ବିଜେପି ବିଧାୟକଙ୍କ ବିବାଦୀୟ ବୟାନ : କହିଲେ, ମୋଦି ‘ରାମ’ ଓ ଯୋଗୀ ‘ହନୁମାନ’ଙ୍କ ଅବତାର । ଆରଏସଏସର ୧୦୦ବର୍ଷ ପୁରା ହେଲେ ହିନ୍ଦୁରାଷ୍ଟ୍ର ଘୋଷିତ ହେବ ଭାରତ 

ନିଜ ବିବାଦୀୟ ବୟାନ ପାଇଁ ଚର୍ଚ୍ଚାରେ ଥିବା ବଲିୟା ଜିଲ୍ଲାର ବୈରିୟା ବିଧାନସଭା ଆସନର ବିଜେପି ବିଧାୟକ ସୁରେନ୍ଦ୍ର ସିଂହ କାର୍ଯ୍ୟକର୍ତ୍ତା ବୈଠକରେ କହିଛନ୍ତି କି, ରାମ ରୂପରେ ନରେନ୍ଦ୍ର ମୋଦି ଓ ହନୁମାନ ରୂପରେ ଯୋଗୀ ଆଦିତ୍ୟନାଥଙ୍କୁ ଭାରତର ଗଣତାନ୍ତ୍ରିକ ବ୍ୟବସ୍ଥାରେ ଅବତାର ନେଇସାରିଛନ୍ତି । ଆରଏସଏସର ୧୦୦ ବର୍ଷ ପୂରଣ ହେବାକୁ ଯାଉଛି । ୧୦୦ ବର୍ଷ ପୁରା ହେବା ପରେ ଭାରତ ହିନ୍ଦୁରାଷ୍ଟ୍ର ଘୋଷିତ ହେବ ।

ସୁରେନ୍ଦ୍ର ସିଂହ ଅଖିଳେଶଙ୍କୁ ଚୋର ଓ ମାୟାବତୀଙ୍କୁ ଲୋଭୀ କହିଲେ । ସେ ଆହୁରି ମଧ୍ୟ କାର୍ଯ୍ୟକର୍ତ୍ତାଙ୍କ ମଧ୍ୟରେ ଅତି ଉତ୍ସାହର ସହ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ କଳିଯୁଗର ରାକ୍ଷାସୁଣୀ କହିପକାଇଲେ । ଶ୍ରୀରାମଙ୍କ ନାରା ଉପରେ ବିଜେପି ଓ ତୃଣମୂଳ କଂଗ୍ରେସ ମଧ୍ୟରେ ଚାଲିଥିବା ସଂଘର୍ଷ ମଧ୍ୟରେ ସୁରେନ୍ଦ୍ର ସିଂହ କହିଛନ୍ତି କି, ମଣିଷ ରୂପରେ ମମତା ବାନାର୍ଜୀ ରାକ୍ଷାସୁଣୀ । ଲଙ୍କାରେ ଲଙ୍କିନୀ ହନୁମାନଙ୍କୁ ରୋକିଥିଲେ । ସେହି ପ୍ରକାରର ମୋଦି-ଯୋଗୀ ଭଳି ରାମ ଓ ହନୁମାନଙ୍କୁ ପଶ୍ଚିମବଙ୍ଗରେ ରୋକିଥିଲେ । ଯୋଗୀଙ୍କ ଭଳି ହନୁମାନଙ୍କୁ ରୋକିବାକୁ କାହାର କ୍ଷମତା ନାହିଁ । ଏବେ ଲଙ୍କିନୀଙ୍କ ନାଶ ହେବ ଓ ସେଠି ବିଭୀଷଣଙ୍କ ରାଜ ହେବ ।