ରତ୍ନଭଣ୍ଡାରକୁ ନେଇ ତେଜିଲା ରାଜନୀତି। ରତ୍ନ ଚୋରି ହେବା ନେଇ ସନ୍ଦେହ ପ୍ରକଟ କଲେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର।
କନକ ବ୍ୟୁରୋ: ରତ୍ନଭଣ୍ଡାରକୁ ନେଇ ତେଜିଲା ରାଜନୀତି । ଆଇନ ମନ୍ତ୍ରୀ କହିଲେ ଏଏସଆଇ ଚିଠିକୁ ତର୍ଜମା କରି ନିଆଯିବ ନିଷ୍ପତ୍ତି । ସମସ୍ତ ଟିମ୍ ସହିତ ଆଲୋଚନା ପରେ ରତ୍ନଭଣ୍ଡାର ପ୍ରସଙ୍ଗରେ କୌଣସି ନିସ୍ପତ୍ତି ନିଆଯିବ ବୋଲି ସେ କହିଛନ୍ତି । ସେପଟେ ବିରୋଧୀ ଦଳ ମୁଖ୍ୟ ମୋହନ ମାଝୀ କହିଛନ୍ତି ରତ୍ନଭଣ୍ଡାର ପ୍ରସଙ୍ଗରେ ଓଡ଼ିଶାବାସୀ କେବେ ସରକାରଙ୍କୁ କ୍ଷମା ଦେବେନାହିଁ । ରାଜ୍ୟବାସୀ ଚାହିଁବା ଅନୁସାରେ ସରକାର ଆଗେଇ ଆସିବା କଥା । ସରକାର ଜାଣିଶୁଣି ରତ୍ନଭଣ୍ଡାର ଖୋଲିବାକୁ ପଦକ୍ଷେପ ନେଉନାହାନ୍ତି । ତା ପଛରେ କ’ଣ ରହିଛି ରହସ୍ୟ ତାହାର ସତ୍ୟାସତ୍ୟ ସାମ୍ନାକୁ ଆସିବା ଦରକାର ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର କହିଛନ୍ତି ରତ୍ନ ଭଣ୍ଡାରରୁ ଚୋରି ହୋଇଛି, ସେଥିପାଇଁ ସରକାର ଖୋଲିବାକୁ ଡ଼ରୁଛନ୍ତି । ବିଶେଷକରି ଏଏସଆଇ ମରାମତି କରିବା ପାଇଁ ଚିଠି ଲେଖିସାରିବା ପରେ ସରକାର ଆଇନ ଅନୁସାରେ ତାହା କରିବାକୁ ବାଧ୍ୟ । ସେଥିରେ କିଛି ବିଚାର କରିବାର ନାହିଁ । ବହୁ ବର୍ଷ ଧରି ରତ୍ନଭଣ୍ଡାରର ଯାଞ୍ଚ ହୋଇନାହିଁ କି ଗଣତି ମଧ୍ୟ ହୋଇନାହିଁ । ତେଣୁ ତୁରନ୍ତ ରତ୍ନଭଣ୍ଡାର ଖୋଲାଯାଉ ବୋଲି ଦାବି କରିଛନ୍ତି ନରସିଂହ ।