ପ୍ରଧାନମନ୍ତ୍ରୀ ଓବିସି ନହଁନ୍ତି ସାଧାରଣ ବର୍ଗର । ଝାରୁସଗୁଡାରେ ଭାରତ ଯୋଡ ନ୍ୟାୟ ଯାତ୍ରା ବେଳେ ରାହୁଲ ଗାନ୍ଧୀଙ୍କ ସମାଲୋଚନା, ଗୁଜରାଟରୁ ଦିଲ୍ଲୀ ତେଜିଲା ରାଜନୀତି
କନକ ବ୍ୟୁରୋ : ଝାରସୁଗୁଡାରେ ଭାରତ ଯୋଡ ନ୍ୟାୟ ଯାତ୍ରା ବେଳେ ରାହୁଲ ଗାନ୍ଧୀ ପ୍ରଧାନମନ୍ତ୍ରୀଙ୍କୁ ଟାର୍ଗେଟ କରିଛନ୍ତି । କଂଗ୍ରେସ ସାରା ଦେଶରେ ଜାତିଗତ ଜନଗଣନା କରିବାକୁ ଦାବି କରୁଛି । କିନ୍ତୁ ମୋଦୀ ସରକାର ଜାତିଗତ ଜନଗଣନାକୁ ନା କହିବା ପଛର କାରଣ କହିଛନ୍ତି ୱାଏନଡ ସାଂସଦ । ପ୍ରଧାନମନ୍ତ୍ରୀ ମୋଦୀ ଓବିସି ବର୍ଗରେ ଜନ୍ମ ହୋଇନଥିଲେ । ସେ ଗୁଜରାଟର ତେଲି ଜାତିରେ ଜନ୍ମଗ୍ରହଣ କରିଥିଲେ । ୨୦୦୦ ମସିହାରେ ଏହି ଜାତିକୁ ବିଜେପି ସରକାର ଓବିସିର ମାନ୍ୟତା ଦେଇଥିଲା । ମୋଦୀ ଓବିସିଙ୍କ ସହିତ ନୁହେଁ ବରଂ କୋଟିପତିଙ୍କ ସହ ରହିଛନ୍ତି ବୋଲି ରାହୁଲ କହିଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ବିହାରରେ ପ୍ରଥମେ ଜାତିଗତ ଜନଗଣନାକୁ ଅନୁମତି ମିଳିବା ପରେ ଏବେ କଂଗ୍ରେସ ସାରା ଦେଶରେ ଜାତିଗତ ଜନଗଣନା ପାଇଁ ଦାବି କରୁଛି । କିନ୍ତୁ ଏହାରି ଭିତରେ ରାହୁଲ ଗାନ୍ଧୀ ମୋଦୀଙ୍କ ଜାତି ଓବିସି ନୁହେଁ ବୋଲି ଦାବି କରିଛନ୍ତି । ରାହୁଲ ଏପରି କହି ନିର୍ବାଚନ ବେଳେ ଭୋଟ୍ ବ୍ୟାଙ୍କ ଏବଂ ତୁଷ୍ଟିକରଣ ରାଜନୀତି କରୁଛନ୍ତି ବୋଲି ଗୁଜରାଟର ବିଜେପି ବିଧାୟକ କହିଛନ୍ତି ।
୨୦୧୪ ଲୋକସଭା ନିର୍ବାଚନରେ ୩୦ ପ୍ରତିଶତ ପ୍ରଭାବଶାଳୀ ଓବିସି ବିଜେପିକୁ ଭୋଟ୍ ଦେଇଥିବା ବେଳେ ଅଣ-ପ୍ରଭାବଶାଳୀ ଓବିସି ଭୋଟରଙ୍କ ମଧ୍ୟରେ ୪୩ ପ୍ରତିଶତ ଭୋଟ୍ ମିଳିଥିଲା । ୨୦୧୯ ଲୋକସଭା ନିର୍ବାଚନରେ ଓବିସି ଭୋଟରଙ୍କ ମଧ୍ୟରେ ବିଜେପିର ସମର୍ଥନ ଆହୁରି ବୃଦ୍ଧି ପାଇଥିଲା । ପ୍ରଭାବଶାଳୀ ଓବିସି ଭୋଟରଙ୍କ ମଧ୍ୟରୁ ୪୦ ପ୍ରତିଶତ ବିଜେପିକୁ ଭୋଟ୍ ଦେଇଥିବା ବେଳେ ଅଣ-ପ୍ରଭାବଶାଳୀ ଓବିସିଙ୍କ ମଧ୍ୟରେ ୪୮ ପ୍ରତିଶତ ଭୋଟ୍ ମିଳିଛି । ଏବେ ନିର୍ବାଚନ ରହିଛି । ତେଣୁ ଓବିସିକୁ ନିଜ ପଟକୁ ନେବା ପାଇଁ ଶାସକ ବିରୋଧୀ ବୟାନବାଜି ଚାଲିଛି ।