ଓଡିଶା ଆସିବା ପୂର୍ବରୁ ମୋଦୀଙ୍କ ବଡ ବୟାନ: ଓଡ଼ିଶାରେ ସରକାର ପରିବର୍ତ୍ତନ ନେଇ ପୁଣି ଦମ୍ଭୋକ୍ତି କଲେ ପ୍ରଧାନମନ୍ତ୍ରୀ
କନକ ବ୍ୟୁରୋ: ଠିକ୍ ଓଡ଼ିଶା ଆସିବା ପୂର୍ବରୁ ଏବଂ ଶେଷ ପର୍ଯ୍ୟାୟ ନିର୍ବାଚନ ପାଇଁ ପ୍ରଚାର କରିବା ପୂର୍ବରୁ ପ୍ରଧାନମନ୍ତ୍ରୀ ମୋଦୀଙ୍କ ଏହି ଦମ୍ଭୋକ୍ତି, ଏଥିପାଇଁ ଅଧିକ ଗୁରୁତ୍ୱ ରଖୁଛି, କାରଣ ଓଡ଼ିଶାର ୪ଟି ପର୍ଯ୍ୟାୟରୁ ୩ଟି ପର୍ଯ୍ୟାୟ ନିର୍ବାଚନ ସରି ଯାଇଛି । ହାର୍ଜିତ୍ର ଅଙ୍କକଷା ଭିତରେ ଶେଷ ପର୍ଯାୟ ଭୋଟ୍, ୨୦୨୪ ନିର୍ବାଚନର ପରିଣାମକୁ ଚୁଡ଼ାନ୍ତ ରୂପ ଦେବ । ତେଣୁ ଏଭଳି ଏକ ସମୟରେ ମୋଦୀଙ୍କ ଏହି ମନ୍ତବ୍ୟ, ବିଜେପିର ଆତ୍ମବିଶ୍ୱାସ କିମ୍ବା ଉର୍ଜା ବଢ଼ାଇବା ପାଇଁ ହୋଇଥାଇପାରେ ଅଥବା ଶାସକ ବିଜେଡିକୁ ନିରୁତ୍ସାହିତ କରିବା ପାଇଁ ଏକ କୌଶଳ ହୋଇପାରେ ବୋଲି ଚର୍ଚ୍ଚା ହେଉଛି ।
Kanak News is now on WhatsApp
Join and get latest news updates delivered to you via WhatsApp
ଓଡ଼ିଶାରେ ଶେଷ ପର୍ଯ୍ୟାୟ ପାଇଁ ଶେଷ ଉଦ୍ୟମ କରିବା ପୂର୍ବରୁ ମୋଦୀ, ଏଏନ୍ଆଇକୁ ସାକ୍ଷତାକାର ଦେଇ ସେଇ ୨୫ ବର୍ଷର କଥା ଉଠେଇଛନ୍ତି । ଯାହାକୁ ବିଜେଡି, ଜନତାଙ୍କ ଆର୍ଶୀବାଦରୁ ସଫଳ ହାଇଥିବା କହି ଆସୁଛି । କିନ୍ତୁ ମୋଦୀ, ୨୫ ବର୍ଷରେ ଓଡ଼ିଶାରେ କୌଣସି ପରିବର୍ତନ ହୋଇନାହିଁ କହି ସମାଲୋଚନା କରିଛନ୍ତି ।
ପ୍ରାକୃତିକ ସମ୍ପଦରେ ଭରପୁର ଓଡ଼ିଶା । ହେଲେ ସମୃଦ୍ଧ ରାଜ୍ୟର ଲୋକ ଗରିବ କାହିଁକି ବୋଲି ପ୍ରଶ୍ନ କରିଛନ୍ତି ପ୍ରଧାନମନ୍ତୀ ନରେନ୍ଦ୍ର ମୋଦୀ । କିନ୍ତୁ ସକ୍ଷାତକାରର ଦୀର୍ଘ କଥାବାର୍ତା ଭିତରେ ନରେନ୍ଦ୍ର ମୋଦୀ ଏଭଳି ଏକ ସମ୍ଭାବନା ଛାଡ଼ି ଯାଇଛନ୍ତି, ଯାହା ରାଜନୀତିର ଭବିଷ୍ୟତ ଆବଶ୍ୟକତାକୁ ସୂଚାଉଛି ବୋଲି ଚର୍ଚ୍ଚା ହେଉଛି ।
ଏସବୁ ଭିତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶେଷ ଉଦ୍ୟମ କରିବା ପାଇଁ ଓଡ଼ିଶା ଗସ୍ତରେ ଆସୁୁଛନ୍ତି । ଦିନିକିଆ ଗସ୍ତରେ ୩ଟି ଲୋକସଭା: ମୟୁରଭଞ୍ଜ,ବାଲେଶ୍ୱର ଓ କେନ୍ଦ୍ରାପଡ଼ାରେ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିବେ ।