ଭାରତୀୟ ଅନ୍ତରୀକ୍ଷ ଅନୁସନ୍ଧାନ ସଂଗଠନ (ଇସ୍ରୋ) ସୋମବାର ଇତିହାସ ରଚିବାରେ ସଫଳ ହୋଇଛି । ଆନ୍ଧ୍ରପ୍ରଦେଶର ଶ୍ରୀହରିକୋଟା ସତୀଶ୍ ଧୱନ ସ୍ପେଶ୍ ସେଣ୍ଟରରେ ଦ୍ୱିପ୍ରହର ୨.୪୩ ମିନିଟ୍ ରେ ନିଜର ମହତ୍ତ୍ୱାକାଂକ୍ଷୀ ମିଶନ୍ ଚନ୍ଦ୍ରଯାନ-୨ ର ସଫଳ ପ୍ରକ୍ଷେପଣ କରିଛି ଇସ୍ରୋ । ଚନ୍ଦ୍ରଯାନ-୨ ର ପ୍ରକ୍ଷେପଣ ଭାରତର “ବାହୁବଲୀ ରକେଟ୍”  GSLV ମାର୍କ III-M1 ରେ କରାଗଲା । ୪୮ ଦିନ ପରେ ଚନ୍ଦ୍ରର ଅନ୍ଧାର ଦୁନିଆ କୁହାଯାଉଥିବା ସାଉଥ୍ ପୋଲ୍ ରେ ଚନ୍ଦ୍ରଯାନ-୨ ଲ୍ୟାଣ୍ଡ କରିବ । ଯେଉଁଠାରେ ଆଜି ପର୍ଯ୍ୟନ୍ତ କୌଣସି ଦେଶ ପହଁଚି ପାରିନାହିଁ ସେଠାରେ ପହଁଚିବା ଲକ୍ଷ୍ୟରେ ଭାରତ । ଇସ୍ରୋର ଏଭଳି କାମକୁ ସାରା ଦୁନିଆରେ ଖୁବ୍ ପ୍ରଶଂସା କରାଯାଉଛି । କିନ୍ତୁ “ଆମେରିକା ସ୍ପେଶ୍ ଏଜେନ୍ସୀ ନାସା” ଏବେ ଚନ୍ଦ୍ରଯାନ-୨ କୁ ନେଇ ଇସ୍ରୋକୁ ଏକ ଟ୍ୱିଟ୍ କରିଛି । ଯାହାକୁ ନେଇ ଏବେ ଚର୍ଚ୍ଚା ଜୋର୍ ଧରିଛି । ନାସା ଟ୍ୱିଟ୍ କରିଥିଲା – ଚନ୍ଦ୍ର ଅଧ୍ୟୟନ ପାଇଁ ଚନ୍ଦ୍ରୟାନ୍ -୨ କୁ ଲଞ୍ଚ୍ କରିବା ପାଇଁ ଇସ୍ରୋକୁ ବହୁତ ବହୁତ ଶୁଭେଚ୍ଛା । ନିଜ ଡିପ୍ ସ୍ପେଶ୍ ନେଟୱର୍କ ଜରିଆରେ ମିଶନ୍ କୁ ନେଇ ସଂପର୍କ ରଖିବା ଏବଂ ସହଯୋଗ କରିବାକୁ ନେଇ ଆମେ ଗର୍ବ ଅନୁଭବ କରୁଛୁ । ଯେଉଁଠାରେ ଆମେ ଅର୍ଟେମିସ୍ ମିଶନ୍ ଜରିଆରେ ଆଗାମୀ କିଛି ବର୍ଷ ମଧ୍ୟରେ ଆମ ଅନ୍ତରୀକ୍ଷ ଯାତ୍ରୀଙ୍କୁ ପଠାଇବାକୁ ଚେଷ୍ଟା କରୁଛୁ ସେଠାରୁ (ଚନ୍ଦ୍ରର ସାଉଥ୍ ପୋଲ୍ ) ଆପଣଙ୍କୁ ମିଳୁଥିବା ସୂଚନାକୁ ନେଇ ଆମେ ଆଶାନ୍ୱିତ ଅଛୁ ।

Advertisment

ନାସାର ଏଭଳି ଅହଂକାର ତଥା ନିଚ୍ଚ ଦେଖାଇଲା ଭଳି ଟ୍ୱିଟ୍ କୁ ନେଇ ଏବେ ଖୁବ୍ ଟ୍ରୋଲ୍ କରାଯାଉଛି । କେତନ ରାମଟେକ୍ ନାମକ ଜଣେ ୟୁଜର କହିଛନ୍ତି ଯେ କ’ଣ ନାସା ଇସ୍ରୋକୁ ଶୁଭେଚ୍ଛା ଜଣାଉଛି ନା ନିଚ୍ଚ ଦେଖାଉଛି ! ଆଉ ଜଣେ ୟୁଜର ଲେଖନ୍ତି , ନାସାର ଏଭଳି ଲେଖାକୁ ମୁଁ ଗ୍ରହଣ କରିପାରୁନାହିଁ , ଅହଙ୍କାର ଏବଂ ନିଚ୍ଚ ଦେଖାଇବା ଭଳି ଶବ୍ଦ ପ୍ର୍ରୟୋଗ କରିଛି ନାଶା । ଏଭଳି ସ୍ଥିତିରେ ନାଶାକୁ ହିଁ ଏଥିପାଇଁ ସଫେଇ ଦେବାକୁ ପଡିଛି । ୩ ଘଣ୍ଟା ପରେ ଆଉ ଏକ ଟ୍ୱିଟ୍ କରି ନାଶା ନିଜ ଭୁଲକୁ ଘୋଡାଇବାକୁ ଚେଷ୍ଟା କରିଛି ।